والعافين عن الناس

بسم الله الرحمن الرحيم
الشاعر\ مشعل عسام التريباني الشمري
((والعافين عن الناس))

الله يسقـــــــــــي ديرة العز والوفاء = دار الرجال اللـــــــي جـزيله فعالها
دارالشهامه ديرة الطــيب والصخاء= للطيب مرتع فـــــــي شوامخ جبالها
ام الرجال اللــي بهم يضرب المثل = افعـــــــالهم مــــــاكل رجـــلٍ ينالها
افعالهم شيمه وصفحٍ وهـــــــــــيبه = مــــــــن عهـــــد حاتم بيناتٍ فعالها
شمــــــر هلا الطولات كسّابة الثناء= نوادرن تســلســــلت مــــــن جبالها
شمرهلا الردات فــي ساحة الوغاء= ياطـــــوّحـــــة بيض العذارا شيالها
حنا الطنايا قمة الطـــــيب طيــــبنا = نجــــــود بانفــــسنا ونرخص منالها
لنا فعولٍ كنها النقــــــــش بالصخر= روسن تطول الطيب والطيب جالها
قبـــــــــيلةٍ ياوي والله قــــــــــبيله =اللابة اللـــــــــــــي وافياتٍ خصالها
افعالهم ماتنحصـــــــــي لو نعدها = واجـــد ولا تحـــــصا فعايل رجالها
واليوم اضـــــــفنا للفعول القديمه = فعــــــولن جديده من مكارم جزالها
فعل العفووالصفح سجل للابتـــي = فعلن جديد وتســــــــــــتحقّه سبالها
فازو بعتق ارقاب عاشـــو رفاقتي = مـادوّرو درهم ولا فـــــــــي ريالها
سـنّة عفو لحمود بالصحف سجّلت = اللــــــــــــي تعزوى للثقيله وشالها
وبن عــــنيزان البطل جاب مثلها = النادراللـــــــــــي كل الامجاد طالها
وبن ركاد الاسلمــــي حــــي فاله = راع الفعول اللــــــي ينومس مقالها
افعالهم يفخربها كل شـــــــــمري = لهم ترفع البيضاء بعالـــــي طوالها
ثلاثةٍ نفخرالــــــــــــى جا مجالهم = ثلاثت الابطال ياحـــــــــــــي فالها
حمودبن طــــوعان معتق قصيره = الطــــيبه لحــــــــــمودجتله وجالها
ونواف بن عــــما ش ياحل ذكره = اعـــتق رقـــبتٍ عقب ما جا زوالها
وبن ركاد سعود يســــــتاهل الثناء= ياثقــــــــــلت القالات جا وارتكالها
ثـــلا ثـــتٍ ياوي والله ثــــــــلاثه = انفوسهم ياعل يبطـــــــــــي زوالها
لهم ترفع البيضا علــــى كل نايفه = لهم ترفع البيضاء بعالـــــــي تلالها
الله يعـــــــــوّضهم ويرفع مقامهم = اللـــــــــــــي لنا جابومكارم جزالها
وتمّة وصلى الله وسلم على النبي = عدادماهل المطرمــــــــــــن خيالها

شاعرنا القدير / ابوعبدالرحمن
صح اللسانك وعلا شانك وبيض الله وجهك
والله يكتب لك ولهم الاجر ويستاهلون المدح والثناء
وماعند الله اكبر كل التقدير والاحترام لك
ياليت احد المشرفين ينقل هذه الجزلة
الى ملتقى عتق رقبه

الشاعر مشعل التريباني

صح السانك مليون

يستاهلون هالجزله الله يكثر من امثالهم وامثالك ياعم

عيدك مبارك يابعدي

عيدك مبارك

شاعرنا الكبير والقدير مشعل عسام التريباني

أبو عبدالرحمن
وفيت لاهفيت وإبن طوعان وشرواه يستاهلون هالمعلقة وأكثر بيض الله وجيههم ووجهك
صح السانك مدد بلا عدد اســــــــــتاذي الفاضل

تقديري لسمو شخصك الكريم ؛؛؛

شكرالجميع الاخوان الكرام على هذه الردود الرائعه بيض الله وجيهكم جميعا ايها الافاضل

يستاهل ابن طوعان

وكل رجل ن شهم مثلوه

صح السانك وسلم بنانك شاعرنا مشعل التريباني

رائع كــعادتك حفظك الله


تقديري لك

صح السانك يا كبير الشعار

بيض الله وجهك على ذا الشامخة ونعم بك وربعك

تستاهلون الخير والله

تقديري يالغالي،،،

الاخوان الكرام
المهاجر
محمد ضرمان الشولان
شكرالكم على المرور والاطرى الله لايهينكم جميعا

اللهم صلي وسلم على نبينا محمد
شكراً لك ايها الشاعر الجزل النقي المحب للخير وشاعر الحكمه والتجربه
صح لسانك وطاب فالك واصلح الله عيالك ولاحرمك الله الأجر والثواب
الله يعوضهم خير ونفتخر فيهم جميع ابن طوعان وابن عنيزان وابن ركاد
نص يحسب لك ياأخو الدهمان ولاأنشلت اعضاك ورفع الله قدرك
لك كل التقدير

الاخ العزيز الشاعر نهير نمش شكرالك لك على المرور الله لايهينك على هالكلام الحلو وماهو غيب منك بيض الله وجهك اعتذر عن التاخير بالرد انا كنت مسافر ولا جيت الا اليله سكرا لك اخوي الغالي