لو صد عني ترى عيوني فدى عيونه * وأسوق رجلي على دربه واعنيــــها

القلب في سجته تطري له حزونــه
والعين في نومها وتهل صافيــــها

وجروح بانت وهي من قبل مدفونة
وهموم أركت علي مانيب قاويهــــا

والصاحب الي معيش اليوم من دونه
غيّب عن العين والعشرة مجافيهــــا

لو صد عني ترى عيوني فدى عيونه
وأسوق رجلي على دربه واعنيــــها

هذا زمـــان الجفـــا بتحمل طعونــــه
بصبر على الــمر لين اسعد بحاليها

ما ذلني بالهـــوى زينً ومزيــونــــه
ولا همنــــي فالبــشر رايح وغاديها

لكـــنّ قلبي يحفــظ العهد ويصونــــه
ولـــذة سنينً مـــضت ما نيب ناسيها

يوم الركايب تــحط بداخل حصونـــــه
أشري الدقايق وهـــو يشري ثوانيها

ما كني إلا وحيــدً في فضــــا كـــــونه
وأنا عيوني عن الـــي غـــير معميها

واليوم يا قلــب يالي فاض مكنـــــونه
ما غير عايش على الذكرى وطاريها

ما كل برقً لمحـــه النــــاس يرجونه
وما كــــل غيمً يظــــل الأرض يسقيها

ياطير يالــي ضحى تشجيني لحـــونه
غرد بلحـــنً يـــرد الــــــروح يحييـــها

ما ذلني بالهـــوى زينً ومزيــونــــه
ولا همنــــي فالبــشر رايح وغاديها

لكـــنّ قلبي يحفــظ العهد ويصونــــه
ولـــذة سنينً مـــضت ما نيب ناسيها

ونعم فيك وصح لسانك ابيات كلها جزله وجميله الله يعطيك العافيه

نقل وانتقاء رائع الله يعطيك العافيه

جمال السنجاري

الف شكر لك على جمال الطرح لاهنت

تقبل مني كل الود

قصيده رآئعَه
صح لسـآن الشآعر
وَ تسلم يمينك عَ النقل ..
لآهنت ..

نقل وانتقاء رائع الله يعطيك العافيه
اخونا القدير جمال السنجاري
خالص التحايا لسمو شخصك النبيل

صح لسان الشاعر ويعطيك العافيه

اقتباس المشاركة الأصلية كتبت بواسطة هاوي البر ما ذلني بالهـــوى زينً ومزيــونــــه ولا همنــــي فالبــشر رايح وغاديها لكـــنّ قلبي يحفــظ العهد ويصونــــه ولـــذة سنينً مـــضت ما نيب ناسيها ونعم فيك وصح لسانك ابيات كلها جزله وجميله الله يعطيك العافيه

ماعليك زود يابعدي وصح بدنك يالسنافي ربي يعافيك لاعدمتك

اقتباس المشاركة الأصلية كتبت بواسطة محمد الشميلي الغالي جمال بيض الله وجهك ولك الشكر الجزيل على النقل الرائع قصيدة رائعة وآداء أروع تقبل شكري وتحياتي لاعـــــــدمنا وجووودك.

بعد حيي والله ووجهك يالغالي ربي يمتعك بالصحه والعافيه ياعزوتي

اقتباس المشاركة الأصلية كتبت بواسطة نهير النمش نقل وانتقاء رائع الله يعطيك العافيه جمال السنجاري الف شكر لك على جمال الطرح لاهنت تقبل مني كل الود

ربي يعافيك يابعد حيي ياشاعرنا لاعدمتك مشكور

اقتباس المشاركة الأصلية كتبت بواسطة مُلهمة شآعر قصيده رآئعَه صح لسـآن الشآعر وَ تسلم يمينك عَ النقل .. لآهنت ..

صح بدنتس ياخيتي وربي يسلمتس من كل شر مشكوره