هذا الكلام / بقلمي

هذا الكلام / بقلمي

لاصرت ماتعتز بعزة عوانيك=مالك ورى الاجناب عز ومهابه
هذا الكلام اللي من القلب يعنيك=واللي ماهو من قلبٍ وش ينبغابه
احرص على اللي من جنابه يحييك=الطيب فاله والوفاء في جنابه
رفيقك اللي بالمعزه مساويك=لاغبت يسال عنك وضيقك غيابه
رفيقك اللي بالموده مصافيك=مالك بصدره غير زود الرحابه
رفيقك اللي بالشدايد يخاويك=يتعب على شانك ويتعب اركابه
رفيقك اللي بالهداوه يداريك=مثل يد العازف لقوس الربابه
رفيقك اللي لاحكى واحدٍ فيك=تلقاه يدافع عنك بكل الصلابه
رفيقك اللي من عناء الوقت يحميك=ياقف معك لاكشر الوقت نابه
رفيقك اللي لانصيته يقهويك=ماصك دونك بالكوالين بابه
رفيقك اللي كل ماحل طاريك=يشتاق لك من بين كل القرابه
والا الردي لوكان تسقيه بيديك=حفنة شعيرٍ ماتكامل انصابه
وتم الكلام اللي نظمته تماتيك=ابيات شعري بالمعاني تشابه

نايف عبدالله السليمي

رفيقك اللي لانصيته يقهويك=ماصك دونك بالكوالين بابه
رفيقك اللي كل ماحل طاريك=يشتاق لك من بين كل القرابه
والا الردي لوكان تسقيه بيديك=حفنة شعيرٍ ماتكامل انصابه
وتم الكلام اللي نظمته تماتيك=ابيات شعري بالمعاني تشابه

هالله هالله على جمال البوح وقوة المعنى
صدقت اخوي ابيات تشرا بالذهب لما فيها من الموعظه والنصيحه
اوجزت واوصلت الهدف لمنتهاه
جميل بوحك اخوي ابو فيصل لاهنت
تقبل مروري ....

شاعرنا القدير نايف عبدالله السليمي
ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

اقتباس المشاركة الأصلية كتبت بواسطة محمد سوعان الربيع رفيقك اللي لانصيته يقهويك=ماصك دونك بالكوالين بابه رفيقك اللي كل ماحل طاريك=يشتاق لك من بين كل القرابه والا الردي لوكان تسقيه بيديك=حفنة شعيرٍ ماتكامل انصابه وتم الكلام اللي نظمته تماتيك=ابيات شعري بالمعاني تشابه هالله هالله على جمال البوح وقوة المعنى صدقت اخوي ابيات تشرا بالذهب لما فيها من الموعظه والنصيحه اوجزت واوصلت الهدف لمنتهاه جميل بوحك اخوي ابو فيصل لاهنت تقبل مروري ....

صح بدنك ومشكور على الاشادة ماقصرت لاهنت /

تحياتي لمقام سموكم الكريم :

اقتباس المشاركة الأصلية كتبت بواسطة المشرف العام شاعرنا القدير نايف عبدالله السليمي ابو فهد صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

صح بدنك مديرنا الغالي وبيض الله وجهك على تمييز الموضوع لاهنت /

تحياتي لمقام سموكم الكريم :

عمي بو فهد صح لسانك ياحيي

اقتباس المشاركة الأصلية كتبت بواسطة خطر عمي بو فهد صح لسانك ياحيي

صح بدنك ولاهنتي /

تحياتي لمقام سموك الكريم :

صح لسانك على الابيات الاجمل والاكمل من جمال الابيات وقوة المعنى لا ادري ماذا اقتبس

تحياتي لك

الشاعر نايف عبدالله السليمي
صح لسانك وعلاء شانك يالنشمي
‘‘‘‘إإإإحترامي‘‘‘‘

اقتباس المشاركة الأصلية كتبت بواسطة منصورالبخيتان صح لسانك على الابيات الاجمل والاكمل من جمال الابيات وقوة المعنى لا ادري ماذا اقتبس تحياتي لك

ابو ريان بيض الله وجهك وصح بدنك /

تحياتي لمقام سموكم الكريم :