قنيب الشمري وصدى العتيبي

السلام عليكم ورحمة الله وبركاته

مصافحة أولى أتمنى أن ترتقي لذائقتكم ياسادة
وأشكر الأخ القدير فيصل الجبرين على الدعوة الكريمة

/

يقول جدي بيطار الشعر ( بريك الأسعدي ) في الخوّة والرفاقة :

وقرب حبيب(ن) من حبيب(ن) يسرني = والبغض هذا من مناه البعايد

/

هناا أود ويشرفني أن أطرح لكم قصيدة صديقي ورفيق الدرب
الشاعر : عقلاء مرزوق التريباني الشمري راعي قفار ( قفار قرية تقع جنوب شرق عقدة في حائل )
التي أسندها علي , وردي على قصيدته حيث تذكرت تلك الأيام الجميلة التي قضيناها سوى
اما بحكم عمل أو قوانيص وكواشيت !!

وهذه قصيدة / عقلاء التريباني الشمري التي ارسلها لي :

البارحه كزيّت خط ومكاتيب = فرايد(ن) طاروقها ايب وآيب
تحمل سلام لراعي الجود والطيب = للنايف الحاضر ولوكان غايب
للنادر اللي مسكنه بالشناخيب = يفرد جناح العز وسط الهبايب
يمنى يمدّه دايم اتصيب ماتخيب =من لابة(ن) ماهي عليهم غرايب
على صحاصيح الخلا ذيب ويليب = يفزع ولو كانت عليه الضرايب
خوة عتيبي مابها اي تجريب = اهل السطر على المهار النجايب
مهما الزمن يخفيك ياراعي الطيب = يبقى شذى طيبك على النفس طايب
في كل يوم(ن) تشرق وتغيب = تبقى رفيق الروح لوكنت غايب
مايلحقن في صاحبي شك(ن) أو ريب = إن صارت الهيجاء وصارت حرايب
لي بالشدايد ياجماعه مقاضيب = انخا عتيبه بالقسا والمصايب
عقب الكدر تركد وتصفي المشاريب = التضحيه مايشترونه وهايب
وختامها ياهل الوفا والمواجيب = يخشرك ربي بالدعا والطلايب

/


وهنا جوابي له :

سلام(ن) احلا من لبن شمخ النيب = للشمري عقلا عريب النسايب
راعي قفار امكمل العقل ومنيب = من لابة(ن) يوم الملاقا نوايب
راع القنص راع البواريد والجيب = ياعنك ياهو شيب من ظهر شايب
كم ليلة(ن) واياه دجنا الجراجيب = وقطعت أنا واياه دو وشعايب
ياما قنصنا بالسهل والدباديب = يوم الخرينق دون ضرغط لعايب
اليا طلبنا الصيد عطب المضاريب = واليا خبطنا كاسبين الجلايب
وياما تجاذبنا القصايد تجاذيب = وياما سمرنا بالغداري صحايب
قدوعنا من تمر بقعاء مذانيب = وزهابنا مع فجّة النور طايب
وبرية(ن) تطبخ بنار ولواهيب = تشذى خضاب اللي تكد الذوايب
عز الله إن الشمري بالسفر شيب = حطّه على يمناك لاصرت هايب
والذيب لامنّه عوى جاوبه ذيب = واليا وحيت الصوت شد العصايب
أبشر بعزّك ياحصان الاطاليب = وحنّا نحل امحملكات اللوايب
إن كانها بالطيب قحص(ن) مناجيب = وإن كانها بالحرب جينا كتايب
يستاهل اللايوث ليث المراقيب = لو راحت الأرواح دونه ذهايب
شمّر خوال ابريك راع المواجيب = اللي يهلّي بالضعن والركايب
ليت الأناثي لنجبت مثله اتجيب = والاّ عسى تركا عليها النصايب

وسلامتكم

هذي والله الساعة المباركة

والله والف نعم بكم ياذباحة الحايل لطامة العايل
الف نعم بك وبجدك وبكل عتيبه والله أيبيض وجه الزميل / فيصل الجبرين
اللي وجهه الدعوة لك ولمن هم شـــــــــــــــرواك يالعزوة / نتشرف بزمالتك طال عمرك
وأشكرك على قبولك الإنضمام لقافلتنا المتواضعة أهلاً بك بين اخوانك واخواتك شعراء وشاعرات شبكة نشامى شمر

شعراء فطاحله العتيبي والتريباني
قمة القافيه لاهنتوا الجميع والله لايفرق بينكم الأخوة والصداقه

ابو عبيد
صح السانك مليار يالغالي

تقبل خالص التحيا

صح لسانك شاعرنا القدير


نايف العتيبي ولسان الخال
وقصايد كعادتكم

جزله ووافيه بيض الله وجيهكم

على هالقصايد وشرفتنا طال عمرك

واشكرك على قبول الدعوه


ووجهك ابيض اخوي ابو غازي

واخونا نايف راعي محل ومثله مكسب

ونتشرف بوجوده بيننا


تقديري للجميع

والله وسبعة انعام بك وبربعك

اخوي نايف

صح السانك والسان عقلا

اشكرك

صح السانك اخوي نايف العتيبي

قصيدة جزله من شاعر جزل

اشكرك

صح لسانك شاعرنا

نايف العتيبي ولسان

الشاعر/عقلاء مرزوق التريباني
وكل الشكر للغالي فيصل الجبرين على توجيه الدعوة للشاعر

صح السانك شاعرنا نايف

وصح السان الشاعر عقلا


لاهنتوا يالشعار

تتقسطل حروفي امام بهرجك المشمس ياصاحب الإمتياز
سخاء حاتمي وجود ليس بمستغرب
حي فال شمر اي والله من الجبل للجبل

/

لك تقديري واحترامي

دمت بود

( قمة الابداااااااااااااااااااااااع عند التقاء الهيــلا والطنايــا في الشعر )

واهلين بشاعرنا نايف العتيبي

حياك الله أخوي نايف العتيبي وصح لساانك ,,,,,, وتسلم يمينك
ومابكم قصور ياعتيبه ,,,,,,