كلنا ياسر

السلام عليكم ورحمة الله وبركاته
اسف على انقطاعي بسبب ظروفي الخاصه
واليكم هذه الابيات المُعده لحملة عتق رقبه ياسر الشمري
اسأل الله ان يفرج عنه ويجزاء من ساهم في اعتاقه كل خير

شمر بـدر وبدر شمـر بتـقـييـس =الـيـا تـكلـم بأسـمـهـم ماتـلـومـه
شمر جسم في دمها والحواسيس=تـذري بعـضها عن لهـايب سمومه
في قيس ابن شمر لجا امرؤ القيس=وفي ظلهم زادت على ابله شحومه
الطـيب حـرب والعـزايم مـتـاريـس=مـثـل الـجبـل لازم تعـلى حـزومـه
نـاسٍ تـرص المـال لكـن مفـاليـس =ونـاسٍ تـشـيله للـمـراجـل عزومـه
سلمى واجا ونفودها والتضاريس=صعد صدا صوته لعالي غيومه
استمطرت على حمر الطخاميس =صوته بسم ياسر لشمر عمومـه
صوتٍ وصل لديار لندن وباريس =قضـيـتـك بـأذن الإله مـحـسومـه
قامت تزاود شمّرٍ وارخت الكيس =وكلـن يـشـمر عـن ذراعه كـمـومـه
نعمـن بـغـلبى محرقين المحاميس =هذي الفـعـول الـي تـنومـس علومه
جنحان بيرق صايحن والسناعيس =فـي صـفـحة التاريخ تلقى ختومه
اول وحـاضـر يـطـلقون المحابيس =والمـال لـشـمر حاظرن في لزومه
ربـك يحـل عـقـودها واللـوالـيـس =وش عـاد لـو زادت عـلـيـنا رقومـه
يابخل مـالك عـند شـمر مجاليس =حـرار طـيء نـفـوسـهـا مـاتـرومه
من يوم تطلع طي من دار بلقيس=هـذي فـعايلـهم وتبـقـى رسـومـه
يابـخـل دور لـك نـاسٍ مهـاديس =الـي تـشـمـت والنـفـوس مـحرومه
مالك على خطلان الايدي مداسيس=افـعـالهـم بـجـوك تـلامـع نـجـومه
انـف الـخـشـوم مزودين المقاييس =تنزل خشوم الي تـرفـع خـشومه
افعال شمر تدحر البخل وابليس =ويـبـقـى حقـيـرٍ جالسٍ مع رخومه
ياطـيـب طـف مـولـعين الفوانيس =في قدرة الله ماتـحـقـق حـلـومـه
هـمـش مثورين الـفتن بالكوانيس =وارفع بيضاء للنـفوس الـرحـومه
الي لفوا بأموالهم والحواسيس =نرفع لهم بيضاء بعالي رجـومه

عويد عبدالله السّريع السلماني

شاعرنا القدير عويد عبدالله السّريع السلماني
عوداً حميد استاذي لأخوانك وأخواتك وبيتك الثاني شبكة نشامى شمر
ابو عبدالله
نسأل الله لياسر الفرج العاجل الغير أجل
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

حياك الله اخوي عويد السلماني وهلابك في محلك ومحل الجميع وعوداً حميداً وغبت وجبت ياالسلماني
صح لسانك واعتلى شانك وبيض الله وجهك يالنشمي واثابك على حسن جوابك ونعم كلنا ياسر
ونسال الله القدير ان يبهج كبد ام ياسر عاجلاً غير اجل وشحذ الهمم من اهم الواجبات وان كانت
لاتغني عن المشاركه بمد يد العون بحسب الاستطاعه وهذه الكلمه موجهه لي انا وان كانت موجهه
للجميع وشمر رجال ستنهض بعزومها واموالها مع من عاونهم من بقية القبائل
وكلنا بعون الواحد الاحد نساله الفرج وإليه المعاد
صح لسانك الف اخوي عويد وبيض الله وجهك جزله من جزل
تقديري واحترامي

بيض الله وجهك
ابياتك عانقت النجوم

شكري الجزيل لسموك

ذكرتني بالشاعر بن فطيس=اللي معناه يوصل المعلومه
وانت ياعويد بكل المقاييس=كل معانيك جزله ومفهومه

صح السانك وبيض الله وجهك
وهذه مواقف الرجال الله يوفقك وشمر هل الطاﻻت والعلم الغانم ماضي وحاضر
تحياتي لك

لله درك ثم لله درك
صح لسانك الف
ودي لك يسبق ردي

.
.
.

صح لسانك خيي

اقتباس المشاركة الأصلية كتبت بواسطة المشرف العام شاعرنا القدير عويد عبدالله السّريع السلماني عوداً حميد استاذي لأخوانك وأخواتك وبيتك الثاني شبكة نشامى شمر ابو عبدالله نسأل الله لياسر الفرج العاجل الغير أجل صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

الله يسلمك يابو غازي ويعافيك
صح بدنك
وشكراً لك لا عدمناك

اقتباس المشاركة الأصلية كتبت بواسطة سليمان بن جبيل حياك الله اخوي عويد السلماني وهلابك في محلك ومحل الجميع وعوداً حميداً وغبت وجبت ياالسلماني صح لسانك واعتلى شانك وبيض الله وجهك يالنشمي واثابك على حسن جوابك ونعم كلنا ياسر ونسال الله القدير ان يبهج كبد ام ياسر عاجلاً غير اجل وشحذ الهمم من اهم الواجبات وان كانت لاتغني عن المشاركه بمد يد العون بحسب الاستطاعه وهذه الكلمه موجهه لي انا وان كانت موجهه للجميع وشمر رجال ستنهض بعزومها واموالها مع من عاونهم من بقية القبائل وكلنا بعون الواحد الاحد نساله الفرج وإليه المعاد صح لسانك الف اخوي عويد وبيض الله وجهك جزله من جزل تقديري واحترامي

الله يحييك ويبقيك اخوي سليمان بن جبيل
الله يسلمك وشكراً على اطرائك يالغالي
صح بدنك
تحياتي لك