شفت الجميله وانا حساس

هذا يالربع عام 1409هـ كنا مسافرين للأحساء انا ومجموعه
من الاخوان وكنا مع ولد العم دواس عسوج على سيارته (240 ال )
وطافنا راعي رنج معه اللي غدا علينا وكنا نهيجن بهذه الابيات في
حينه تخبرون طيش الشباب تذكرتها وقلت اعرضها لكم هنا

اسقط على الرنج يادواس=ياشوق من نهدها نزي
القلب كنه على محماس=كنه على نويرة القزي
قربني لازاهي اللالباس=في جانبه لزني لزي
يوم التحظ كنه القرناس=عيون حرٍ ليا فزي
شفت الجميله وانا حساس=وعزي لحالي وياعزي
باسبابها صابني هوجاس=وراع الهوى ماله معزي
اضحك واجامل جميع الناس=وغرامها هزني هزي

جتكم سلامة يابو نمش
السواق دواس وله 24 سنه وعلى 240 ال
قلوبكم خضراء يارجل على قولة ابو الفراس
صح السانك

انا لله وانا اليه راجعون هزت قلبك وهي ماغير لمحه
يابعدحيي شلون لو سولفت معك اكيد تسوي بها دواوين شعر
صح بوحك
وطابت روحك
وذكرتني ب 240ال الله يرحم ايام زمان
سلمت وغنمت يالعزوة

اقتباس المشاركة الأصلية كتبت بواسطة المشرف العام جتكم سلامة يابو نمش السواق دواس وله 24 سنه وعلى 240 ال قلوبكم خضراء يارجل على قولة ابو الفراس صح السانك

اي والله يابو غازي له 23 او 24 سنه عز الشباب

عاد ابو تركي طفح بنا وطابقهم لين وصلنا محاسن

وراحو الله يستر عليهم واحنا كملنا رحلتنا بربوع الاحساء

شكراً لك على مرورك الجميل المشرف يالعزوه ولاهنت

تقبل تحياتي

الله الله الله رآآآئعه
صح لسآنك يالغالي الله يعطيك العافيه ..

اقتباس المشاركة الأصلية كتبت بواسطة عويد المغيليث انا لله وانا اليه راجعون هزت قلبك وهي ماغير لمحه يابعدحيي شلون لو سولفت معك اكيد تسوي بها دواوين شعر صح بوحك وطابت روحك وذكرتني ب 240ال الله يرحم ايام زمان سلمت وغنمت يالعزوة

ايه ايه يابو محمد

يقولون يامن الواحد خرف قام يجيب علومه ايام الجهل يتشبب ههه

سلمت ودمت على جميل مرورك وشعورك النبيل يالعزوه ولاهنت

صح بدنك والف شكر لك على الاطراء الراقي الغير مستغرب

تقبل كل الود مني

لي عوده انشا الله ابي تفرغ لك يالعزوه ههههههههه

ابيات رائعة جدا

والظاهر ان حتى القارئ يبي يهتز

تحياتي لمشاعر اللي اهتزت وانتجة هالرائعة

ابونمش،، والله ماانتم هيّنين،، لحقتوا الرنج،، بس ماهو من سيارتكم، من شيٍّ بكم،، راح الرنج وراحت السنين، وبقت هالهجينيه خفيفة الظل،، لك تقديري.

( رائع )