13-02-2009
|
#11 | ||||||||||||||||||||||||
|
هلا وغلا اخوي الروقي ومشكور على اطرائك النبيل يالعزوه هناك شعر وهناك نظم 00 النظم هو ابيات موزونه وبقافيه ولكنها خاليه من المعاني الحكيمه او ليس لها هدف واضح تعالجه فلا فائده منها سوى الترويح عن النفس وقت الفراغ 0 اما الشعر فهو مشاعر واحاسيس ومعاني واضحه واهداف معينه يحاول الشاعر ايصالها للمستمع 0 وهذه قصيده لم يسبق لي ان نشرتها اطلاقا في نفس موضوعك هذا00
ترى الصيد يلزم له سهم والـوتـر والـقوس=واذا غاب منهن واحد صدت الافلاسي
كما الشعر مع نـاس بـنـظمه تحوسه حـوس=وهو وزن مع معـنى وقيفان واحساسي الاشعار صارت بالجـرايد صـور وعكـوس=ومعـناه مايسـوى ثمن حـبر الاطراسي وترى منصبه او ملك كدلك وخمس جموس=مهي عـذر في نـشـر الخرابيـط للناسي ولايحسـب ان الـنـاس عـنـده قـطـيـع تيوس=الاجـواد تـفـرق هرج دايـس ودرباسي وكـله لاجـل يـمـشـي بربـعــه تقـل طـاووس=ويـبـدى يطـاول شـاعـر ماهـر قـاسي بكوكب زحل جالس مـع الزين هـرج وبوس=وطاح القـمـر ماهو على القاع متواسي خـيالات ماتـمـشـي مـع الـواقـع المحـسوس=ولايـقـبـلـه عـقـلـي وحكـمـي ومقـياسي ابي شعر يكشف لك عن الخافـق المحـموس=ويمـشــي على نـهــج سـلــيـم ونبراسي ومعـناه عن هرج الـتـفـاهـه يجـي محـروس=على نظم تـركـي وابـن هـادي وعباسي وراكـان والـنجـدي من اللي حـروفـه مـوس=وقاف الـقــريـفـه وابـن هـدلان ودباسي لـهـم شـعـر في مسحوب نـظمه وبالـمنكوس=لـنـا واضــح مـافـيــه شـكــه ولـولاسي وكل الـعــرب تـفـهــم حـروفـه بـلا قـامـوس=ولا فـيـهـم اللي صار فـضـي ولا ماسي واذا قيل حـنا فـوق حكـمـك نـشـيــد تـروس=ولك جـنـس مايحكم على كل الاجـناسي اقـول الـقـوافـي جـذرهـا بالحـشـى مغـروس=لـنـا رفـقــة عـاشـت نـكـدنا والاوناسي واخـبر الرفـاقـه يـجـتـمـع بـه عرب ونفوس=من الصين ليـن اطراف لندن وتكساسي وانا اعطي على نظـمه لـراع الغـرام دروس=وتـاج الـقــوافي مـن قـديـم عـلى راسي ولو شـفـتـنـي مـانـي عـلـى نـشـرها مهـووس=ولانـي حريـص بـربـح درع ولا كاسي ولا اقـولـهـا لـو جـيـت حـفـلة عرب وعروس=وهـي فـي قـوافـيـها مثل بذح الامواسي بها اسـرار قـلـب في حـيـاتـه مهو مـطـمـوس=شرب من مكادير المخـالـيـق بطـيـاسي تهـيـض الـقـوافـي والـسـبـب لـسـعـة الدبوس=وتصبح على درب الخطا مثل الاكباسي ولا نرخـصه بالـعـفـن نـرجي طـمـع وفلـوس=ولا امـدح بها اللي بالعرب قاطـع خاسي خـسـيـس الطـبـوع اللي بربـعـه تـقـل نادوس=وياظـلــم مـن يـمــدح بـالاشـعـار بلاسي ويجحد صخى اللي حبـلهم بالـنـدى مـمـسوس=مـن الـلي حـيـاتـه بـيـن دلـه ومـحمـاسي وهــذا الــذي هـــان الـقــوافـي وداســه دوس=وخـلا قـصـيـد الـيــوم حـبـر بقـرطـاسي عـقـب ماقـصيد الـنـاس يجـدع كـبـير الروس=غدى اليوم يـضرب سامـع الناس بنعاسي وانا افـهـم قصايد نجـد والشام مـع طرطـوس=جـمـعـتـه وزدتــه من عـذابي وهـوجاسي وصارت تحوز الـشـعـر والـعـلم والـنـامـوس=وتـسـمـع بـهـا بالـطيب في كـل مجـلاسي اذا غاب نـور الشـمـس تـصـبـح تـقـل فانوس=وقـيـفـانـها صـارت مـثـل عـقـد الالماسي وعـنـد الـغـضـب تصبح بـنـوم العرب كابوس=على الصدق ما هـابـت هرابيد الانجاسي لك الـلـه يالولا الخـوف من غـدرة المضروس=لآقـول الــذي مـاقـيـل مـن دور جـسـاسي لـنـا مجـهـر بالـقـاف يكـشـف على الـفـيـروس=ولو يخـتـفــي بـحـفــور دلهي ومـدراسي جـنـون الـبـقــر مـاهــو مـثـل ثـورة الجاموس=وعشب الجلد ماهو مثل عشب الاطـعاسي واقـول الــذي يـنـخـر بالانـذال مـثـل الـسـوس=وخلا الـضـمـيـر بشـين الاطباع محتاسي ودام الحـشـى بهـمــوم روحـه غــدى مـتـروس=فالاسرار تظـهـر عـنــد حـشار الانفاسي |
||||||||||||||||||||||||
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله 
|
|
13-02-2009
|
#12 | |
|
الإدارة
|
ياهلا برأوينا القدير / ابو فهد
سلامة الأسفار والحمد لله على السلامة سرني كثيراً رؤيتي لك وانت تتبع هذا المتصفح الرائع بضيفه اطال الله في عمره ابو فهد .. يعلم الله مقدرين مشاغلك واشكرك على اشعاري بأنك كنت مسافراً خارج الوطن ولاكن كنت قد استضفتك بالفعل ولم استطع التراجع عن الإستضافة لعلمي بقدرك الكبير... عند اعضائنا وزوارنا فهم تواقون للحوار مع شخصك الكريم تســــــــــــــجيل حضور للسلام على شخصك الكريم تقبل خالص التحايا |
|
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
|
13-02-2009
|
#13 | |
|
الاخ الشاعر فواز الغسلان تحياتي لك واود ان ارحب بك بين اخوانك في استضافتك من قبل المشرف العام ابو غازي ,,,,
واشكر الاخ ابوغازي على الاستضافه.مرحب بك مره ثانيه |
|
|
|
14-02-2009
|
#14 | ||||||||||||||||||||||||
|
هلا وغلا حياك الله
الجديد الان اني انتهيت قريبا من تسجيل ستين حلقه تلفزيونيه لقناة قطر الفضائيه ومثلها لقناة المجد ايضا 0 وهناك مفاوضات جاريه للانضمام لقناة الخليج بعد ان اشتراها احد شيوخ دولة قطر 0 وانا فعلا انتقلت مع عائلتي للعيش في قطر الان وستكون مدة بقائنا مادام العيش والعمل مستمرا فكما تعلم ان الانسان يبحث عن رزقه اينما كان والخليج لايعتبر غربه لكون شعوبه من اصول واحده ومتشابهه بالعادات والتقاليد0 |
||||||||||||||||||||||||
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله
|
|
14-02-2009
|
#15 | ||||||||||||||||||||||||
|
حياك الله اخوي المهاجر 0
وبالنسبه للشعر والشعراء سبق ان اجبت على ذلك0 هوايتي المفضله بعد القراءه والبحث كانت القنص سابقا بنوعيه سواء بزباز البر او بزباز الاوادم خشوف المها ولكن الان افلست من الثنتين وصرت مثل معايد القريتين 0 وانا فعلا قليل الدخول للمنتديات بسبب انشغالي الذي زاد في الفتره الاخيره والا فالحمدلله انا سعيد بتواجدي معكم وافتخر بذلك وارجوا قبول عذري عن التقليل هذا وهو خارج عن ارادتي يالغالي |
||||||||||||||||||||||||
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله
|
|
14-02-2009
|
#16 | ||||||||||||||||||||||||
|
هلا وغلا ابوغازي وكل الشكر والتقدير لك على جهودك الطيبه وابشرك اني تركت المغازل كله وعفت البنات واخذت قرار حاسم بذلك وقلت بهن هذي:
تركت مطارد المقفين وانت ارحل بحفظ الله=مدامك بعتنا بالرخص حنا يالغلا بعناك
واذا تفرح بجرح القلب رد الظـلم عند الله=لاني ماسهرت الليل بغـبـون القهر لولاك اخبر اللي يـبـي غـاليه مايسمع لخلق الله=واشوفك طعت راي اللي بهجران الهوى دهواك تحسب انك بهجـرانك تحرم القلب رزق الله=وربي يرزقن غيرك ومع طول الـمـدى ننساك انا مااطارد العايـف ودون الهون ذكر الله=ولاتفرح بدمعتنا ولو عـشـنـا عـلـى ذكراك فراق الخـلق مسنونه ويبقى بـس وجـه الله=ولكن صعب تلقى لك حـبـيـبـن مثلنا يهواك عشقـتك عشق لـو تـدري بكثره قلت ماشالله=وعقب الجرح صار القلب ياظالم يبي فرقاك جرحت القلب برمـاحـك وسامحتك وحق الله=وحمدت اللي فتح عيني لقانون الهوى واعماك احسبك لانظرت الـدمـع بعيوني تخاف الله=وترحم خافقن ينزف برمحن جاه من يمناك رحـل قلبي على نغـمـة مفارقنا بامان الله=سلام الله على قلبك من اللي طاح في بلواك |
||||||||||||||||||||||||
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله
|
|
14-02-2009
|
#17 | ||||||||||||||||||||||||
|
الإدارة
|
صح قلبك وصح السانك مليار يابو فهد نتمنى لك التوفيق بنقولك لدولة قطر الشقيقة وعسى ... فالك الخير يهالوجه الحقيقة انت الكل يفتخر بخوتك وهاهم تمكنوا واخذوك منا الله يوفقك يالعزوة .... أملي بالله ثم فيك أن لاتغيب عن منتداك وبيتك الثاني نشامى شمر ترى اخوانك واخواتك يتوقون لنزف قلمك الرائع بارك الله فيك وانت مفخره لنا نفتخر برواياتك وقصائدك العذبه أخ عزيز ووافي : يابو فهد تقبل خالص التحايا |
||||||||||||||||||||||||
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
|
15-02-2009
|
#18 | ||||||||||||||||||||||||
|
حياك الله اخوي نايف الحزل وكل الشكر لمشاعرك النبيله والغاليه
تقبل ودي وتقديري يالعزوه |
||||||||||||||||||||||||
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله
|
|
16-02-2009
|
#19 | |
|
هلا ياهلا ياهلا ,,
بأبو فهد ,, لك حق علي ,, ولي رجعه مفعمه بإذن الله يالذيب ,, ياراوية الجبل ,, بأقرب وقت ........................................ |
|
|
كتاب لم ينتهي ..
|
 |
| مواقع النشر (المفضلة) |
| الكلمات الدلالية (Tags) |
| :لشبكة, منتديات, لقاء, الرأوي, حصري, غسلان, نشامى |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
