تحيتي للشيخه الشمريه

قصيده للشاعر مقبل الدخيل الشمري// بشيخه مهاء بنت الشيخ نواف الجرباء

تحيتـي للشيـخـه الشمـريـه=بنت الشيوخ اللي عريبن نسبهـا
اهل الكرم والجاه واهل الحميـه=موارث الجربا رفيعـن حسبهـا
لرمش الغلا مني سـلام وتحيـه=يقوله اللـي صادقـن وحتسبهـا
سلام يابنـت الرجـال الزكيـه=من مارثه شيخن بطيبه جذبهـا
والحر الاشقـر مايعقـب حديـه=ومرقاه راس المرتفع من شذبهـا
وكلن على ساسـه يبيـن خفيـه=واصله على كل المرابي غلبهـا
واللطيب وهبه من جزيل العطيه=غريزتن ماكـل حيـن وهبهـا
وبعض الرجال اتبدلـه باالبنيـه=وش عاد لوعندك يفتـل شنبهـا
لياصارمالـه باالكـرم قادريـه=وش عاد لو جامل ونفسه غصبها
ترجع طميه باالامسمـى طميـه=وش عاد لو بذنه تعلـق ذهبهـا
والله فلالـه عنـدنـا قابلـيـه=اقطع رجاه الله يقطـع عصبهـا
والله ماانسا راعي اللطيب فيـه=غصبن علي رد الثنى ماجتنبهـا
مانسا المها مادامت الروح حيـه=والطيب منبع ساسها ماغتربهـا
وفعايل الجربان ماهـي شويـه=ولاتنحصي بكتاب منهـو كتبهـا
فعايل الجربـان ماهـي شويـه=عاداتهم حـل العقـود ونشبهـا
فعايل الجربـان ماهـي شويـه=ياماعطو من كل رجلـن طلبهـا
فعايل الجربـان ماهـي شويـه=بالجـاه والتقديركلـن كسبـهـا
وياما اعتقو من كل نفس بقضيه=وقفت شرف مافيه عيبن ذربهـا
بااللطيب والشيمه ونفسن رضيه=يمايتهيـا للمطـالـب طلبـهـا
ولياتعـدت للنـفـوس القـويـه=وزاد المجادل ولتحم به غضبهـا
لي اشـرف بالابـة الزوبعيـه=ان ولعت وشتب سمـاه بلهبهـا
ربعي هل اللطولات في كل هيه=عدوهم كاس المـراره شربهـا
وشجاعهم ينطح جموع وسريـه=ويخيب منهـو بالملاقـا قربهـا
وصغيرهم يجدع من القوم ميـه=وكم فارسن فعل المشورب رعبها
ويوم السنين الماضيـه والرديـه=مزبان من ضيم الليالـي نكبهـا