02-03-2012 | #1 |
|
ردي على الاخت قمرا سماه
الاخت العزيزه الشاعر قمرا سماه
اعتذر منك شاعرتنا لكوني والله كنت مسافر كما قلت لك سابقا وجيت اليوم الفجر من السفر حوالي صلاة الفجر ودخلت صدفه للموقع وشفت قصيدتك الجزله وكنت مواصل مانمت فأضطريت ان انام واليك الرد ولو اني اعرف انه لايضاهي ماخطته اناملك ولكن مثل مايقولون الجود من الماجود فشكرا لكِ وشكرا لكل من قرأ او كتب حرف هنا وهذا رابط قصيدة الاخت قمرا http://www.nshama-shmr.net/vb/showthread.php?t=22935
يامرحبا مليون لو مايكفو=اهلا هلا يابنت قافك ثريا
وابدبل الترحيب يمكن يسدو=بالشاعره قمرا ولاهي خفيا بنت الرجال اللي على العز تربو=افعالهم بالطيب ماهي شويا الياثارت الهيجا النشامى يصدو=جمع الجموع ان حان وقت العبيا فرسان ياثار الدخن ماتردو=وقصيرهم محشوم عن كل سيا صدفه دخلت وشفت عنوان يزهو=انا بطيت وشاعرتنا تريا وقريت خطه والحقيقه خذا جو=وفهمت مضمون الرساله مليا ياعل مثلك يالعزيزه على قو=اللي على عسف القوافي تحيا بنت الرجال اللي على العز تواصو=وبناتهم مايقربن الرديا واليا احتمى الموقف ابد ماتوذو=مواقف الاخيار تضهر جليا وان كان تشكين الولايف تنحو=تصبري مادام لك مقدريا التضحيه لابد للي يحبو =اما كذا واللا هوانا بليا لابد للغياب يوم يردو =ويرتاح قلب بالمحبه شقيا الا الياشفتي بغلاهم تدنو=قولي وفيت ولالقيت الوفيا بانت حقيقتهم ولوهم تخبو=وش عاد ينفع يالعزيزه بذيا ياكثر مابالكون ناس تمنو=وراح العمر لاشك ماشاف شيا وانا مجرب والتجارب تنمو=ومن يهمل الغالين يحتاج كيا وكان السبب لضروف يابنت عمو=والله مااذخر عنك شي بديا ان كان هي بالمال ربعي تسمو=كبار الصحون وشايلين الخويا وان كان هي بالجاه شمر تعلو=من فضل ربي كاسبين الثنيا انهيت ردي والقوافي على او=والعجز وافي كاتبينه على يا والمعذره يالغاليه جيّتي تو=والرد قاصر مار ماهو بديا والمعذره وانتي من اللي يعذرو= نوب الضروف تكون عكس المجيا وصلاة ربي عد ناس يلبو=واعداد زخات المطر يالبنيا واعداد مابالكون ناس تحرو=طلوع فجر مشرق بالبهيا على شفيع الخلق ياللي تصلو=محمد المختار افضل نبيا |
|
02-03-2012 | #2 |
الإدارة
|
رد: ردي على الاخت قمرا سماه
كفو كفو كفو والف نعم بك وبربعك يالعزوة ابو محمد شاعر جزل مايجيب الاجزل الشعر سلم قلبك وصح السانك حتى ترضى خالص التحايا لسمو شخصك النبيل |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
02-03-2012 | #3 |
نائب المشرف العام
صفق الهواء
|
رد: ردي على الاخت قمرا سماه
ماشاء الله
الف صح لسانك ابو محمد رد وافي وشافي وكافي لاهنت يالجزل لقد ابدعت قمرا سماه تستاهل وزود الرد الراقي وانت كفو الف صح لسانك وطاب فالك ولاهنت والله يالعزوه دمت بخير وشموخ |
|
02-03-2012 | #4 |
|
رد: ردي على الاخت قمرا سماه
الله الله
صح قلبك وكفو يا عويد ولا هنت |
0
ول يا عمر ٍ توارا ما جنيت ارباحه راااااح ! من قبل اتبيّن عتمته ووضوحه ! -------------------- تويتر https://twitter.com/#!/al_sshh --- |
02-03-2012 | #5 |
|
رد: ردي على الاخت قمرا سماه
كفو كفو ياعويد هذي الهقوة طال عمرك
صح لسانك ملاييييين والف شكر لسموك على هالابيات الوافية احترامي |
|
02-03-2012 | #6 |
|
رد: ردي على الاخت قمرا سماه
كفو والف نعم بالنشمي عويد ... صح كلك وصح قلبك
|
بيبانها طرما وجدرانها سود ويصفق نوافذها قوي الهبايب
|
02-03-2012 | #7 |
|
رد: ردي على الاخت قمرا سماه
:zdj : الشاعر المتمكن الغالي / عويد المغيليث
لله درك على هذا الرد الوافي والواقعي والتقليدي في مثل هذه الحالات فلا يملك الإنسان إلا ثلاث خيارات الصبر والجاه والمال وهذه الخيارات واحد منها يخص الإخت قمراء سماه وهو الصبر وإثنان الجاه والمال قد إستعديت بهما وتعهدت في القيام فيما يلزم القيام به وهذا منتهى الطيب والتجاوب فالمثل يقول إن اردت ان تطاع أطلب مايستطاع والشاعر عويد يعتبر ماقصر لافي النصح والتوجيه حسب خبرته ولا في الجاه والمال بارك الله فيه. وكلنا مع إختنا الشاعرة قمراء سماه ومع الشاعر عويد قلب وقالب ونأمل من الله عز وجل أن يسهل الأمور ويوفق الجميع وصلى الله على نبينا محمد وعلى آله وصحبه أجمعين. شكراً لك الشاعر عويد المغيليث وتقبل فائق تحياتي وتقديري وتفاعلي وإعجابي . |
|
03-03-2012 | #8 |
|
رد: ردي على الاخت قمرا سماه
شاعرنا القدير
ابو محمد كفو يالذويبان أصبت النيشان صح لسانك وعلى شانك رد كافي وافي لاهنت لك كل التقدير حفظك الله بحفظه |
|
03-03-2012 | #9 |
|
رد: ردي على الاخت قمرا سماه
كفو بيض الله وجهك ياعويد صح السانك
|
من كثر ماله ساروا الناس برضاه=ولو كان ناقص قالوا الناس وافي ومن قل ما بيده ترى الناس تشناه=ولو كان يسقيهم عسل قنط صافي فالمال كم ساس طمان وعلاه=والفقر كم حطم روابع سنافي لاشك ما للعبد عن حكم مولاه=من خير ولا شر ولا عوافي |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام