كن القلم فوق الورق عود كبريت

للتواصل




من الارشيف علها تحوز على رضاكم



-

برق المشاعر لاشعق يشعل البيت=مثل الفتيل اللي من القاز رايب
كن القلم فوق الورق عود كبريت=اليا ارتكى شب اللهب للهبايب
ابحرق الذكرى مادام الشجر ميت=وش فايدة غصنٍ من الشوق ذايب
ياما على روس العوالي تعليت=غايب عن العالم ولاني بــ غايب
غنيت من فوق العوالي وناديت=اسم الذي زينه يشيل العجايب
لأم العيون اللي رموشه توابيت=اليا انطبق غزة عليك النصايب
ماكنت اظن الحب يجدع شفاليت=لين القدر قد حال واقفت غصايب
ماتدري اني للشقاء قلت:واوحيت=اني انا والضيم صرنا قرايب
علُّ وعسى وام الاماني على ليت=ياكثرها كم قلتها.؟ للحبايب
وياكثرها كم قلتها.؟ بالتناهيت=للحظ الأقشر للشقاء والمصايب
تدري وش اللي بالزمن قد تمنيت=ليت القلوب اطفال بعلوم شايب

-





-




اخوكم

يوسف العبيد العتيبي
-

شاعرنا القدير يوسف العبيد العتيبي
ابو عبدالله
صح السانك مدد بلا عدد
.. .. ..


خالص التحايا لسمو شخصك النبيل

ابياتك فخمة
يعطيك الف عافية

ودي

كن القلم فوق الورق عود كبريت
اليا ارتكى شـب اللهب للهبايـب

ابحرق الذكرى مادام الشجر ميت
وش فايدة غصنٍ من الشوق ذايب

ياما على روس العوالي تعليـت
غايب عن العالم ولاني بـغايـب



الله الله الله .. علييييييييييك

جمآل يعقبهُ جمآل !

قصيده وجدآنيه صآدقه ! ليت نقدر نمحي
من ذآكرتنآ كل ذكرى موجعه !
امتعتنآ !

الشاعر / يوسف العتيبي
صح لسانك لاهنت يابعدي ابداع رائع جداً حفظك ربي ورعاك.
تقبل فائق أطيب تحياتي،،،

الغالي العتيبي
سلم نبضك يا الغالي
وطال عمرك

الجزل العذب / يوسف العتيبي

ابداع وقمة الشعر والشعور الله لايضرك يامبدع

صح قلبك وسلم فكرك الشاعري الجزل يالجزل

نص يروي ويغني عن غيره سلمت ودمت ياأستاذ

تقبل كل الود

	ياسلام . ليت القلوب اطفال بعلوم شايب وصف جميل وخيال مبدع

الشاعر يوسف العتيبي
صح السانك يالنشمي
تحياتي لحضرة جنابك

يوسف العتيبي .... صح قلبك .... وصح كلك .... يابعد حيي