ابو زيد

يالربع ابي اسألكم ابو زيد الهلالي باي تاريخ عاش (بني هلال) .
انا وثاني كان بيننا رهن ومن حق ( ذبيحه ) المغلوب يعشي خويه
قبل سنتين عرضوا فلم لابو زيد الهلالي برمضان
وطبعا انا وثاني وموت عزوبيه بحايل
كنا جالسين نتابع المسلسل وفجأه احترف لي ثاني
وقال :
اتحداك تقول لي ابو زيد قبل او بعد الاسلام كان عايش
قلت:
اكيد قبل الاسلام ومايبيله نشده
قال :
لا
قلت :
ما لك لوى يا ثاني :D
قال :
انا وياك من حق
قلت :
ابشر بالحق اذا كان بعد الاسلام وانا منا متاكد من معلوماتي بس جاني لي شين وقال لي قل قبل الاسلام وعندت على رايي عناد لثاني .
قلنا وش رايك ياموت قال:
انا مالي دخل جيعان واذا جبتوا الفطور قولو لي اهم شي تعشوني :mad: :mad:
وجلسنا انا وثاني كلن يقول الحق لي
وكلن قام يتصل بخوياه وبلشنا هالعالم والناس تنتظر المذن يبون يفطرون وحنا مسكت :D تقل مجانين
المهم يالنشامى محد رد لخويوه خبر
لا انا ولا ثاني
يوم رجعنا لحايل بعد اجازة العيد
قمت ولغش ثاني ابي الحق :D :D
قال عاد اثبت ان ابو زيد قبل الاسلام
قلت انت وليه ماتثبت مدامك انت اللي بحثت هالموضوع قال :وانت تحديتن
وانشغلنا بالاختبارات ونسينا ابو زيد والهلاليين كلهم
المهم يالنشامى قبل مده سألن ثاني ودبل سبدي :mad:
بابوزيد الهلالي متى :mad:
منا مطوله عليكم يالنشامى لانه طويله وشكله مطوله
الا اذا تدخلتوا بالموضوع
لذلك ابي فزعتكم وردوا علينا الهلاليين متى عاشوا و جزاكم الله خير
لا تنسون ثاني يبي اثبات يعني دليل
الرهن مضى عليه سنتين
اخوكم: نجم