10-07-2012
|
#1 | |
|
لاتقول وش قلت بالجربان
السلام عليكم ورحمة الله
احد المناسبات كنت بجوار احد الشيوخ من الجربان قال لي وش قلت من الشعر بالجربان؟ قلت والله ياطويل العمر للامانه ماقلت شي لأن الجربان ان مدحتهم ماني بزايدهم واذا مامدحتهم ماني منقصهم لانهم هم اكبر من قولي وشعري ولما عدت الى المنزل تذكرت كلام الشيخ فجاءت هذه الابيات والتي اتت حينها كيبورديه ومهما قلت عن المحمد لن اوفيهم حقهم 0 تحياتي لكل من مر هنا
لاتقول وش قلت بالجربان=الناس تعرف فعايلهم ملاحظهكم فارس طاح بالميدان=من فعلهم يوم نازلهم ان كان تبغى الخبر وكدان=اقرا وتلقى محافلهم ياشيخ هم بالكرم عنوان=ياسعد منهو منازلهم الجار مايلحقه نقصان=ولاحد جزع من مقابلهم خوذه بقت للكرم برهان=وهذي ترى من محاصلهم محد سبقهم ترى يافلان=في جيلنا اليوم واولهم والشعر مايرفع الانسان=الياصار فعله مخاذلهم والا المحمدترى فرسان=وبالحب شمر تبادلهم صغيرهم بالوغا له شان=بالكون محدِ بجاهلهم وكبيرهم يروي الضميان=يشوش ياقال قايلهم ندعي لمن مات بالغفران=واجب علينا نواصلهم والحي يبقى على ماكان=عزيز والرب يكفلهم سلام لشيوخنا الشجعان=جربان عز لقبايلهم في البيت الثاني الشطر الثاني اتت كلمة نازلهم وتعني في الحرب المنازله وفي البيت الرابع الشطر الثاني اتت كلمة منازلهم وتعني مجاورهم |
|
 
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض الشجري