يامل قلبٍ هيض الشعر طيفه

يامل قلبٍ هيض الشعر طيفه=فرايدٍ من شاعرٍ هيضتني
ذكرني العساس فوق العسيفه=وادلجت في بعض الديار وشعتني
غنابها بحلى اللحون الطريفه=وسجيت معها ياملاء واعجبتني
كن الزباد بخنته واتعريفه=في جوفها لو العواذل نهتني
قلبي تزايد يامحمد رفيفه=ومن حب خلي كل غالي شمتني
احب انا ذيك الفتاه المنيفه=اللي بصعب سلومها فاحيتني
جواهرٍ مثل العقود النظيفه=برموزها يابو حمد بهذلتني
عسى السحاب اللي مزونه كثيفه=يمطر عليها ياحمد كل حتني
يمطر على دارٍ رعت به شريفه=الجادل اللي بالشرف ماجفتني
عفيفةٍ من ساس ناسٍ عفيفه=مجنون ليلى في غرامه رمتني

عيد بجاد بن شده العتيبي

شاعرنا القدير ابن شده
ابو فهد
صح السانك مدد بلا عدد

.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

مساء يابو غازي وكل عام وانت بخير وصحه

وصح بدنك وحي فالك وسلوم لك عيالك

من كل شر

الله عليك يالجزل ابدعت وامتعت لله درك

هذي الغزلية النقية الممتعة وتستاهل التقييم

صح لسسسانك وادام الله عزك

تقبل مروري واعجااابي

صح لسانك عمي ابن شده

الاخوه المحترمين اشكركم جزيل الشكر
واقول لكم صح الله ابدانكم جميعٍ

ابن شده

صح الله لسانك على هذه الفرائد الحقيقة من الشعر الحقيقي وصف رائع في كل بيت الله يعطيك العافيه

الاخوه الكرام الله لايهينكم وصحت ابدانكم جميعً