يـاحـيْ شـيخٍ كـلنـا عـزوةٍ لـه

الشعر لـه ساعه وللسيف سله=ويحين سل السيف وقـت الحرابه
ومن فضل ربٍ كلنا تحت ظلّه=السيف في غمده وداخـل جرابه
في ظل من سيفه حمى نجد كله=وخـلا شمالـه والجنـوب يتشابه
وانا. معي سيفٍ من الشعر اسله=وعن لايميل السيف امسك نصابه
ومن شـان سيفي مايجي فيه زله=جعلت مـن ذاتي لــذاتـي رقابه
ولا اقول انا ملكي من الشعر جلّه=كــلٍ عـلـى طــولـه يفـصـل ثيابــه
ويا هـاجسي هات المشاعـر وفـلـه=وحط النقط على حروف الكتابـه
وأبـدا الكلام وبالصلاة. استهلّـه=على النبي والال هم والصحابه
وسلام ، اسوقه سوق فنجال دلـه=على الجميـع شيبانها مع شبابه
واقــــول للجميع حياكـــم اللـــه=جميع من حضر وســمـع ياهلابه
بحضـور شيـــخٍ كلنا عزوةٍ لــه=هو شيخنا ، وحنا سند لـه ولابـه
الشـيخ ، ابو وادي محمـد نجـلـه=شيخٍ ، ويحمل تـاج طيـب ومهابه
كم كبد ملـهــوفٍ عـن اليبس بلّـه=وكم قالةٍ ، خلص نشبها وجابـه
كم قالةٍ ، خلص نشبها وحلـه=بالمال ، والا بجاه حضرة جنابه
وبالخـويـِر ، بيـت الشيخ كلٍ يدله=بيتٍ على الطولات ، مفتوح بابه
من صكته سـود الليالي زبن لـه=عن البرد والسموم يلقى الذرابه
البـيــت بـيــتٍ للسناعيس كلـه=والشـيخ ، شـيخٍ لكل منهـو لجابه
ولنا الفخر بالشـيخ ، ومواقفٍ لـه=وعلى مثـل شــرواه ، مابه غـرابه
وخـــ..............ــــا = لـــ...............ــــد
وخالد ولد محمد وتـرعـرع بظله=يمشي على دربٍ محمد مشابه
شيخٍ ولــد شيخٍ. ويحـل بمحلـه=الــدم دمــه . والفـعــايـل تشــابـه
(هذا ابو هذا ) ( وهذا ولدٍ له)=وهذا لهذا ســيف وهذا إعصابه
وخـالد. نبارك له على ماحصل له=ثقـة ولات الامــر بحضرة جنابه
مبروك. ياخالد وانتــم هلٍ لـه=ومشيختك بالارث ماهي كسابه
وتاريخكم حـــاز المفاخــر سجلّـه=وهذا انت تفتح صفحةٍ من كتابه
ويا خالد. اسمــع كلمةٍ في محله=من راس رجلٍ صادقٍ يوم جابه
درسٍ من اللي بالزمن ماضيٍ له=تجاربٍ ، كنّـه . غــذاه . وشرابه
يسوقها. يـم الـلي هو مخلصٍ له=كلمة وفاء. ويـرجـي من الله ثوابه
الشيخ ، اللي يبي ربوعه. تجله=يسوق نفسه ، دون ربعـه جلابه
يسوق نفســه. للصعاب ويحله=ويقـرّب الوجهات . بين القرابه
ويا خذ . من العاقل . كــلامٍ يدلـه=ويصفح .عن الجاهل ويترك عتابه
وعــن الهزال . يعــز نفسه بجلـه=ويرقى عن الطامن. بعالـي هضابه
والطيب. كل الناس. وده تصل لـه=مار الردا. على الردي ، يعصابه
ويكرم جنابك . عن الردا وطاريٍ له=واللي مثـل شـرواك . يكرم جنابه
مـاضيـك سـمنٍ فـوق حيـلٍ تـزلـه=وحـاضرك سـهـمٍ رابـحٍ من شـرابه
وصلوا على اللي دار طيبة محله=اعداد ماهل المطر من سحابه

سطم فهد الخليل

ونعم با اخوقرحا
شيخ ولد شيخ وكلنا لنا الفخربهم وصح لسانك يابوفهدمليارات على هذه القصيده الرائعه ولاغرابه منك هذا فانت اهل لذلك تحياتي لشخصك

شاعرنا الكبير مقاماً القدير سطم فهد الخليل
خالي ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح بوح منطوقك ولسانك الف

الشاعر سطم فهد الخليل
صح السانك وعلاء شانك
تقديري لك

عمي بو فهـــــد صح لسانك ياحيي

الشاعر سطم فهد الخليل
صح لسانك وعلاء شانك يالنشمي
‘‘‘‘إإإإحترامي‘‘‘‘

ياحي هالوجه الفليح يالنشمي
صح السانك ملايين
تقبل مروري

اقتباس المشاركة الأصلية كتبت بواسطة مشعل عسام التريباني ونعم با اخوقرحا شيخ ولد شيخ وكلنا لنا الفخربهم وصح لسانك يابوفهدمليارات على هذه القصيده الرائعه ولاغرابه منك هذا فانت اهل لذلك تحياتي لشخصك

اقتباس المشاركة الأصلية كتبت بواسطة المشرف العام شاعرنا الكبير مقاماً القدير سطم فهد الخليل خالي ابو فهد صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

اقتباس المشاركة الأصلية كتبت بواسطة سراب الكحيلة صح بوح منطوقك ولسانك الف

اقتباس المشاركة الأصلية كتبت بواسطة الغرريب الشاعر سطم فهد الخليل صح السانك وعلاء شانك تقديري لك

اقتباس المشاركة الأصلية كتبت بواسطة خطر عمي بو فهـــــد صح لسانك ياحيي

اقتباس المشاركة الأصلية كتبت بواسطة راعى الكتلي الشاعر سطم فهد الخليل صح لسانك وعلاء شانك يالنشمي ‘‘‘‘إإإإحترامي‘‘‘‘

اقتباس المشاركة الأصلية كتبت بواسطة مهلهل ياحي هالوجه الفليح يالنشمي صح السانك ملايين تقبل مروري

احبتي

هلا وغلا وتشرفت بمرور حروفكم
كما تشرفت بأسماءكم فلكم اجزل التقدير

الشاعر سطم فهد الخليل
والنعم بالجميع صح السانك الف
ودي لك يسبق ردي