قصيدة العتيبي بشمر

من لايخاوي شمر الجود غلطـان =من غير نقص في جميـع القبايـل
خويهـم والله مايبلـش بالأحـزان =اليا نخاهـم يصبـح الهـم زايـل
خويهم يحظى بتقديـر واحسـان= مع حشمه وتقديـر للفخـر نايـل
شمر هل الطولات لاقيل فرسـان= وقت السيوف المرهفه والأصايـل
شمر طنايا يوم زيغـات الأذهـان =عدوهم شـاف النجـوم الهوايـل
شمر اليا قلنا هل السيف شجعـان =قالوا : نعم صادق اشيوخ الحمايل
شمر لهم تاريخ في ماضي الأزمان= فيه أطيب العربان تضرب مثايـل
وبوقتنا الحاضر بهم بوش بلشـان =وروا علوجه فالعـراق الهوايـل
شمر هل النوماس في وقت الأكوان= اللـي يـردون الملايـل غلايـل
الابه اللي ذكرهـم للعـرب بـان= ياكـم ثنـوا لاصيحـن الحلايـل
شمر مقر الجود للجـود عنـوان =لايابعد حي العرب ياهـل حايـل
شمر سناعيس على الضد بركـان= يشهد لهم فعـل السنيـن الأوايـل
بنوا اشعار الجود في طي بنيـان= لو زالت الضلعان ماهـو بزايـل
شمر لمن يشكي من الضيم مزبان= لاصارت الحيلات عنـده قلايـل
والله لايرجع بعد الأحزان فرحـان= ينزاح حمله بعـد ماكـان مايـل
قول على حق ودلايـل وبرهـان =يشهد له التاريـخ والشـك زايـل
مهما كتبت بشمر الجـود قيفـان= ماني ملحق ذكر كـل الخصايـل
ماقلت غير الحق والحق سلطـان= قلت ومعي حجه وكـل الدلايـل
وأنا من الهيلا هلا الطيب عتبـان= زبن الدخيل وعوق مخطي وعايل
في ساعة فيها يتسـاون الأثنـان= المـوت والا نكستـي بالجمايـل

للشاعر / نايف بن بندر المحيا العتيبي


ـــــــــــــــــــــــــــــــــــــ


وقام الشاعر نهير نمش الشمري بالرد عليه قائلا

هات القلم واكتب جديـدات الأوزان =واكتب سلامي في جديـد المسايـل
وصل سلامـي والتحايـا لحـوران =حـر تعلـى فـوق كـل الطوايـل
نايف ولد بنـدر سلايـل كحيـلان= ابـن محيـا ياعريـب السـلايـل
البيت مايبنى علـى غيـر سيسـان= للعلـم نـقـال وللـقـول قـايـل
وانا دليلـي ياهـل العـرف مليـان =مليـان بعلـوم الصخـا والشكايـل
عليك بالعتبـان ياصـرت بحـلان= لاسكرت دونـك جميـع الوسايـل
عتبـان ياقلنـا كــلام بحسـبـان =عتبـان ستـر منقضـات الجدايـل
عتبان لاصـارت عجـاج ودخـان= يردون علم المـوت علـم صمايـل
عتبان لاصار الحكي شيـئ وكـدان= عز الخوي لاشـاف حـر الملايـل
عتبان لاعدوا هل الطيـب والشـان= مـع اول العربـان قـول وفعايـل
عتيبه كما سيـل محاديـر جيـلان= لاساقـه المولـى كريـم السبايـل
أهل النقا والجود فـي كـل ميـدان= أهـلا الحميـا والعلـوم الجزايـل
للخايف المضهـود عـزوه وخـلان =وللخايف الموت الحمـر والغلايـل
وماسب انا العـرب ظلـم وبهتـان= كـل القبايـل لـه فعـول ثقـايـل
وحنا الطنايا ماكـر الجـود يافـلان =لاعـودت للسيـف قـدح وفتايـل
الذيـب عشينـاه حيـل وخـرفـان= للطيـب نتعـب ومانـدور بدايـل
وهذا مردي فيـه شكـر وعرفـان= للابـه اللـي كـل فعولـه جلايـل
لروق مـع برقـا شبـاب وشيبـان= من غير خص في فـروع العوايـل
والمعذره وان كان كان بالقاف نقصان= منـك السموحـه يارفيـع النزايـل
تم الكـلام وزبـده الهـرج نيشـان= ورد الجمايل حـق لأهـل النفايـل
وصـلاة ربـي عـد ماهـل ودان= على الرسول اعداد عشب الخمايـل

ونعم والله بابن محيا يشكر والله على هالشعور النبيل ..

الضبيعاوي شاكر لك نقلك الطيب..والشكر موصول لولد العم الشاااعر نهير الحسيني

.. ليت المشرف يقوم بتسيق القصائد..

دمت بخير

ماقال الا الصحيح

والف نعم

معروفين عند القاصي والداني قبيله لها ثقلها في الماضي والحاضر

وصح السان الشاعر

نهير نمش الشمري ملايين

بيض الله وجه وما عليكم زود

ابد

اخونا الفاضل الضبيعاوي

تسلم يمينك

وبيض الله وجهك ويجعلكم دائمآآ من عز بعز يالنشمي

تقبل تحياتي وتقديري

هذاوالله من طيب الشاعر بندر




وصح لسان الشاعر بندر المحيا ..على القصيده


وصح لسانك ياابو نمش على الرد


تحياااتي للجميع

صح السان الشاعر القدير / بندر المحيا ..على القصيده


وصح السانك يا ابو نمش على الرد الطيب

الشكر موصول لأخونا الفاضل / الضبيعاوي
على هالنقل الرائع واستميحك اخي الكريم على تنسيقي لمشاركتك



لك كل الود والتقدير

صح السان ابن محيا


وشمر تستاهل من غير نقص بالقبايل

صح السان هالعتيبي

والله والف نعم بالعتبان ذباحة الحايل لطامة العايل

~{ آلضبيعآوٍي

تسلم على النقل الرااائع

وصحت السنتهم على القول الجزل

كن بخير

جزاك الله خير ..أخوي ..الضبيعاوي على هالنقل الطيب ..

وصح لسان الشعار ...

دمت برعاية ..

صح السان الشاعر بندر المحيا

وتسلم على النقل يالضبيعاوي


اشكرك