ديوان الشاعر / مشعل عسام التريباني

بسم الله الرحمن الرحيم
(( يابو طراد اليوم مافيه شبات))
كلمات الشاعر /مشعل عسام التريباني الشمري في 3/5/1439هجري

يابو طراد اليوم مافيه شبات

	يابوطراد اليوم مافيه شــــــبات= وانا علــــــى المقعاد مالـي حملّا احب اناشوف الرجال المســــمات= شـــــــــرواك دايم هرجته ماتملّا مجالسن فيها الطـرايف كثيرات=ســـــــــوالفن نفخر بها وانتسلّا مجالسن تســـــوى ملايين واميات= وابيات شـــــعرن با النصايح تجلّا عند الرجال الـــي تحب الجزيلات=كــرام النفوس ومنعشين المقلّا اللـي بهم قال العجيلي بالابيات= اضرب على شرق الرياض وتحلّا اهل المجالس منفـقــين الريالات= واهل الصخا يوم البخيل يتخلّا اهل القهاوي والنفوس الخفيفات= نجمن على روس المكارم مطلّا معالمن توضي بوســـــط المدارات= نهرن على عذب المشــــارب تولّا واللي رفع با الكون سبع السماوات= لوقلت يــوجـد مثلهم ؟ قلت كلّا

بسم الله الرحم الرحيم
((من مدلك يمنا التناصح والاخلاص))
مشعل التريباني في 5/7/1439هجري

من مدلك يمنا التناصح والاخلاص

	من مد لك يمنا التناصح والاخـلاص=حقه عليك اكــفوف نصــحك تمده ومن صار لهروج المخاليق قصاص=يصبر على قســـوة ضلاف الاشده ولكهـربا تحرق اليا لمسة الماص= ابعد سلوك الماص والباب ســـــده وخلك علــى فـولاذ الايام مفـراص= اللين خله للنســـــــــــا والمخده در البحــر مايقــدره كل غــوّاص= رد الخــبر عنــــــي وانا العلم قده ان البحريقطع علــى المركب الخاص= والهجن ضد السـهلة المجر هده وان الطيور من المواكر والاشـــخاص= كلن يعود لعـــــش خاله وجـــده تلقا الحــمامـه بالحــدايق والاقفاص= والا النوادر له مع الجــو هــــده والحر تفرح فــرســـــــته كل قناص= كم من خــريشــــن مخلب الحرقده والتبع ياشــــالــو عنه برقعه حاص= مابه على صيد ابرق الريش شده

بسم الله الرحمن الحيم
((ابو تركي))
مشعل عسام التريباني الشمري في 1/6/1439هجري

ابو تركي

	تعودنا نجي يم ابوتركي في ضحي السبت= عســــا الله يرحم اللــــي عقبه ويعطـــر اترابه عسامن عقبه فـــي جنتن كله ضلال ونبت= تفــجــــــرتحــته الانــهار والاثمار يحضــابه انا طبعي كذا شبيت واترعرت ثمن شـــبت= احب اذكــــر فعول اهل الصخا ثم اتغنابه اليامن ابن عمي جاب طوله عادتي ماغبت= اصخر له فنون الشــــــعر وافرح واتعزوابه ولافيها غرابه كان اناله بالقصيد اســـــهبت= لانه تاج راس ودرع جنب وسـيف ونصابه وانا اللي كلما جا ذكرطيبن لبن عمـي طبت= يشــــــوش الراس فرحه وافتخربه واتهقوابه وابوتركي لواكتب فيه نفذت الـورق واتعبت= ترانيم القصـــيد اللـــي تهيج بحــزت غيابه ولو صخرت له شرد القوافي والبحوروجبت=جزال الشعر لاجل رضاه نســـــــحبها بتلبابه قليل بحق ابوتركي بيوت الشــــــعر لوجربت= اصــــوغ البيت تلو البيت والجزل اتعب ركابه و لو حاولت وصفه تتعب الاقلام ماقربت=ولكن ودي اكتب ماســـــتطيع لحشمة اشنابه

بسم الله الرحمن الرحيم
((ياسلامي على الوزن الثقيل))
مشعل عسام التريباني الشمري في 9/6/1439هجري

ياسلامي على الوزن الثقيل

	ياســـــــلامي على الوزن الثقيل= فيه ســـفن المعرفه غامســه افتح الباب ياالحــــر الاصيل= واحكر الكيف يا للـــي حامسـه المشـــــاعر تهيج وتســــتميل= والـقوافــي تجـــي متلا مسـه ودي اكتب واجيب المســــتحيل= وكف جزل البحــور نخامســـه فارسن واسحب السيف الصقيل= كل جـــزله بيمّـــي رامســـــه اعشق الصعب مالي بالهزيل= والكـــوالكب بكفــي لامســـــه مــا تراجــع اليا هاب الــذليل= وكل عـيـنن تكابر عامســــــه مـــاتـعــوّدت تــقــديم القـليل= وكل شمعه بشــعري طامســه والمثل (قال) مــايخــدم بخيل= ولع النار ياللـــي دامســــــه احــتزم باام خمــس و باالفتيل=وانطح الســــحب لين تخامسه

بسم الله الرحمن الرحيم
ابيات كتبتها بالاخ العميد معدي بن فلاح القرحاح القحطاني يوم جيته لابن اخي ماقصروسنعه بيض الله وجهه ((معدي القرقاح))
مشعل عسام التريباني الشمري في 13/6/1439هجري

ابيات في الاخ العميد معدي القحطاني

	سلامي على راع الجمايل عريب الساس= سلامي على القرقاح ماهب ريح النود سلامي على اللي مع خويه عصابة راس= رجل اللوازم و المعاريف ساس الجود معدي معدي مــركز الطيب والنوماس= ابوفلاح النادر الصاطـــي البالود ابوفـــلاح اللـــي لفعل الوفا نبراس= الشامخ اللي باالمراجل ســـوات الطود الوافـــي اللــــــي بالوفا حطم المقياس=الصاطي اللي فزعته تزبن المضــهود تجملت بــي يامزبن اللـي طواه الياس= جمالتك مانساه والعلمين العباد شـهود نصيتك وانااللـــي خابرك ياقوي البااس= لانك سلايل نادرن من عيال العود قحطان راس المجديوم الزمان القاس= مروين حد الســيف بالماقف المعهود ولقيت عندك مطلبي ياعزيز الســــــــاس= عساك دايم ياعريب النسـب موجود وانا لو اكتب وافنـــي الحــــبر والقرطاس= اكون المقصرفيك لوجدت بالمجهود

انافاقدن لي شاعرن يصخرالقيفان

	انا فاقدن لي شاعرن يصخر القيفان=يصوغ القوافي و الشوارد يصخرها فارس شعرمعروف من خيرت الفرسان=عوب القوافي له تذلل نوادرها مرسا القوافي منبر الشعر والاوزان=محيطن تهيم به الجمل في بواخرها عبدالعزيز الشاعر الراقي الفهمان=بن بليهد كف الاشعار شاهرها بحرن بموجه تغرق السفن والربان=مدارسه بالشعر تصعب معابرها ورث منهجه من منهج اجداده الشجعان=صيارمن واجيوش الامجاد تقهرها ذروة بني خالد هلا الفعل بالميدان= تدوج الحباري عندهم من يذيرها؟ وايكرمون الجار والمار والظيفان=وعوب المراجل يعتلون بمنابرها اهل سربتن تارد اليا ثوور الدخان=تدوس المخاطر خيلهم في حوافرها تعدو حدود الطيب في ماضي الازمان=لهم بصمتن محدن من الخلق منكرها

مشعل عسام التريباني الشمري في 18/6/1439هجري

‏

‏ بسم الله الرحمن الرحيم
((المال بيدين البخيل))
الشاعر/مشعل عسام التريباني الشمري في 26/7/1439هجري

المال بيدين البخيل

	انا اشـــــهد ان المال بيدين البخيل= نقمه علــى راعيه دنيا واخـــره ياللــــي من الاموال مانفقت القليل= منهـوله المال المكدس ذاخــــره البس وكل واشرب قبل وقت الرحيل= ومن المراكب خـذ مــراكب فاخـره ياحامل الاثقال ابو جســــــــمن نحيل= جايع وجهدك للخـلايق صاخــره وانته كنزت المال والوارث يشيل=وعودك يباس وسـوس غيرك ناخره ياشـــــــــينها ياضيع الدرب الدليل=واهل العقول اســـتدرجتهم عاهـره ادخل ميادين المـــراجل يا الاصيل= والطم بكف العز وجه الســـــاحـره واعلم ترى الدنيا دوامه مســـتحيل= شف مقعدك محجوز فوق الباخـره انته بها الدنيا ترك عابر ســـــــــبيل= مانته مخلد باالحياة الزاخــــــره الدايم الله والبشـــــــــــــر كله رحيل= ياهل العقول الساليات الســــاخـره

ابسم الله الرحمن الرحيم
((سلام الله على راع الجمايل تاج راس الجود))
أخوك /مشعل عسام التريباني في 30/7/1439هجري

سلام الله على راع الجمايل تاج راس الجود

	سلام الله على راع الجمايل تاج راس الجود= زبون المرجله ساس الشـــــهامه مركز العفه سلام الله على العد القراح العيلم المارود=لعوده نرسله له مع نســــيم الصبح وانزفه سلام الله على عوده شذا العنمبر عبير العود=عبير المســــــك والريحان والكنبود يزتفه سلام الله على نهر الفرات الواضح المعهود=ســــلام الله علــى اللي كل جزله مركبه لفه نزيهن وافين شهمن شمخ كنه شـموخ الطود=عفيفن كل ميزات الرجــوله حاشــــها كفه عزيزن يدمح الغلطه حليمن معلمن مشــهود=صعــد روس المعالـي والعلوم الغانمه ضفه اصيلا من اصيلا من اصــيلا من عيال العود=هلا الامجاد والــوزن الثقيل ورجحة الكفه عســـامن عقبه فــي جنتن كله ثمر وورود= ومــلايكـت النعيم توجــهه للخلـد واتحفه ويفرش له من الفردوس فرش الزل والماهود=وحـورن ينطحنه باالحلل صفه ورى صفه ويشرب من شراب السلسبيل الزاكي القرهود=بكاسن من ذهب يروي ظما الظميان ياشفه

بسم الله الرحمن الرحيم
((حائل ديار اهل الصخا والجمايل))
هذه الابيات كتبتها ردا على واحد يقول اني سكنت بحائل وسرقو بيتي الله يهديه قلت له حائل مدينه مثلها مثل اي مدينه مهو معنا ان اللي سرقوك من اهل حائل يمكن اللي سرقك مهو سعودي اصلا
مشعل عسام التريباني الشمري في 9/8/1439هجري

حائل ديار اهل الصخا والجمايل

	حائل دياراهل الصخا والجمايل= كبارالصحون اللي على الطيب ضارين شمر صـلا طينن فعوله هــوايل=دايم علـــــى فعل الرجوله حريصين كم قلطـو بصحـو نهم كل حايل= بصحــو نهـم تجــدع عيال الـــبعارين خفاف النفوس ومدركين الجمايل=ومجالســـن فيها الرجال المســــــمين صيارمن تتعب ظهـور الاصــــايل= احفاد حاتم بالصخا مســــــــــــتمرين ومعشــية ذيبن به الوقت مايل= وهلا اللحيســــــــــه للجزال متواصين واهل السيوف المرهفات الصقايل=وهلاالجواراللي علـى الطيب ماضين واهل المتون اللي تشيل الثقايل=جابـــو مجــيدع مــن ديار المعادين شمر تســــوي باالخوي الهوايل= علـــــــى فعول المجد تقل متواصين مهم من اللـــي يقتنون الرذايل= مايلوث البيئه ســــوى صنعة الصين والا ترى شمر حصون الصمايل= حصن الجبل يوم اختلاف الموازين صعول الـرجال مرملين الحلايل= مكاســــــر العمبر هلا المنطق الزين افعالهم مبطــــــي وفيها دلايل= وتاريخهــم تــووج بفـــتح الــدوواوين مندون قاصر فـــي جميع القبايل= كل القبايل با الفعول متســـــــاوين ادخل على منشـــي ثقال المخايل= مانــــي مفرق بين الاقصا والادنين

بسم الله الرحمن الرحيم
((الفارس اللي على الاصحاب ساق سهمه))

مشعل عسام التريباني الشمري في 7/8/1439هجري

((الفارس اللي على الاصحاب ساق سهمه))

	الفارس اللي على الاصحاب ساق سهمه= وعن العدى سابقه يقصــر مصاريعها قربه خسـاره وبعده مســـتوي وعدمه=والبير تدفن اليا شـــــحت ينابيعها من ياكل الثوم يعرف من خبيث انســـمه=والشمس يعرف شـعاعه من مطاليعها قولو لابا زيد بيضاء بس مهي اشــــحمه= الســــــيف طشه ورى وخيالتك بيعها ماكل من قاد غزوه باالنجاح حســــمه= ولاكل راعــي بضاعه يحـتري ريعها احفظ حــدودك وحق الناس لاتزحـمه= لاتلطخ الدلو تفلس من قــراطيعها كم فارسن شال ســيفه واحتزم محزمه=وعود يجر الهزيمه من مرابيعها احذر من الغطرسـه لاتجعله لك ســمه= يرميك فــي تهلكتها شــر تشــــريعها انهم جوادك علـــى خير الكلام انهمه= والكلمه اللـــي تشـــرف نحـــره ريعها وان جتك خيل العلوم العوج والها رهمه= بالكـلمة الـوافيه جـندل مــداريعها