الثبيتي والمغيليث

بدون مقدمات ابيات اتتني من الشاعر احمد دخيل الثبيتي العتيبي

وردي المتواضع اتمنى ان تنال على الرضا

يقول العتيبي

الله واكبر يازماني وتاليه=احد فوقي من رهاف السيوفي
شوش بفكري لين بيح بخافيه=واليا بنا رجواي يهدمه خوفي
ان جيت بقفي في وجيه المشاريه=وان جيت ابقبل حيرتني ضروفي
بين الاجار وعيد الاضحى ومافيه=غير الحمول الجايره في كتوفي
لو الجمل يبرك لها فوق جنببيه=ثم حملوهااياه بين الردوفي
من ثقلها يمكن تكسر حوانيه=عقب الهدير يروح مثل الخروفي
وهذا سؤالي بالزمان وبلاويه=ياللي تميز فالنقط والحروفي
بين الضروف القاسيه والمشاريه=ابدّي المشروه واللاضروفي

الشاعر احمد دخيل الثبيتي



وكان ردي عليه

الخط جاني معتني فيه راعيه=ولزوم ردي للنشامى وقوفي
يامرحبا بالخط واللي معنّيه=هلا نكررها لكم بالالوفي
حيثك عزيز وشخصكم حيل نغليه=من لابة بوعودها دوم توفي
واللي مكدر خاطرك قل لنا فيه=ماودي امزج في كلامي حلوفي
الشمري طيبه ابد مايخليه=مثل العتيبي بالحميّا ينوفي
اللي يجمل للثبيتي نسويه=هرج وكاد ولايجي به كلوفي
يابن دخيل العلم بانت مواريه=لاتبتلش ياشوق زاهي الهنوفي
تمت وجاك الرد ماني مخفيه=واقبل تحياتي بآخر حروفي

عويد المغيليث

صح السانك والسان الشاعر الكبير احمد دخيل الثبيتي
أياديك يابو محمد
:vcxf :
تقديري لسمو شخصك الكريم ؛؛؛

صوت وصدى رائعين

إتسم فيهما الصدق والأخوة


صح لسانك ولسان العتيبي

قبل ما اقرأ ردك اعرف انه وافي
لانك وافي وجزل بيض الله وجهك يا القرم
اسمى التحايا لفكرك ابا محمد

الشاعر الكبير عويد المغيليث
صح السانك بحجم السماء
تحياتي وتقديري لك

الشاعر / عويد المغيليث
صح لسانك ملايين يالغالي رد رائع جداً جداً لاهنت
وصح لسان الشاعر / احمد دخيل العتيبي.
لاهنتوا جميعاً وبيض الله وجهك عويد المغيليث على هالرد اللي يرفع الراس يامبدع.
تقبل خالص التحايا والتقدير،،،

الله يعين الدنيا تبي صبر واحلا مابه الأصدقاء الأنقياء الذين يرتاح الخاطر لهم ويفضفض لهم

كفو اخوي عويد صح لسانك يالوافي وصح لسان الثبيتي الله لايهينكم

صح السنكم
شاعرنا عويد المغيليث
ودي لك يسبق ردي

الله اكبر

صوت وصدى قمة الجزاله والابداع بين شاعرين ثقال
الف صح لسانك ياعويد ولسان احمد شعراء وشعر في
نصين تجلت فيها الاخوه والوفاء وطيب الرجال الانقياء

تقبل كل التحايا

صح لسانك اخوي ابو محمد
ولسان الشاعر/ احمد الثبيتي،،
ما اجمل الصوت وما اجمل الصدى،،،،
لاهنتوا،،،