العرابي ومجاراه لقصيده سمو الأمير الشاعر / خالد الفيصل

أحبة الشعر .
وهذه مشاركه مني . أهديها للغالي / ابو غازي .
وهي عباره عن معارضه ومجاراه لقصيدة الأمير الشاعر / خالد الفيصل
والتي شدا بها الفنان / عباس إبراهيم
أتمنى أن تحوز على رضاكم . وإليكم القصيده ومجاراتها من شاعركم {بعيدالنظر}
:

:

:
.

ليت العمر يهـدى وبهديـك عمـري=تستاهـل الأيـام يـا زهـو الايـام
لو الهوى المحبوس في جوف صدري=يظهرعلى العالم غشى العالـم اهيـام
فيني غرام فـوق محمـول صبـري=وفيني خيال فوق تصويـر الاحـلام
صباحي اسرح لك وفي ليلي اسـري=والى هجع فكري خفوق الهوى قـام
والله مالـي غيرالاشـواق عـذري=واللي عرف شوق المواليف مـا لام
يا من يبيع الصبر يا ناس واشـري=محتاج كل الصبر واصخـي بالاقيـام
يا مالك امري وش نوايـاك بامـري=ارحم خفوقٍ عن هوى غيركم صـام
حالي غدا مثـل المساويـك مبـري=يا بـاريٍ حالـي ترىالبعـد ظـلام
ادري بحالك وانـت بالحـال تـدري=يالله عسى ذا العام احسن من العـام
ليت العمر يهدى وابهديـك عمـري=تستاهـل الايـام يـا زهـو الايـام

شعر الأمير/ خالد الفيصل

(الـمـجاراه)

شبيت نار الشوق وأشعلت جمري=بين الضلوع يسارجه ريح الأنسام
أربع سنين أذوب في كاس خمري=وأصد جيش العشق بسيوف الأحلام
نخل إنتظاري في رجا عذق تمري=أبطا وأنا في عيون شرهات الأيـام
(يادايم السيف) أمر الأقدار وأمري=متناقضين إثنين والطـرف مانـام
القلب عش الحب والشوق قمـري=هزّ الغصون وردد ألحـان وأنغـام
ليت الدوى في ملة العشق يبـري=وياليت من هو لامني فيـه ينـلام
كتبت في خدود التباريـح شعـري=ورجعت مزقته وكسّـرت الأقـلام
تهاوت أوراقي بعد جـفّ حبـري=واللي كتبته كله أوهام فـي أوهـام
أحس حتى الشعر ما يطلق أسـري=أتعبت صدق الحرف وأتعبت الأقدام
ومع كل هذا قلـت يفـداه عمـري=فدوة عيونه (والرضى سيدالأحكام)

شعر / عبيدالله العرابي

ونعم الهدية اجمل هدية ، يابو ســــــــــــعيد

وربي

دايم وافي ياشاعرنا العرابي ، يعجز اللسان والقلم أن يوفيك ولو القليل من حقك علينا
غمرتنا بطيبة قلبك ونبل أخلاقك وحســـــــــــن نيتك وشهامتك الرجوليه التي والله ترفع الرااااااس
حفظك الله لنا ذخراً ابا ســـــــــــــــعيد

وصح لساااااااااااانك ولسان الشاعر الأمير خالد الفيصل
مليوووووووووووووون

:zm2005:


لك كل الود والتقدير منا
اخوك / ابو غازي

اخوي الاعرابي

صح لسااااااااااااااانك على هالمجارة الرائعه للقصيده


ولاهنت يالقرم

صح الله لسانك اخوي بعيد النظر

قصيده راقيهـ

سلمت ولاهانت يمينك ..,,

ويستاهل الاخ ابوغازي


بالتوووفيق ,,

بعيدالنظر

صح للسانك مليون

ويستاهل ابوغازي ..

تسلم يالعرابى


مبدع كالعاده لاجديد