الرد على استنكار احد المتشدقين

سبق لي ان انزلت قصيده تعريفيه بقبيلة المره وعندما بلغت ذكر شيخها الفارس الشهير ابن نقادان
قلت بخصوصه:

ويوم الصريف اسم النقادان مشهور=شيخٍ من العذبه ضحى الكون مذكور
في كـتـب راويـن الـتـواريـخ مـسطور=من كاتبٍ جــاب الـتــواريخ واملاه
اللي كـسـر فـرسـان شـيـخ الرشيدي=من ضرب اخوصيته سطام العنيدي
هـذا كــــلام فـيــه عـلــم وقـصــيـــدي=والـطـيب يـظـهـر بالـوقــوت العسيراه

وقد استنكر احد الاخوه قولي هذا لكونه لايعرف شيئا عن تواريخ القبائل وكل مالديه مجرد معلومات
عامه بسيطه عن امارة الرشيد من المعلومات التي تعرفها حتى العجائز هنا 0

وقولي هذا يستند الى ماحدث مع الفارس عبدالرحمن النقادان بعد كسره
لسربة ابن رشيد عام 1326ه - 1906م وقوله في قصيدته الشهيره:

شليت ظبيـي والتقيـت المغيره=وفكيت زملي من عيال السناعيس
وابن رشيدٍ مـايـمـثـل بـغـيـره=اقفوا جنوده من طمعهم مفاليـس
كم عقبوا بالمعركه من عقيـره=من خيلهم ومـن العيـال المدابيـس
أنا على(صيته)اذا جات ذيره=آقف واقايس ماقفٍ مابعد قيس
اقود نمرا في نحـى كـل ديـره=معي النشاما فوق حيـلٍ عراميـس
والى التقينـا بالوجيـه الشريـره=انكس الفارس على القاع تنكيس
ربعي هل العادات في كل سيـره=(مرية ) عند الملاقـى مدابيـس
(عذبيـة) يثنـون يـوم الكسيـره=تعرف فعول فروخهم والقرانيـس
ياما عقرنا مـن جـواد ظهيـره=وكم فارس في ملتقى خيلنا ديـس
الجار ما نذخـر عليـه الذخيـره=خشيرنا بالزاد واللبس والكيس
وبـيـوتـنـا للـضـيـف فيهـا ذخيـره=وفيها الدلال وحاميات المحاميـس
وسوالف صدقٍ ولا هي غتيـره=ماهي هروج اهل الوجيه المهاليس

وكونه كسر سربة لامارة الرشيد ليست غريبة ولامستنكره ومن حصل شيئا يستاهله 0
وجميع القبائل والفرسان تنتصر وتهزم ولاغرابة في ذلك 0
وليته قبل الاستنكار قام بالسؤال والاستفسار عن معنى قولي ومستنده التاريخي لكي يستفيد
مني معلومة بالمجان ويضعها مع الدروس السابقه لي والتي اصبح يتشدق بها هنا وهناك وهو لم يكن
يعلم بها سابقا اطلاقا 000

تسلم على التنويه اخوي الراوي

ولاحنا صايرين اعلم وافهم منكم يالرواه

لاهنت

رآوينا القدير @ ابن غسلان

بارك الله فيك وفي ماتقدمه لنا دائماً ماتنورنا وفقك الله
تسلم عساك ذخر لنا والله


خالص التحايا لسمو شخصك النبيل

سعادة الاديب والمؤرخ فواز الغسلان بيض الله وجهك
اخي الفاضل انا اطلعت على الموضوع في احد المنتديات من الاخ كاتب الموضوع وكانت له حجه على اساس ان كون الصريف محسوم لابن رشيد واستدل ببعض القصائد اما من ناحيتي كنت متاكد من صحة ما تقول وذكرته فكلامك لا ياتي من فراغ ولكن ضريبة النجاح اخي العزيز فلا تنزعج وانت مشهود لك بالامانه التاريخيه ولا تجامل احد
وانا اقول بارك الله فيك وفي قلمك

الرآوي بن غسلان

علم من اعلام الأدب ولك بياض الوجه والنقاء لكل ماتسوغه لنا ولغيرنا


تقديري لك

اشكركم جزيل الشكر 00

وذكري لمعركة الصريف لايعني ان الحدث وقع خلالها وهذا واضح من خلال ذكري لوقوع الحادثه في عام 1326 ه

مع اني اعلم تمام العلم ان الصريف قبل ذلك بسبع سنوات 0

وانما قلت في تعريفي عنه انه كان قائدا لقبيلته في الصريف 0

وانه استطاع ان يصمد امام السربه ويصدها 0

فالحدثان غير مرتبطتان ببعض 00 والله يحفظكم والسلام 00

لاهنت يابو فهد


على التنويه

لكن حبيت اضيف شي

ماكل الناس عقليه واحده ولا نفسيه واحده

يمكن الرجال فهم الموضوع بطريقته وشافها من زاويته

انا والله ما اعرف راعي الموضوع ولا اطلعت عليه ولا ادري وش كاتب ولا بأي منتدى بعد

لكن حبيت اوصل هالرساله وانت يابو فهد تجربه كبيره وادرى مني بهالمواقف


تقديري

اقتباس وقولي هذا يستند الى ماحدث مع الفارس عبدالرحمن النقادان بعد كسره لسربة ابن رشيد عام 1326ه - 1906م

ياليت الراوي يوضح لنا بعض النقاط حتى تتضح الرؤية:-
من هو ابن رشيد المذكور؟
وماهو وجهة هالسربة وماهي مهمتها؟
واين التقت هذه السربة مع الفارس عبدالرحمن النقادان ؟
وازلق ذي ان رد!!
تحياتي

اقتباس المشاركة الأصلية كتبت بواسطة بدون مجاملة ياليت الراوي يوضح لنا بعض النقاط حتى تتضح الرؤية:- من هو ابن رشيد المذكور؟ وماهو وجهة هالسربة وماهي مهمتها؟ واين التقت هذه السربة مع الفارس عبدالرحمن النقادان ؟ وازلق ذي ان رد!! تحياتي

اهلا وسهلا اخوي العزيز 00

اما الحادثه فمسماها لدى قبيلة المره ( الجشعانيه ) وهو مكان معروف حول حرض ويبرين

تقريبا 00

وابن رشيد كانت سراياه تجوب معظم انحاء الجزيره العربيه في بعض فتراتها وهذا طبيعي لاسيما

في فترات قوتها وقد قاتلت هذه السرايا العجمان في وادي العجمان وتعدت شمالا الى الزبير

وحدود الكويت كما هو معلوم 0

وهي مدونه ايضا في كتاب ( الحنزاب ) لمؤلفه مبارك بن ناصر الحنزاب 00

وفي كتاب (الدره في تاريخ المره ) للعذبي 00

تحياتي لك

كفيت ووفيت يابوفهد

لاهنت يابعدي