ديوان / الشاعر طلال الاحيوات

ابيات من الارشيف عمرها حوالي ١٢ عام
وتم نشرها قبل ٤ سنوات في مجله تابعه لمكتب السياحه الهولندي الذي اعمل به
اتمنى ان تنال اعجابكم

وقت الطفوله !!!

	ليت الزمان يرد وقت الطفولة=وليت الزمان يرد ذيك الليالي ذاك الزمان اللي بقلبي نزوله=لا ياسقى الله ذاك وقتٍ مظالي وقتٍ قضيته دون هم وحموله=وقتٍ مع المجمول كنا عيالي وقتٍ بسيط وزين ما به ميوله=نلعب مع الخلان ما احدٍ يبالي نلعب مع رش المطر في ثعوله=ونخشى هدير ارعودها والتوالي نركض مع الريضان نسبق سيوله=ونلعب بزوف السيل والعقل سالي ما همنا من الوقت شئً نطوله=ما همنا غير المرح والتسالي واقفت بنا الايام عرضه وطوله=لما غدينا كبار كلٍ بجالي واصبح يحط بريقعه عن عذوله=وانا اللبس الشمغان واوزن عقالي والحظ الاقشر ما رضي لي ينوله=وعيا بختنا يجيبهم بالحلالي اقفى طلب غيري تناسا الطفوله=ناسي هذاك الوقت وذيك الليالي

طلال الاحيوات المساعيد

ابيات جديده وحصريه صباح هذا اليوم
3-3-2013
قد تكون فكاهيه لكنها من عذاب عمار البيت والله المستعان

عمار يا بيت الشعر !!!

	يا بيتنا يلي من العام نبنيك=ما شفت ناصر كل يوماً بفاسه؟ يحفر ويدفن والدراهم مشاكيك=وانا جيوبي تشتكي من افلاسه يا ما حفرنا فيك من غُلب بانيك=واعجزت فيك العلم وياا الدراسه وخليتني يا بيت مثل المشابيك=طير الحرار اللي يصيد بفراسه احك مخلابي على القاع واعطيك=من ما عطا ربي وقسمي قياسه وتركتر القدمان دايم محاريك=حمال للميه على شان ساسه واقول عادي وانقل الدلو واسقيك=لين انحنى عودي وبين يباسه عذبتني يا بيت واشقيت راعيك=وهو من اول دالهن وسط ناسه عمار يا بيت الشعر في مفاليك=ألين فيك الطيب علم ووناسه يا مشرع البيبان للضيف يلفيك=ويلقى بك الفنجال من طيب راسه

ناصر شاب يشتغل معي بالبيت ويساعدني بالعمار
اخوكم طلال الاحيوات المساعيد

من الارشيف والايام الخوالي
اتمنى ان تنال رضاكم واعجابكم

مقرود !!!

	لا سارت الدنيا مسافات وحدود=انا حدودي بالفضا والنجومي ارقا سما فكر(ن) به الورد موجود=واقطف زهر من طايبات الشمومي لأجل الذي له داخلي عد مورود=يروي ضماَ لو كان ريقي سمومي لكن مشِق حبل الهوى بحد مجرود=ونجض على تال الحشا له وسومي اقفا وانا عيني بها ملح بارود=والقلب معصار الهوى به يحومي يسئل انا وش جابني ل ادعج السود؟=حتى سكنت بعاليات الرسومي مقرود انا في ساحة الحب مقرود=هذا جوابه للقمر والنجومي

طلال الاحيوات المساعيد

نشرت بالامس ابيات للفكاهه وقلت علها ترسم البسمه على وجيهكم
ووجه اخي مطلق بخيتان ابو سالم ولاكن الظاهر انها اتت بعكس ما توقعته
ورد عليها اخي واستاذي ابو سالم ... حيث قال

أضحكـت سنـي ياصويـب النواعيـس=الـلــي سهـمـهـن مايـخـلـف كـنـيـنـي
رغم ان ضحكك يابن الاجواد تونيس=تــبــي تـونـسـنـي.. وشـبّـيــت فـيـنــي
حرّكتـبـي تـذكــار بـنــت السنـاعـيـس=والـيـوم يامشـكـاي ويـنـه وويـنــي؟!
طـيّـرت نـومــي يابـعـيـد الـمـراويـس=وأحييـت بـي جـرح الـوداع المكيـنـي
هـذا بعـد والــوزن خمسـيـن تقيـيـس=وشلون لو وزنـك يفـوق ميتينـي؟!:)
ادخل على الله واستعذ به مـن بليـس=لايـدخــل الـمـلـعـون بـيـنــك وبـيـنــي
وتعـال أنـا وايــاك صلـحـة محابـيـس=لاتـذبـحــن وحـريّـيـمـي تـحـتـريـنـي !
أضحكـت سـنـي يـازبـون النوامـيـس=الله يـضــحــك سـنّــكــم يـاضـنـيـنـي..

وانا اعتذر له بهذه المتواضعه واقول له الصبر الصبر يا بعد راسي

وانا اعتذر له بهذه المتواضعه واقول له الصبر الصبر يا بعد راسي !!!

	يامرحبا بك يا فريد القرانيس=يالنادر اللي ما شراه السميني طليق جنح وسُبق ما من هواجيس=يلي على صيد الجزيله متيني طير الوحش ما دربوه القوانيص=ولا احداً عن الصيده يخمه حزيني لكن مقدر والليالي مناكيس=لا عودت لك تختفي بالثميني نصبر على المقسوم ونعَّدل الكيس=مثل الجمل لو مال حمله مكيني ما تشوفني جبت القلم والكراريس=وانثر على وجه الورق دمع عيني امسيت في نومي تجيني كوابيس=واصبحت مع شمس الضحى لي ونيني لكن صبرت وصبر الايام تكريس=واعداد للنفس الشقيه مُبيني حيث الزمن وده عنيدٍ ماهو هيس=تكرم ويكرم بالصدى سامعيني واللي غدى لفوه لف القراطيس=ونتّحسبه عند الولي والمُعيني ويا عل قبره بالمزون المراكيس=وعساه بالجنه معا والديني ادعي لهن رب الملا والعن ابليس=ذيك ام سالم ... وام خالد دفيني والعذر منك يا حفيد السناعيس=يالنادر اللي ما شراه السميني

طلال الاحيوات المساعيد

في احد المواقف الحماسيه
الخاصه بعشيرة الاحيوات بالاردن
ولا قصور بباقي القبائل

عيال المعلا !!!

عذرا على الغياب
ولكن ظروف الحياة والعمل
والله المستعان

كفي كفاني!!!

	كفي كفاني من الايام صداتها=وانا طليق اليمين وخلفة العود شايب اتوق للطايله وانوض وارقا لها=واتعبت رجلي صعود العز وقت الهبايب ولا ما شكيت الحيات وشح مداتها=ألا على الواحد المعبود ... ما رد تايب عا كافل ن رزقة النمله بحباتها=هللي بسجن النبي تدعيه والنور غايب يالله طلبتك على نفسي وشداتها=تبعد بها يا وسيع المد عن كل عايب ولا تحيجنا للبشر والناس عاداتها=ظلم الظعايف وغبنتهم نهار المصايب

طلال الاحيوات المساعيد

اهداء هذا الابيات المتواضعه
الى الاخ والصديق العزيز ابو مشعل (( راع الاوله ))

البيضا لبو مشعل!!!

	بيضا لبو مشعل على راس مزموم=قرم العيال النادر المطلقاني انا اشهد انه بالرجاجيل زيزوم=حلال عسرات الامور المكّاني يوم انتهض في نوضته صادق الحوم=حر ن تعلى في فضا غيهباني ساعة نخيته ... رد لي وقال محشوم=جيتك يا بن عواد بين الثواني من فوق جيب ن ل اشهب الدرب محموم=قطاّع فرجات العثث والياني الفين عشره واحمر الخط مرسوم=دنّاه من وصف الصواريخ داني وعليه من وصف الضبا شبح ورسوم=لا جفلن من خايعن مربعاني ورّد المحطه وانشبك فيه خرطوم=بالتنك الاول واتبعه تنك ثاني حتى قذف كنه عليل ن ومسموم=رجل ن طواه السم بين المحاني ويوم اشتغل تسمع فراشاته اتحوم=وامسى صدى صوت الرعد به بياني دبل .. وداسه .. وانطلق يقصر اسهوم=والخط شفته بين فاضي ملاني شرق بنا مع خط مبري ومعلوم=درب المقّفي عن بلايا الزماني هذا وانا قلبي من الوقت مثلوم=وارخيت ستر الطاهره لا تباني

طلال الاحيوات المساعيد

قاف سامر على الطرق القديم
اتمنى لكم طيب الاستماع والاستمتاع

صورة والدي !!!

	الحزن بصدور الرجاجيل مقبور=مهما حصل يبقى دفين الحنايا لكن ليا مره من الريح عاصور=ينبش رماده والجمر له بقايا وش لزني لمفارق البيت مجبور=لاشفت صورة والدي بالزوايا يابوي من عقبك طفا الشمع والنور=والعمر ذاب ولا بقى له مطايا جضيت في ساعة حظنتك ومعذور=مالي رجا ياكود رب البرايا اقول حي وحبل الاصوت محشور=من خوف لا تسمع بكاي الولايا ليلة خميس وقابض الروح مأمور=والموت حق .. لكل نفس ن نهايا صلى العشا في قبلة البيت معمور=تمم وسلم والسلام البدايا في عالم البرزخ عسى بوي مسرور=وعساه يلقا صالحات النوايا وعساه بالجنه معا ضافي النور=محمد رسول الله خير البرايا

اللهم اااااااااااامين
طلال الاحيوات

باقي نفس

باقي نفس !!!

	يا بنت وش لك في ضميري وانا ميت=باقي نفس والنبض هاذي تواليه يا بنت روحي في طريقك وانا ازريت=القا طريق ن ما تعثر مماشيه ابوي راح وغالي الناس والبيت=والنبع جف ودمع عيني يغذيه مالي رجا يابنت في حين صليت=غير الولي ارفع كفوفي وانا ادعيه عساه يرحم والدي زاكي الصيت=وعساه بالجنه تمشى خطاويه هذه رساله يا الضعيفه وانا اقفيت=شيال حملي لو تقطع عراويه ويابنت خلك من كلام المناكيت=والقلب ينبض والنفس باقين فيه

طلال الاحيوات المساعيد