قصة مقناص الشر والشرير

لاسـقــى الـلـه لـيــالــي طـــلـعــــتــي بـالـشـعــيـب=مـارويــــتــه ولـكـــن ذقــــتــــهــا مــن شــقـــاي
قـصــة لــه بــقــــايـا فـي حـــيـــــاة الاديـــب=يـوم اصـيـد الـقـمـــيـري واكـبـسـه فـي غـداي
فـي جـحـــيـم الـقــوايـل والـهـبــايـب لـــهـــيــب=جـايـع عـقـب لــقـــمـه ذقـتـهـــا فـي عـشـاي
وقـمـت اسوي طـعـامي عـنـد ظـلـع قريـب=وطـلـحـة الـشـوك صـارت عـن عجـاجـه قـفـاي
ويـوم زان الـقـمــيـري صــار ريــقـــي صـبـيـب=قـلـت احـطـــه ولا احــد راح يـاكـل مـعـاي
انـطـلـق لـي حـنـيـش مـن شـقـوق الشـطـيـب=والحـنـيـش الـمـنـقـط هـو سـبـايـب غـثــاي
اســود ســـم نـابـه مـايـــفــــيـــــده طـبــيـــب=وخـفـت مــن جـمــر عـيــنـه لايـســبــب عـمـاي
والـلـه ان الـــجـــدايـل مـن عــيــونــه تـشــيــب=ولا طـرى لـي بـوســط الـلـيــل جــانـي بـلاي
صـار صـــدري شـخـــيـره بـالــحــنــايـا غــريــب=يـمـغـــصـن وسـط بـطـــنـي والـسـلامـه هـواي
وقـمـت اراعي طـعـامـي مـن ردات الـنـصـيـب=صـعـب اخـلـي طـيـوري بـالـخــلا مـن رداي
قـلـت لـه لـيـش زرتــن يـا لــعـــيــن الـصـلــيــب=لـو تـأخـــرت سـاعـه قـبــل تـبـحــث خــفــاي
وقـمــت افـكـر بـذبـحـه فـي طـويـل الـعـسـيـب=ولــو تـوهــلـــت راسـه نــلــت غـــايـة مـنــــاي
لـو قـضـعـــنـي بـنـــابـه شـمـس عـمــري تـغـــيـب=وتــفـــقــــد الـنـاس كـلـــه طـيـبـتـــي مـع حـــلاي
اقــطــــم الـــــذيــل هــذا نـهــــشـــتــــه مـاتــخــــيــب=ولـو يـنـوشــن بـنــــابـه كــــان امـوت بـضـحـاي
وقـمـت اراقـب عـيـونـه مـثـل عـيـن الــحــريـب=واخـتـلــط حــس صــدري مــع صوايــح نـداي
صعـب اقــابـل بـخـيــل طــق بـابــي طــلـيـب=ويـوم حــرك لـــســانــه ضـــاع مــنــــي رجــاي
وهو يـجـيـنـي وانا اقـمـز مع طـريـق صعـيـب=طــايـرن يـاجـمــاعـه فــي سـحــايـب سـمـاي
اوجـس الـنــاس تـحـتـي والــخـوافــق حـطــيــب=عـقــب ماكـنـت قـاعــد سـاجــع فـي خـلاي
كــيـــف عــديــت طـــايـــر مـاذكــرت الـــقــــلــيــب=ولـو تـهــلـــفـــيـت وسـطـه كــان يـقــطـــع ضـنـــاي
خــطــوتــيـــن وقـــمـــزتـه كـالـحـصـان الـعـــريـــب=ولـو رضـيـت الـمـبـارز كان طــحـت بـخــطــاي
صـار لــي مـن عـــيـــونـه بـالــشــــغـايــا هــذيــب=والـخــسـيــس ان مـسـكـنــي يـبــي يـلـعـن ثـواي
لـو بـغــــيــت اتــعـــدى لـلــهـــــلال الــخــــصـــيــب=ســـرعـــــتـــــي فــي زيـــــاده لاذكــــرتــــه وراي
كــلـــمــــا زاد عــــزمـــه فــوق عــــزمـــه نــجــــيـــب=وان عـطـى الـداب سرعـه زدت انا فـي عـطـاي
كـيـف اخـبـص الــكــتـــاده بــس شوكه حـبـــيــب=والـــــدروب الـغـــزيــره عــــفـــــتــهـــا مـن ذكـاي
كـل مـن شــاف زولـــي قــــال يـانـــــاس ذيـــب=لـه وحـيــفـــه بـجــنــبـــي واقــعــــدن مـــن كــــراي
الـلــــه الـلــي خــلــــقـــــنــي بـالـمـــعـــارك رهـــــيــب=لـيــش انـاطــح هـبـــوبـــه دام عــنـــدي دفـــــاي
دام راسـه عـريـض تــقــل عـجراء خـطــيــب=وش يــفــــيــــدن قــبــــالـه يـاجـــــمــاعــــه عــــصـــاي
اتـرك الـضـيــق وازبــن لـلــطـــريـــق الــرحـيب=وزوجـــــتــــي زاد قـــــدري عـنـــدهــــا مـــع غــــلاي
خـطـوتـي خـمـسـة اذرع بالـشـجـر والـكـثـيــب=وكـل صـوت يــخـرفــش يـقـلــعــن عـن مـداي
واحــمــد الـلـه لـحـــالـي مـانــظــرنــي صـحـــيــب=كـان اعــقـــب الـحـــــديــــثــــه مـاذكـــرت اخـويـاي

قصة تجلب بالقلب
يابو فهد
وبعذر ... قلبك لو قمزت القليب مانت بشعورك من هالصل يادافع البلا والبلاوي
تسلم والله يالعزوة وصح السانك ..


خالص التحايا لسمو شخصك النبيل

شاعر جزل مايجيب الا الجزل حتى بالشعر الفكاهي
قصيدة اخذتنا من خلالها بهواجيس وهموم من هالبلشة اللي حاتفك على شويتك خخخ
ياسلام عليك يابو فهد
ونستنا الله ايونسك بالعافية
صح كلك استاذي

بكل حالاتك ملح يابو فهد...


صح لسانك....

وتهناك السلامه من هالهامه...


تحياتي...


.

الحمد لله على سلامتك يابوفهد
ولاتعوده مره ثانيه خلك ببويتكب والعن ابليس هههههههههه
صح لسانك يالغالي
وسلم بنانك
صورت لنا الموقف وكأننا معاك سواء كان حقيقي او خيالي
تحياتي لك

يعطيك العافية

ودي

هلا وغلا بالجميع

واشوا يابوغازي مدامك تعذرن وتشجعن على هالقمزة البطولية

تحياتي لمشاركتكم الغاليه