ديوان / الشاعر طلال الاحيوات

يا موت

يا موت!!!

	ياموت كم باقي من الوقت ياموت=من قبل لا تلفي ركابك على الراس قبل تحط وتاخذ الروح ياموت=قل لي وانا باجيك مقفي عن الناس تراي اعرفك من زمن فات ياموت=ساعة خذيت الروح من ترف الانعاس ب٢٠٠١ يوم زرناه ياموت=سبقتنا بالفجر واسقيتها الكاس وذاك النهار اقبلت مأمور ياموت=واخذت شيخ الناس بالحق ... لا باس ابوي من بد المخاليق يا موت؟؟؟=....اقول تدري خلها تخنق انفاس عبرات في قلب المسيكين ياموت=تكفي جميع الناس ياموت بقياس ولا هو عتب ولى مشاريه ياموت=مؤمن ب ربي والقدر خير واتعاس لاكن قلي وش بقى اليوم ياموت=من قبل لا تلفي ركابك على الراس

لا اله الا الله محمد رسول الله

طلال الاحيوات المساعيد

والدي رحمه الله ولكم طولة العمر
زرع بوجه البيت اربع شجرات ( تين ونخله وعنب وليمون )
وقبل يتوفى بيومين كنت جالس انا وياه تحت الشجر ونسقيه وشفت النخله
تو طلع قنوها وقال لي الله يرحمه الصيف هذا ان شالله ناكل من طرحها
ويوم توفا الله يرحمه كان جالس تحت الشجر بعد صلاة العشاء
واليوم جيت بسقي الشجرات الاربع ولقيت النخله حتت ثمرها بالارض
ولا ادري وش السبب وقلت هالابيات

احداد النخيل!!!

	حتى النخل حد ورمى الحمل والطلع=جفت عذوقه وانحنى قوس عضده اسمع ونينه والبكى وازرق الدمع=شفته وسط مقلة عيونه وخده مثل البشر ذاك النخل بس ما سمع=جضة ضميري يوم راعيه هده راح وتركني بين شجرات الاربع=اسقي وانوح وذكرياته ترده كنا هنا ناقف نصلي ونركع=وكانت لنا في ذلك الركن سجده وكنا هنا نضحك نسولف ونطمع=بالصيف مقبل والثمر طاب شهده حد النخيل ولا بقى فيه من طلع=كنها على فرقا الولايف محٍّده

واعذروني على القصور يشهد الله ما قدرت ازيد
طلال الاحيوات

من بعد اربعة ايام بالمستشفى تتضح الصورة
وعذرا على قصر الابيات

الفرق واضح!!!

	مقفات بعض الناس تسوى بعض ناس=والفرق واضح بين ذولا وذولاك احداٍ مع الشده يجي واقفاً راس=واحداٍ مع السهله يدوبح تعداك احداٍ تعدى الحد والوصف بقياس=واحداٍ قعد بالروض يحفر لممشاك احداٍ وقف دون امنياتك بحراس=واحداٍ على درب الامل يزرع اشواك هذا وانا قلبي من الدم يبّاس=وشلون لو قلبه غدى فيه درباك

طلال الاحيوات المساعيد

كل عام وانتم بالف الف خير
عذرا على الغياب وذلك للاعتكاف في رمضان المبارك
اعاده الله علينا وعليكم بكل خير وعافيه
.
ولاكن بعض العرب يدفع الى ما لا تحب قوله وفعله
.

رسالة واضحه !!!

	بعض العرب تنظرك مسكين درويش=ماتدري انك بالكرامه غني نفّس وابوي لو ما عاد له بالزمن عيش=انا رجل واكل على الناب والضرّس ترباية اللي ما ملئ الكيس والخيش=بالمال لاكن بالكرامه رقا الطعّس لا عاش بالحيله ولاحاش بخشيش=عودٍ على راس الطويله غرَس غرّس ودون الكرامه حاميات الطرابيش=منتج مصانع روسيا جارة الفرّس هذه رساله واضحه ل اشهب الريش=والحر يفهم شارتي دون تدرّس وقلط على جمر الغضى مشرك أقريش=دام ابن عمه ما هدى خارب النفّس

اللهم صلي وسلم على سيدنا محمد
طلال الاحيوات المساعيد

في معايده على الفيسبوك دار بيني وبين الاخ والشاعر محمد بن سوعان الربيع حديث طويل
وبما اني خابر ان قلبه خضر سئلته عن الحب واخر اخباره من باب المزاح وشرهة الخال على بناخيه
وبما انني من الاحيوات المساعيد وابن سوعان خواله المساعيد بدا قافه بقول يا خال ،،،،،،،،،،،،،،،،
،،،،،،،،،،،،،،،،،

الحب انا ياخال قفلـت بابه=مالـي بعشق البيض شـفً وراده
مكن بقلبي يالاحيوي صوابه=وطيت انا جمره وحشت القـراده
ماهو على التوفيق رجلً عثابه=يبشر بخيبات الرجــا والنكـاده
الحب صار اليوم لعب ودعابه=ولاّ كمـا سوق يشــدك مـزاده
من يدفع اكثر يالاحيوي حظابه=ويعطى على زيف العواطف شهاده
كيف الخنا ياخال ماحدً يهابه=والكـذب والتمثيـل كــلً اجـاده
ماتردعه شيمه ودين ومعابه=ولاتـردعه من سلم الاجــواد عاده

محمد سوعان الربيع
،،،،،،،،،،،،،،،،،،،،،

ورديت عليه بالابيات المتواضعه

	حي السؤال اللي لفاني جوابه=حبات جوهر في خيوط القلاده جزلات من راع الوفا والذرابه=من راس قوم ن بالصعيبات ساده يشكي على خاله وخاله عثابه=جور الزمان الاول اليوم قاده يشكي يقول الحب صكيت بابه=وانا بعد بابي عليه السداده ابوي راح ولا بقالي اطلابه=بالحب والخفرات بطلت عاده بعض البشر تحمله ريشة غراب ,ــه=اللي على زيف المشاعر جهاده والكلمه اللي قلتها يا جناب ,ــه=كلمة مزوح ولا قصدنا النكاده

طلال الاحيوات المساعيد

شطحه وعذرونا عليها
يعلم الله انني لا احب التفاخر والتعالي على احد لاننا كلنا لآدم وآدم من تراب
ولكن الانتخابات تجعل بعض ضعاف العقول تتناسا مبادئ الاحترام والتعايش مع الاخر
وهنا مؤازره ودعم للاخ سالم الطرشان وفالك النجاح ان شألله يابو علي

شطحه وعذرونا عليها !!!

	انا الاحيوي وراس مالي صِفاتي=وتاريخ جدي يرفع الراس يا هيه مسعود جدي والمعلا عباتي=منهم خرجت وقيل احيوات ,,, لبيه ويا سامعين الصوت هاذي وصاتي=صوتاً مع الطرشان لابد نعطيه عاداتنا دعم الرفق للمماتي=وحنا على عز الرفق ما نخليه وابو علي ,,,, يابو علي يا غناتي=صوتي معك لو كان دمي تصفيه جيتك بكيفي صادقاً في مجاتي=خابر غلاكم في ضميري مخبيه وراع الغنم يرعى حلال البناتي=وقلبه على مفلى حلاله يدليه خله على مفلاه بس لا يباتي=حيث ان ذيب الرجم بالعين يرعيه

طلال الاحيوات المساعيد

اعتذر على الغياب
وعسى ما نقدمه يغفر لنا هذا الغياب
جديدي واتمنى ان يصل الى اذواقكم

يا هجير الصيف ؟؟ يابرد الشمال ؟؟

	يا هجير الصيف ؟؟ يا برد الشمال ؟؟=يا عيون الشوق ؟؟ يا فرقا العشير ؟؟ يا قطاعة وصل ؟؟ يا عقد الحبال ؟؟=هو ما درى بْن الوسط للناس خير بالله عطني يا ولد رد السؤال ؟؟=او عطه لفلان دكتور,ن, خبير صابني متلوف من ضبي الدلال=احور العينين والسله شطير جيت اصيده حطني وسط السلال=مثل عصفور الكناري مايطير وقام لي من قلب يسقيني زلال=وانقطع عامين ياسلك الحرير واصبحت دنيا العماوي كالخيال=من وضع هالدمس في درب الضرير يا وصال,ن, زل ؟؟ يا قلت وصال=يا عيون الشوق ؟؟ يا فرقا العشير

طلال الاحيوات المساعيد

شوكة خشير ولا بد من نزعها

فمـــــ الله ــــــان

	وش بقى ياصاحبي غير الصفير=صوت ريح العشق في قصر الخراب وش بقى من عالية شمس العصير=غير ذكرى وخط حرفك بالتراب وش بقى للقلب والعمر القصير=دامها رحلة ذهاب أبلا أياب قل فمان الله للقلب الكسير=قولها يا علها تردع عذاب ما بغينا منك ألا كل خير=وش لقينا منك ؟؟ تكرار الغياب هل جزا المعروف بالسيف الشطير؟=جرح كف وزود سمه والتهاب؟ رحُ ... فمان الله ياشوك الخشير=رحُ ... وانا ربي عطاني أبلا حساب

طلال الاحيوات المساعيد

كثرت فقايدنا!!!

	طال الغياب وزاير الموت ما غاب=وكثرت فقايدنا بكثر الاصاحيب وش قصتك ياموت صفيت الاحباب=واخذتهم ،، سيل انحدر من مراقيب انا ادري انك حق وللحق طلاب=لاكن هل الخلفات حرش العراقيب يعني كذا ,, راحوا شباب(ن) وشياب=ما بين يوم وليلتينه نواصيب يا عل قبر(ن) ضمهم ,, فيه له باب=وتغشاه قطرات الندى والهباهيب ويتلاه من برق الثريا بسكاب=وبل(ن) يبرد حاميت اللهاليب ويالله يالمعبود يا رب الارباب=يا اللي بحالي تعلم الجهر والغيب ترفق بنا يارب في حشر وحساب=وعسى يميني تستلم له مكاتيب

اللهم امين اللهم امين اللهم امين
طلال الاحيوات المساعيد

في قصه نادرة الحدوث بين الاصدقاء
حدثت هذه القصه بين الاخوه المرحوم ايمن ابوبدر الاحيوات المساعيد
والمرحوم خالد الترابين البقوم ,, عليهم رحمة الله وغفرانه, حيث اتفقوا على رحله للبر
بتاريخ 5 \ 12 \ 2013 ولكن الموت سبقهم الى ايمن بتاريخ 3 \ 12 ومن ثم خالد بتاريخ 5 \ 12
وتم دفنهم في المقبره الاسلاميه في العقبه ,, والغريب ان هذا المقبره الوحيده في العقبه وتستقبل يوميا
من 2 الى 3 وفياة ,, ولاكن بقي القبر المجاور الى ايمن فارغ حتى اتى صديقه ليكون
صديقا في الدنيا وجار في القبر ,, واسئل الله العلي القدير ان يجمعهم في جنات النعيم
وان يرحمهم ويتجاوز عنهم ,,,, اللهم اااااامين اللهم ااااااااامين

( تجاوروا بالقبر )

	شوف القدر ياسامع الصوت ومجيب=هنا ،، هنا ،، ياقف لها كل تايب مابين يوم وليلتينه نواصيب=تجاوروا بالقبر ،،، شوف العجايب قصة نشاما ما مشوا مسلك معيب=درب المعزه واجنبوا كل عايب كانوا على ميعاد رحله وترتيب=لكن حصان الموت سابق وصايب قالوا بعد باكر على البر ونغيب=ندله عن اظروف العمل والمصايب نكوي غرام المدن بالجمر ويطيب=لاكن غرام البر ما منه طايب تواعدوا بالخير رفقه واصاحيب=ميعادهم خمس الشهر عالركايب والموت له ميعاد وايمن له انّصيب=ليلة ثلاثه بالشهر كان غايب كلن بكاه ومن فراقه مصاويب=ودموع خالد ما عليها ضرايب في موعد الرحله عوى كنه الذيب=حتى لفاه الموت سكتت طلايب ثم لبسوه الخام ,,, بيض الجلاليب=وتجاوروا بالقبر ,,, تشهد نصايب

طلال الاحيوات المساعيد