المفضلي اللي شال خويه

السلام عليكم


مما قال نمر بن عايدا لجلغان الشمري يمدح مجزع بن قازي المبلع المفضلي الشمري اللي شال خويه من نقرة الزلفي إلى الكيفية على ظهره 000لأنه صويب ومطابقات فخوذه , والمسافة أ كثر من 350كم , شاله على ظهره وهو يمشي على رجليه ويمرون على جيان بدو ويسرّد من الخبوب ويصلهن بالما ويعصرهن بافم خويه حتى وصلوا وسلم خويه 0
يقول الشاعر/ نمر 00إني تحققت من القصة وسألت الجماعة وخاصة الشيبان اللي يخبرون القصة وأكدوا لي عن صحة ماذكر
يقول نمر : وأرسلتهن للاذاعة وطلعت ببرنامج قصة وابيات
وإليكم الأبيات : ـــ

مبدا كلامي بالسلام وتحية = للي يرحب بالاذاعة ضيوفه
أهدي لطلاب المعاني هدية = للي تولع بالمراجل شفوفه
للي يبون المدح عندي وصية = تروا المراجل بالصعاب محفوفه
مايدركه اللي عزومه ردية =عسر مناله كايدات ظروفه
المدح مايقواه عفن دهيّة = عن الطيب والطولات تقصر كفوفه
تبي الشجاع الليث باسه قويه =يصبر على الشدات لو به كلوفه
مثل المبلع يوم يلحق خويه = رجلي وحافي والزماله كتوفه
ينقل خويه في ديار خلية =سبعة ليالي والضواري تحوفه
ومن العطش ماطاح من معنوية = يمشي اسبوع الزاد ماطب جوفه
من رملة الزلفي لشرقي الدوية = وسبت المواطي طايح ٍ من خفوفه
به الشجاعة والكرم والحمية =وفدا بعمره دون ذكر معروفه
ولاّش لوا انه حدا والديه = مايلتفت له جعل بقعا تلوفه
أفعال ابو ملوح ماهي خفيه =مع القبيلة شايعة ومعروفه
مجزع رفع هامات من له دنيّة = تنشر له البيضاء وكل ن يشوفه
وصلوا على المختار محمد نبيه = خمس الفرايض بالمساجد صفوفه

= = = =
وفي الختام أهدي سلامي وشكري للمشرفين والأعضاء في هذا المنتدى القيّم المبارك .
مع تحيات / أبو ياسر

اللهم صل على محمد وعلى آله وصحبه أجمعين

مبدا كلامي بالسلام وتحية= للي يرحب بالاذاعة ضيوفه
أهدي لطلاب المعاني هدية= للي تولع بالمراجل شفوفه
للي يبون المدح عندي وصية= تروا المراجل بالصعاب محفوفه
مايدركه اللي عزومه ردية= عسر مناله كايدات ظروفه
المدح مايقواه عفن دهيّة =عن الطيب والطولات تقصر كفوفه
تبي الشجاع الليث باسه قويه= يصبر على الشدات لو به كلوفه
مثل المبلع يوم يلحق خويه =رجلي وحافي والزماله كتوفه
ينقل خويه في ديار خلية =سبعة ليالي والصواري تحوفه
ومن العطش ماطاح من معنوية= يمشي اسبوع الزاد ماطب جوفه
من رملة الزلفي لشرقي الدوية= وسبت المواطي طايح ٍ من خفوفه
به الشجاعة والكرم والحمية= وفدا بعمره دون ذكر معروفه
ولاّش لوا انه حدا والديه= مايلتفت له جعل بقعا تلوفه
أفعال ابو ملوح ماهي خفيه= مع القبيلة شايعة ومعروفه
مجزع رفع هامات من له دنيّة= تنشر له البيضاء وكل يشوفه
وصلوا على المختار محمد نبيه =خمس الفرايض بالمساجد صفوفه

مشكور ابوياسر

الله يعطيك العافيه

اسمح لى نسقت القصيده

اللون الاخضر لعب بعيونى اخوى

يامال العافيه

الله يعطيك العافيه ياأخوي مغترب بالشماااااال , نشمي متمرد (على الباطل ) إن شاء الله
وتمون على التعديل ويسلم راسك ومشكور يالغالي وما قصرت
أبو ياسر

الله يعطيك العافيه يابو ياسر على هذه القصة والقصيدة وصح لسانك ولسان نمر بن عايد الجلغان , ونعم والله بصاحب القصه اللي اشال خويه . وتسلم على النقل الطيب يابو ياسر وتقبل تحياتي الدرع

والله هذي الخوه

مثل هالسوالف ماتنسى

وفيه قصه الشلقان بعد مشابهه لها


بيض الله وجهك اخوي على القصة والقصيدة
.
.

أحتراماتي

,‘
‘,
,‘

ضاري

//
..
\\
..
//
..
\\

الله لا يهينك ابو يلسر عى النقل اللي يذكر بالعرب وبامراجلهم التامة

ابو ياسر

يعطيك العافيه على القصه والقصيدهـ

وصح السانك والسان الشاعر نمر ونسأل الله له الشفاء

تحياتي لك


ابو مضاوي

تو مانورت ملتقيات نشامى شمر

حيالله / ابو ياسر
هذي والله ابرك الساعات اللي انت فيها بيننا
قصة : المبلع
قصة لها روح بمعنى الكلمة ومن يقرأها أو يسمعها يفخر بهذا الرجل بحق
هذا الخوي ولا لا
اشكرك جزيل الشكر على ايرادها لأخوانك هنا ليطلع عليها الجميع
وصح لسانك ولسان الشاعر / نمر ابن عايد ابن جلغان شفاه الله

بارك الله فيك ونفع بك اخي الفاضل

الله يعطيك العافيه يابو ياسر على هذه القصة والقصيدة وصح لسانك ولسان نمر بن عايد الجلغان , ونعم والله بصاحب القصه اللي اشال خويه . وتسلم على النقل الطيب

الله يعطيك العافيه يابو ياسر على هذه القصة والقصيدة وصح لسانك ولسان نمر بن عايد الجلغان شفاه الله ... تحياتي لك



سهــ نجم ـيــل