ديوان / الشاعر محمد سوعان الربيع

في قمة العشرين

ابيات بمناسبة انعقاد قمة العشرين
الذي تصدر ها وخطف اضوائها
سمو سيدي ولي العهد الامير محمد بن سلمان يحفظه الله .

في قمة العشرين

	مثل القمر للناس واضح ومكشوف = هـذا مـحـمد بـين الابـطـال هامـه ما ياصـفه قـاف الشواعير بحـروف = والمـدح مـااظنيت يـوفـي مـقـامـه ما كنه الا طويق يذري عن الخوف = مـلاذ مـن حـــدّه زمـانــه وظـامـه زعيـم دوله بين الاوطـان مـعـروف = وليــا حـكــى كــلً يـثـمــن كـلامـه خلفة هـل العوجـا ذرا كل ملهـوف = حكام نجـد اهل العـدل والامـامــه في حنكة معزي وسلمان موصوف=وعليه من فيصـل وصـوف الـزعـامه وكلً بخدمـة ديـن الاسلام مكلوف = والشرع دسـتـور البـلاد ونـظـامـه ينهـى عن المنكر ويامـرً بمـعـروف = والسيف يجـلا فـي لميعـه ظلامه دون الكرامـه والوطن ناتي اصفوف = ويـوم الـوغـا كـلً يحـذف العمـامه واليوم فـالقمـه معـازيـب واضـيوف = كـلً لبـو ســلمـان ,,,زاد احترامـه في قـمة العشرين كلً له ايشوف = شفنا على وجهه الجميع ابتسامه الله يحفظه من سهم كل صـادوف =وفـالحـل والترحـال مـعــه السلامـه

محمد بن سوعان الربيّع,

جـرح العرب

جرح العرب

	جــرح العـرب ينـزف ولالــه امـدواي = وظيم القهر يصعب على اللي يحسون ويـن العـرب واهـل الفخر والعـزاوي = ويـن الكرامه ووين من له يصـونـون ايــران ســاس المشكله والبـلاوي = واذنـابـهـا فـي منطـقتـنا يجـولــون وكلن عـلى الاسلام بالشـر نـاوي = والحقد الاسود يعمي قلوب واعيون وصفق لـهـم ف بلادنـا كـل غـاوي = الخاينين اللي وراهــم يـســيـرون الخـايــن اللــي للخــيـانــه ضراوي = صفـق لخامـنئي ومجّـد بصهـيـون بالليل ضبع ولا اشرق الصبح واوي = هـذي حـقـيـقـة كل غـادر وملعون اصـل الـعرب والدين مـنهـم بــراوي = حيث العرب باخوانهـم مـايخـونون يـالله ياقــاوي عـلى كـل ,,,قـــاوي = يامن لفضـله سـاير الخلـق يرجون ســلط عـلى ايران أمــرً ســـماوي = زلـــزل بـهــا يالله يا والـي الـكــون جعـله دمـار من المخاليـق خــاوي = يـصيـبهـم يالله مــا صـاب فـرعــون

محمد بن سوعان الربيّع

الشيوخ المسين

ابيات ترحيبيه في شيوخ قبيلة الفدعان من عنزه اثناء مناسبه اقامها على شرفهم الاخ عبدالله بن عايض الهزاع المهيدي الفدعاني العنزي ولايستغرب على اخونـا ابو راضي بيض الله وجهه ,,,,,,,

الشيوخ المسمين

	ســلام يانـسـل الشــيوخ المسـمين = نسل المهيد اهل الصخا والشجاعه يامرحــبــا ياشــيـوخ شـمـل الفداعين = ياخـوان قـطــنه والفخـر باتـسـاعـه يا رمـوزنـا,, واســيـوفـنــا ,والعـنــاويـن = انتم سـنام المـجـد وانـت اشـراعـه وانتـم هـل الفـزعــات بالعسر والليـن = وحـنا لـكـم حصـنً قــوّي المـناعــه حــنــا العـهـد صــناه اول وهـالـحـيـن = ونبقـا السـند وأحزامكـم والجـماعـه وتـرا الســنـه فـيهــا بالايـام عـيـديـن = والثالـث الليـله غـشــانـا شــعاعـه لــولا المـوده والـوفــا --- للـوفـيـيــن = الشعـر. مـالي. حـاجــةً بابـتـداعـه ابي امدح اشيوخً على القلب غالـين = مـن طـيب خاطـر ماتصنـع اصــناعـه بالشـيـخ ابـو نــواف مرحــب ملايـيـن = بـ مـحـمـد اللي نــادراتً,, انـــواعــه اشـوف بـك حـليــا الشيوخ القـديمين = النـوري وثـامــر ,,,ارجـال الـبـتـاعــه اشوف مجـحـم دون ماتبصــره عـيـن = هـيـبـه وسـطــوه واقـتـدار ووقـاعــه مـجـحم ربيـع اضعـوفهـا والمساكـين = وان جـاله المظهـود خُـفـف اوجـاعـه ولـولا يقـيـن المـوت لااقــول حـيـيـن = واسـتغـفـر الله وارتـجي ,,للشفـاعـه والشــيـخ ابـوخــالــد زعـيـم الميامين = سـلطـان زيـزوم السـطر والبـتـاعـه حــرً جـسـر واللي بـمـثـلـه قـلـيـلـيـن = ومـن صـغـر سـنه مايبـدل اطـباعـه واشــيرلــ ســـماعيل مااقـول بعـديـن = واسوق له قـاف المـديـح بـقـناعــه عــز القصيـر وريـف مـن جـوه عــانيـن = ما تنـقـصر عـن كـل طــولـه اذراعــه اشــوف بــه حـاكـم زبـون المخلـيـيـن = نبـع الصـخا والجـود وقـت المجـاعـه حاكــم و لـه تـاريـخ ســطـر دواويــن = وفـي كـل دولـه ,,,.رددتــه الاذاعــه هـذي حـقـايـق وثـقـت لـه بــراهـيـن = وبصدور خـيـر الناس مثـل الـوداعـه واليـوم حـنا تحـت حـكـم السـلاطيـن = لـهــم الـولا مــنـا وســــمعً وطاعــه فــي ظـلهـم ننـعــم ونعـتـز بالــديـن = وهــم عـزوة اللي جـور الايام لاعــه راع الحـزم سـلمان سـقـم المعادين = هو طـب راس اللي تـزايـد صـداعـه يامـر وحــنـا لــه جــنــودً امطـيعـيـن = نعـمي عـيـون اهـل الحسد واللكاعـه ويالله أتأيــدهــم بـنــصــرً وتمـكــيـن = وفـيهـم وطــنـا يـزدهـــر بارتـفـاعــه ويالله ياغـافــر ذنـــوب,,, المـصـلـيـن = يامـن رفـعــنالـه كـفــوف الضــراعـه تحـفـظ وطــنـا مــن نــوايـا الــرديـيـن = الحـاقـديـن اهــل الـدجل والـدنـاعـه وتحفـظ ملـيـك ابــلادنـا قــولـوا آمين = وولي عـهــده فــي وزارة ,,,دفـاعــه وصلـــوا عـلى خـير المـلا و النبيـيـن = المصطــفى المخـتـار راع الشفـاعـه

محمد بن سوعان الربيّع

22 ذو القعده 1440 هجري
25 يـوليـو 2019 ميلادي

العمر دون الدار حنا نذرناه
................................

رداً على على بعض الغوغائين والجاحدين من العرب المفلسين والذين ابتلت فيهم الامه العربيه الذين يسـيئون الى شخص سمو سـيدي الامير محمد بن سلمان يحفظه الله ويرعاه لكنهم
خسـئوا وخاب رجاهم والأمير محمد اكبر. واجل من تفاهاتهم ،،،، وأكاذيبهم ,,,,,, والاعيبهم التي باتت مكشوفه للقاصي والداني ,,,,,, حسبنا الله فيهم

العمر دون الدار حنا نذرناه

	لاتامن الخـايـن ولا أتـصدق احكـاه = واحذر تـرا فـي أي لحـظه يخـونـك الغـدر بـعـروقــه. مـع الـدم مجـراه = وكـم مـرةً خـيّب هـقـاوي ظنـونـك ما فـاد بـه معـروفك اللـي.خـبرنـاه = وعقب الظما ,أرويتهم من امزونـك اسقيتهم من غيث صافي نثر مـاه = واشبعتهـم واليـوم مـا يشـكرونـك حاسد وحقده. يستعـر في حناياه = مـافـاد لـو تعـطـيـه كـلـتـا اعيـونـك وفـوق الجحود الهيس بانت نـواياه = وفي كل محفل بيّنـوا . يـكـرهونـك هذا الـذي عبـر.المحـطات شـفناه = وياطـويـق.مـاهــزو طـوارف.زبـونـك والكلـب ماجفّل هـل العـزم بعــواه = والقـافـلـٌه بتسـيـر. لو مــا يـبـونـك الـعـمـر دون. الـدار. حــنـا نـذرنــاه = وحـنـا لـهـم وانمـوت يا اميـر دونـك عـهـداً عـلينـا والـوفــا مـا تـركـنـاه = والله. يـغـربــل مـن يـفكــر يخـونـك لكـم. الـولا يـااخوان نـوره حفظـنـاه = واكـبـارنـا وأصـغــارنــا يــذكـــرونـك لاتامن الخـايـن ولا أتـصدق احـكـاه = واحذر تـرا فـي أي لحـظـه يخـونـك

محمد بن سـوعان الربيّع

‫العرف والمعروف

اهداء الى / صاحب السمو الملكي/ الامير سطام بن خالد بن ناصر بن عبد العزيز ال سعود ,,,,,,, يحفظه الله

العرف والمعروف

	ونعـم الاميـر اللي بـه الطـيـب يـنعـد ‬= سطام بن خالـد لـه الـقـاف. يشتاق مـواقـفـه فـيـهــا المــنــاعـيـر تعــتـد = ريـف الضعيـف ومـزبن لكل من ضاق العـرف والمعـروف طـبعـه ويـصـــعـد‬ = مـبـطـي مـعـه وقّــع إراده ومـيـثـاق ‫فـيه السـطر بالـراس يـزمي ويـرعـد = والعطف وأسلوب التواضــع والاخلاق عـنـه القـسـاوه دايـــم الــدوم تـبعـد = لاشـك سـموّه دوم للخـيـر سـبّـاق هــداج تيـمـا يا عـطــا دون مـوعــد = وليا انبلج نـوره كما شمس الاشراق طـيب السـجـايـا في حـنايـاه تـقـعـد = مسـتوطـنه نفـسه وفكـره والاحداق جـعـل الليالي تسـتـويـلـه ويـسـعـد = ويسوق لـه رب الملا حسن الاوفـاق

‫محمد بن سوعان الربيّع.

رغـــم القســاوه ,

رغـم القسـاوه

	القـلـب ينبـض بالمحـبـه ويغـلـيـك = وفـوق الغلا يجذب خفوقي اسلوبك يسريبي الهوجاس يمـك ويطريـك = كـل المشاعـر تـتـجـه لـك و صـوبـك واصبحت ادوّركل سـاعه محاريــك = وافـرح لياهـبـت نســايــم هـبوبــك يضيق صدري من غيابك واحاتيك = وعـيـني تراقـب من بعـيـدً ,,,,دروبـك لا تحسبني يـوم اعـاتبـك مابغـيـك = رغم القسـاوه ماابـعدتني احـروبـك رغم اختلاف الراي جيتك واحاكيك = وطردت يأسي ثـم دقـيـت,,, بـوبــك جيتـك غـلا كلي ولاكنت ناسـيـك = والـشـك حــذرا لايجـيــك ويشــوبـك جيتك على وضـح النقا جيت شاريك = مـالـدني حــد الشمال وجـنـوبـك ارضى على شـانك وازعـل وراضيـك = اشراقتـك فـرحي وهـمي غـروبـك هـذا شـعـوري يا عسى الله يعافيك = ويقسم لك الجـنـه ويغـفـر ذنــوبـك

محمد بن سوعان الربيّع .

العيد فرحه ,,,,,,,
تهنئه بمناسبة حلول عيد الاضحى المبارك
اصدق التبريكات الى كل احـبتي واصدقـائي الغالين
على قلبي
الاعـزاء والاكـارم مــن حيــث مـا وجـدوا
وكل عــام والجمـيـع بخيــر وأمـن وســلام
وكل عام وانتم بخير ,,,,,,, وعساكم من عواده .
_____________________________

العيد فرحه

	العيــد فـرحــه والتهــانـي مـواجـيـب = وياجـب الى الغالين نرسل تهـاني مقــرونــةً بالـود والمـســك والـطيـب = والغـالـي من الهـيل والـزعـفـراني واعيـدهـا بالـفعـل والـقـول واجـيـب = قـافً عـلـيه مــن النواقـص ضـماني ازفـهــا مـن قـلـب ينبـض تـراحـيـب = وازيـد انـا الــدعـوه فــ خـيـر الامـاني من قلب ينبض فـ الضلوع المحـاديب = ولا غـيّـر المكــنـون جــور الـزمــاني من صغر سني لين حولـبي الشيب = ارقــا اسـنود ولا التـفــت للطـماني وانا احمد اللي يعـلم السـر والغـيب = مبداي ثابــت والله اللـي,, حـبـاني وعسى الفرح ياتي ديـار الاصاحيـب = فـ آمن وسلام فـ كل وقـت ومكاني عسى يعــم السلم شرق ومغاريب = بـعـون الكريـم الـواحـد المستعاني وعسى تـخف اللي جروحه معاطيب= وترفـع عن اللي مـن ظروفـه يعاني العيــد فـرحـه والتهــاني مواجــيـب = ازفــهـا مـن قـلـب ينبـض,, حـنـانـي

محمد بن سـوعان الربيّع

جــرح الزمـن

جرح الزمن

	هنيت من قلبـه مـن الهــم مرتاح = ولا شـاف مـن دنـياه هـمً وضيـقـه ماهـوب مثلي ممتلي قلبه اجراح = ويحس في صــدره سـواة الحريقـه جرح الزمن ينزف بقلبي ولا انـزاح = وكم لي وانا مخفي اعلوم الحقيقه اضـحك واجامـل والصبر حيل ذبّاح = والـدرب اشـوفه ميركيف ؟ الطـريقه اخـفـيتـها بالقــلـب والسـد مابـاح = رغـم الألـم ؟ والجـور ماحـدً يطيـقه اخشى شماتـة كل دونـي ونبـاح = نـذلً تمـنى اليـوم طـيحـة رفـيــقـه وعشت الكئابه ما تحاظيـت بافراح = حـظـي تـردا ما ابتـسملي دقـيـقه جـــاب الخساير كلـها دون الارباح = ثــم حـدني دون الوسّــاع لمضيقـه لاشـــك نخيتـــه ميـر لاجا ولا راح = خـيّب رجـاي وغــاب عـني بريــقـه يا ويش اسوي والمقاسيم ياصاح = غربال صـارت للاماني امــعـيـقـه ولانــي لغــــربال المقـادير نطــاح = ولانيب قـد اللـي ضعـيـف ابـفـريقـه مشكاي للمعبـود خـلاق الارواح = عـالـــم خفـيـات الضمـيــر وعـميـقـه

محمد بن سوعان الربيع

القـلـم والـســيف

أبيات بمناسبة اليوم الوطني في ذكـراه 89 للمملكـة العربيـة السعوديـه
حفظها الله من كل ســوءً ومكــروه .

بالقلم والسيف

	الـوطـن لــه يــوم فـرحــه نـحـتـريــه = في قـلوب الشـعب عالي مستـواه الـوطـن بـالـروح حــنـا,, نـفـــتـديـه = وان صــدر أمــر المــلك حـنـا فــداه ســيدي سـلمـان نـغـلـيــه ونـبـيــه = خــادم البيـتـيـن و,,,مـحمـد مـعـاه بامرهـم درب الخطـر نمـشي عليـه = نفتـدي ارضـه وبحـره مـع ســـمـاه للــوطــن كــلً يجـــود بـمــا لــديــه = وان دعــانـا ســـرعــه انلـبـي نــداه بالقلــم والســيف حــنا نـحـتـمـيــه = وبالـولـد والـمـال ما نــوفـي ,,جـــزاه ثــوبـنـا الظــافـي وحــنـا ,نـرتــديــه = عـــزنـا اللـي مـالــنـا عــز ابســــواه الـــولا مـــن مبـطــيً مـا نـبـتــديــه = مـن خـلـقـنــا ربـنـا يســمـوا غـــلاه الـوطـن كـــاللــي يـبــر بـــوالــديــه = واجــبً مـفــروض ما نـلحــق جــزاه الـوطـن لــه يــوم فـرحــه نحـتـريــه = واللــه يـعــزه ويــرفـــع مســـــتـواه

محمد بن سوعان الربيّع
في 22 محرم 1441 هجـري
21 سبتمر 2019 ميلادي

ابــن الوطـن,,,,,,,,,

نتقدم باحر التعازي والمواساة الى مقام سيدي خادم الحرمين الشريفين الملك سلمان بن عبد العزيز والى ولي عهده الامين الامير محمد بن سلمان والى كافة شعب المملكه العربيه السعوديه بهذا المصاب الجلل بوفاة ابـن الوطـن البـار
اللواء الركن / عبد العزيز ابن بداح الفغم الحارس الشخصي لمليكنا المفدي يرحمه الله
والذي وافته المنيه والاجل المكتوب صباح هذا اليوم الاحد إنا لله وانا اليه راجعون ولاحول ولاقوة الا بالله وبهذا المصاب نعزي انفسنا اولاً وكافة المخلصلين في هذا الوطن الغالي ,,,,,,,

ابن الوطن

	يالـفغـم والله مـوتـك اكـبـر خسـاره = يابـن الوطـن يالبار يانسـل الاحـرار صــدمـه وكــلً ذاق منهـــا المـراره = كالصـاعـjقـه حـلـت عليـنا بـالاخبـار يالـوافـي. اللـي مـا تـغـــيّـر مساره = وافي ومـن وافيـن يا نسـل الاخيـار ربعك امطير اهل السطر. والنمــاره = ونعــمً بحمـران النـواظـر هـل الـكـار عبد العـزيـز اللـي تنومس اخـبـاره = مثـل العـديم اللي على كــف صـقّار رمـز البطــولـه والــوفــا والجـسـاره = النـــادر اللـي قــلّ مثـلــه بالاطـيـار مشهود.لك يابن الـوطن. بالشطاره = ونلت الثقه من سيدي عاهـل الدار اخـذتـهـا. فـي كـل عــزم وجــداره = لاجل الوطن تاطا عى خشم الأخطار شفـاك مثـل اللـيث فـي كل زيـاره = مـع سيدي سلمان في كل.الاقطار ورافقت عبـدالله عسى الخُـلد داره = شلت الامانـه في ضميرك والاسرار نـرفٌـــع. تـعـازيـنـا بـصـدق. وحـراره = لـ بـو فـهـد سلمـان بالســر واجـهـار وللشعـب واصحاب السمو والوزاره = واهـل الفـقيـد وربعـه اكبـار واصـغـار وجـعـلـه بـجــنـه يـانـعــاتً اثـمـاره = ومن حـدرها تجري وسيعـات الأنهـار وتـغـفر اذنـوبـه ثــم تــرفـع. وقـاره = وتجعل مقامـه فـوق مـع صف الابـرار وعــزالله انــه راح مـنـا ،،خســاره = عبـد العــزيـز الفـغـم. ممدوح الاذكـار

محمد بن سـوعان الربيّع

الاحد 30 محرم 1441 هجري
الموافق 29 سبتمبر 2019 ميلادي