ديوان الشاعر / نهير النمش

ياما من الطعنات !!

	عقب الغـلا ومواصلك بالرسايل=ياشيــن ياصـدو غواليـك واقفو فينـا بــلا والا الـزمـــان متمايل=والا مشاعـرنـا مــع الوقـت جفو تعيش بالدنياء تشـوف الهوايل=نـاسٍ لـفـولـه تــو ونــاسٍ توفـو اوجس بصدري يالرفاقه ملايل=من شوفتي لاهـل الوفاء مايوفو جـربتهـا وعنــدي عليهـا دلايل=يقّفـون يـامـّـن استفــادو وصفو ياما من الطعنات جاني جلايل=اصـحابـي الغاليــن وفــوّ وكفو وعقب الغلا ومواصلك بالمبايل=احبابـك الغالين عنّـــك تخفو

مجاراة من الشاعر الكبير / مطلق البخيتان !!

	يابن نمش لا ياعريب السلايل =الصحف طويت ثم ألأقلام جفو عند الردي والا سليل الحمايل=شرواك ناره حيّةٍ لو يطفو خله على الله والسمايل سمايل=يامنجم ألألماس ياعاشق الفو من راقب العالم يشوف الهوايل=دنياك فيها أهل العقول استخفو الصبر خلك مثل ضلعان حايل = على دركتورات من به تشفو من حضنها قامت تجيها النكايل=كم شعطوا جوفه وكم به تدفو

بسم الله الرحمن الرحيم

اخواني الطاقم الاداري الافاضل والاعضاء الكرام
السلام عليكم ورحمة الله وبركاته وبعد
بعد ان تشرفت بالانضمام الى اعضاء هذا المنتدى الشامخ بوجود كوكبه من اصحاب المبادي والاحترام بدعوةً من الاخ العزيز نهير النمش امل قبول هذه الهدية المتواضعة مع الاعتذار عن التقصير

اهداء للجميع!!!

	تشرفت بالدعوة ولبيت للداعي=دعوة محبه صاحب المجد بادربه نهير جزيل الفعل فهام الاسناعي=دعاني للنشامى والنشامى نبي قربه وانا احترام الشهم من ميزة اطباعي=شخصً عزيزاً طيب الفعل وافخربه بذل جهد بالتفكير والجهد ماضاعي=في منتدى رمز المراجل توفربه لقيت باقسامه جزيلات الاوضاعي=تلفت نظر من هو على النت ناظر به ومعه نشامى قربهم غاية اطماعي=من مثلهم ملزوم مثلي يبشربه هل المجد والعليا شريفين الاطباعي=مافيه واحد سيرة المجد قصربه عساي اشاركهم مضامين الابداعي=ومحبة الجميع بالفعل نظفربه وانا شمري والشمري للفخر ساعي=مسير المراجل والوفاء ماتعثربه تاريخهم بالمراجل فرد واجماعي=يلقاه من هو طيب الفعل فكر به

الشاعر/سميحان بن فهد السويدي

رد من نهير النمش!!!

	هلا ومرحبابك عـد ماتنبت القاعي=وهلا عد مايوجد على القاع واخضربه وهلا عـد مايكتب واعــداد ماذاعي=وهلا في جناب الطيب والطيب نجهربه وهلابك هلابك عد ماخط الايراعي=يالشاعر اللـي جــزل الامثـال يحضربه يابـو طـراد انتـم بعيديـن الارماعي=اللي اليا مـن جتـك سربه وراء سربه يـوم المعـارك فعلهـم للمـلا شاعي=والامجـــاد للاحـفـــاد تبـقــى ويذكربه سويدات وقت الفعل أسود واسباعي=احفادهم بالطيـب تمشي على دربه وكـم اجدعـو شيخٍ وعقبـه نعـى ناعي=افعالكــم ماتنحصــي وانتـــم اخبربه ولي الفخر ياصرت انا لحضرتك داعي=وفيك اتنومس وافتخر حيل واشهربه وسلمت يامشكاي من كل الاوجاعي=وعسى حياتك مايجي يوم مضطربه وابي السموحه منك يامزود الصاعي=ياللي مع الطولات والطيب لك قربه

هذه الابيات جت رد على موضوع لـ بنت اسمها الشيخه
وتقول سامحوني مااقدر ادخل مشغوله بأصلاح التوتر
بين امريكا وكوريا وتقول ابي ترجمة تعوذو من الشيطان بالكوري ....
واتت هذه الابيات عفويه كرد ,,,
إلى قلوبكم

راس اللعانات صهيون !!

	حنا معك يابنت وابليس ممهون=ياصار بالوضع السياسي صعوبه قولي لهم ياشيخة الغيد بالهون=ادويبكم لا يا ملين العقوبه ملعون ابو جد الخنازيز ملعون=حتى ولو معنا تلطف سلوبه رفيقهم راس اللعانات صهيون=لا من طلبهم كلهم رحبوبه يسعون في هدم الحضارات يسعون=واهياطنا وصياحنا مادروبه اسلامنا بفرق المذاهب يدادون=وعدواننا كل المكاسب غدوبه اعراقنا راحت حقارات وغبون=وفي شامنا عرض الصبايا سطوبه اخواننا راحو شتاتات وحزون=والناس تفهم وش نهاية ذنوبه

ليــــل السهـــارى!!

	البارحه ليل السهارى مهو ليل=احس ماكني مع الناس موجود لا واهني اللي سلا بالتعاليل=ما لاعته دنياه والبال ملهود ماهو بمثلي كل عمره بهاذيل=مامر باب الا لقاء الباب مردود اقفن بي الايام ولابه محاصيل=والادمي طماع والعمر محدود اسلي الخاطر بنظم التماثيل=واسج عن بعض السواليف بصدود مالي ومال اهل اللغاء والتحاليل=اللي لهم بالعرض مصدر ومارود اشوم عنهم واابتعد واترك القيل=ماني على بعض المجاليس محدود ولاهني الا من دله بالتعاليل=مافكر بدنياه والنقص والزود

من الارشيف عمرها يقارب الخمسة عشر عام
إلى قلوبكم واتمنى ان تنال اليسير من الاعجاب ,,

الدروب المؤحشه!!

	جرى ماجرالي ليلة الأمس يامحتال=عميت العيون اللي تراعيك يافالي سريتك على درب المواعيد والترحال=مشيت الدروب المؤحشه وانت في بالي نسيتك وخليتك سراب الظماء واللال=طفيت الشموع الموضيه ياشقا حالي عشقت السهر والنوح والهم والغربال=تضحك على حالي حواسيد عذالي بغيتك ظروري مابغيتك على اية حال=قطعت الفيافي عقب مازان مقيالي قلبت الهجيني سامري وأعشق الموال=علي شيلة المسحوب ياصوتي العالي تعبت امسح بكمي على دمعي الهمال=على كثر ماعانيت من وقتي الحالي تثير السوالف والخطاء منك يارجال=وانا شرهتي والله على ميلت عقالي وبقى ماجرالي ليلة الأمس ياعلال=قطعت الدروب المؤحشه وانت في بالي

تاهت البسمة لـ مطلق البخيتان..!

	كل بيرٍ جيتها ماها يغور= والعطش..يشتد في صحراء قطاع خطوتي قدام وقفها العبور = وقاربي بالموج فارقه الشراع أنكفت كل الأماني للدبور = تاهت البسمة بغابات الضياع آه لولا ياهلي بعض الأمور = دام حملي صار فوق المستطاع لأعلن الرحلة لسكان القبور= وأرتحل مجبور يادنيا..وداع

متعة غرور / صدى تاهت البسمه!!

	ياعسى حظك سعاده مع سرور=يالعزيز الفاضل القرم الشجاع هذي الدنيا ترا متعة غرور=والبخيت اللي رقاء راس الرفاع العمر محدود والدنيا تدور=والبشر ياصاحبي فيها جياع كم عزيزٍ ذل في وقت الثبور=السباع اليوم ماعادة سباع ولك تحية صاحبك باقة زهور=والله المعبود ماغيره مطاع

ياهـم قلبي! وياحزنه وياخوفه . من الشاعر محمد الذرفي

	ياهم قلبـي.! وياحــزنـه وياخــوفــه=علـى مصـير العرب داخل فلسطـيني يابـو نمــش خطــٰة الانـذال مكشـوفه=وحنــا ضعيــفين ماحنـا قوييــني؟ ماهــمنـا غيـر خـد البنــت وردوفـــه !=وسـوالفـه گــآن صــار اليـل ليليــني ومشايــخ ؟ العلم عن مبــداه محروفه=ماغيــر تجــري ورا راي السلاطيني تقــهقر الجـمـــع والأيــام ملقــوفه=ياســرعهـا يانهــير ماتبگــــيني صبــرت ميــر الصـبر عيناه مطروفه=ماغيـــر من حفــرةً لأخـرى يوديني متـى الفـرج ينبــلج واشــوف معروفـه=وانسـى همــوماً عن فــراشي تقـزيني يالـوف قلبــي مــن الهوجـاس يالــوفه=وياويــل حـالــي ويــاعـــزاه ياعيــني النفـــس يابـو نمــش للنــصر ملــهـوفـه=وطمـئنـه فـي حديــثً عـــن فلسطيــني

الله توعد هل الافساد بتلوفه .. رد على الشاعر محمد الذرفي!!

	يالله ياللي لوجهك صفت صفوفه=ببيوتك اللي بها جمع المصليني العبد مالغير وجهك يرفع كفوفه=يرجو فرج رحمتك ياقاضي الديني ومن بعد ذكرك بديت الرد بلطوفه=اطلبك يارب للجزلات تهديني يابو سند شوفة الحكام مكفوفه=والمشكله مابهم غيره على الديني اوضاعهم يارفيقي عز ومروفه=ماحسبو لانقلابات الموازيني اقوالهم بس مدروسه ومالوفه=ماهمهم غير تغيير القوانيني النصر بأذن الولي أبعينك تشوفه=انفاً عليهم ورغم اقوال واشيني الله توعد هل الافساد بتلوفه=ماغيره احدٍ لنصرة جنده يعيني ويابو سند لايصيبك خوف وحسوفه=بالله قويين ماحنا ضعيفيني

الجادل اللي مسكنه بين الاضلاع !!

	الجادل اللي مسكنه بين الاضلاع=كل المشاعر ياعرب والفتها لعيونها متحملٍ كل الاوجاع=بس انها بالحيل هي خربتها مزبورة الانهاد وعيونه وساع=ياما حلا كلمة هلا لاأهنفتها فيها الدلع والغنج والموت الاطباع=والرفق مع قانونها جاهلتها منها يجيني ضي وشوية اشعاع=قولو لها بالهون وش سالفتها مدموجة السيقان ومشيه تمياع=هي خلقة الرحمن مااستبدعتها من حبها ياهل الهواء صرت ملتاع=انوي جهه واروح يمة جهتها يامن يقديني على حل الاوضاع=انا ترو روحي وحالي برتها تربعت بين الحنايا ترباع=وان غادرت كل المشاعر بكتها

رقيـــت متــن الهــواء !!

	رقيت متن الهواء واوميت بيديني=واتعبت فكر القصيد وحس بذنوبه والله لو ضآقت صدور المحبيني=ماضاق صدر الشمالي واخلف اسلوبه الحلم طيش الشباب ولوعة سنيني=في كل نوبه تجي واقول هالنوبه ويلاه من خاطري ويلاه ياعيني=وش حيلة اللي زمانه ضيّق دروبه سافرت عبري وادوّر من يخاويني=والذيب مالظاهر انه ياكل جنوبه سولفت واشغلت انا وازعلت غاليني=وارغمت بعض الاوادم لين غنوبه واتعبت متن الهواء واوميت بيديني=ورقيت فكر القصيد وحس بذنوبه

تغريدات بتويتر بقلمي لم تشاهدوها حبيت اطلعكم عليها
هنا بـ نشامى شمر
((اغلبها مشاركة هاشتاقات مثل الراتب مايكفي وغيره))
اتمنى ان تنال اعجابكم واطلأعكم شرف وفخر

شـــــي مـاشفـتــــووهـ (تغريدات)!!

	يازين صوت السديس وزين ترتيله=بسبـع المثانـي ليا مـن قـام يقراها لا يابعد صوت من جرجر مواويله=اشـبـاه الاديــاك يـا مـكّثـر معاعاها يامسلمين العشر تحتاج مجهود=والجـهـد مـردوده عليكـم سعاده الدرب بين العبد والـرب ممدود=اللـه فـتح بـابــه لـتـايـب عبـاده فيك الرجاء ياربنا اليوم ماخاب=الـطـف بنا يارب واسـتر عـلينا الآدمـي ضعيف لـو جـاب ماجاب=ماغيرك احـدٍ لاستضاقت يعينا ماعـاد بالايديـن ياسوريا شي=حنـا فقـدنـا للبصـر والبصيره تدرين لـو بالخلفاء واحدٍ حي=صارت على بشار مثل السعيره يالله في سوريا تنصر هل السنه=وتذل بشار واهل الحقد واعوانه وتحقق اماني اللي يطلب الجنه=انت الله الواحد المعبود سبحانه ياشلة الواي فاي علومكم رزله=سمرمدٍ مابكم عيضه ولا وازع لابد مايحط للي مثلكم عزله=الدين واهله ترونا دونهم رادع قولو لخالد سامي الهيس الاربد=يبعد عن اهل الدين ماهو بقده الدين يبغى مـن يوحـد للأوحد=رجـلٍ شـريـف وكـل خيـرٍ يمـده ياللي تقول ان المجالس مدارس=بقولك حاجه ولاتاخذ الدرس لو كل خيالٍ على الخيل فارس=ماهاب حكام العرب دولة الفرس ياصار مالك بين الابطال مجلاس=قــبلـك كــثيــر ركـابــهـم حـدرنا ماتنفع الكشخـه ليا صرت هلاس=حتـى الحـريـم بلبسـهـن يكشخنا ساســك هيـار ولا ذكـر بـك نوافيع=الذيخ لو فوقه ذهب مرجعه ذيخ هـذا زمــان اهـل اللغـاء والطواميع=سـادو علـى الاسيـاد شلة طبابيخ يالشاعـر الجـزل الكبير المثقف=كثر الظهـور الحـي ماهـو رجوله ياجيت للخـط الحمر بـس وقف=هنا حدوك واترك اهل البطوله تستاهل العـز سلطان ابن جدعان=طلت الطويلات وانت اليوم قايدها جعله مبارك عليك الفوز يابليهان=اهــل العـوايـد ماتخلي عوايدها ياكثـر مـادار مـن هــرج وكـلام وضجيج=فـي مجتمـع صــار هـمـه يطـرد الشايعه غاب الصحيح وغدينا خلـف عج الهجيج=قولـو لشقراء مهـي عــن دربهـا ضايعه الزمن غدار والدنيـا تدور=والتواصل فيه صاير فبركه السنين اليوم صارت كالشهور=وقتنا طايـر ولا فيـه بركه البارحه يابو سامي كنت مستانس=والليله البال متعكر مهو رايق اول يجي معي التفكير متجانس=واليوم ماعاد هو ياصاحبي طايق شخــصٍ عـزيـز ونـفـقــده كــل مـاغـاب=وشخـصٍ غـيابـه مــا يـهـم لــو يطـولـي ماكل صاحب ينحسب ظمن الاصحاب=ياكـثر اصـاحيــب الـرخـاء لــو تقـولـي صادقت بتويتر وصادقت بالفيس=واشغلنـي التفكيـر بكـل اصدقائي بالـمملـكـه والا بـأطـاريـف باريس=الـكـل مــنـهــم يـسـتـحــق انتمـائي للتواصـل مــع الاحبـاب منـي سـلام=مرحبـا ياصدقائـي مرحبـا يارفاقه اطلـب الـرب يقبـل صومكـم والقيام=هذا حق المحبه والوفاء والصداقه احــدٍ سـكــن يـاربعـنـا فـي صنادق=ذاقـو مــن الـوعـات والغبـن والبين ونـاسٍ سكنهـم فـي قصـور وفنادق=ومن كثـرة الانعـام يالربع طاغين مايكفــي الـراتــب ولايســد للحاجه=والمشكلـه ياملـكـنــا تاجــرٍ مـوذي الشعب مسلم ودين الحـق منهاجه=واللي تعاوج عن المنهاج منبوذي امـتـلــت كــل الـمـعـابـر والعنابر=والسـوالــف يـا عـربنـا سرمديه مـن يعلـمنـا عـن علـوم الاكابر=قولـو انـا ننتظـر منـهـم حذيه اللـه اكـبـر تعتلـي كــل المنابر=والسيـاســه مــالـنـا بــه مقدريه الـركـايـب جـالهـا مـلـيـون ثابـر=رمضان انصف ولاجاكم هديه