يامرحباء بأربع مكاتيب بإسبوع

بالتأكيد الذيب لا يهرول عبث، وصلني من الراوي / فواز الغسلان القصيده الرابعه وكلاهما خلال إسبوع إن لم تخني الذاكره في عام 1425هــ وتذكرت قول الشيبان يرحمهما الله ( كن على حذر من الراوي الشاعر وليس من الشاعر الراوي لذا يلزمني توثيق مايحضرني من مايتجاوز أربعين قصيده إرسلها لي ورديت عليها في حينه المساجله رقم(4)إسناداً على الشاعر / مبارك طناء مبيريك التبيناوي

صك (ن) صدر للجفن بالنوم ممنوع = رجواي بالله كان ماجاه تمييز
لي صاحب(ن) من حبه القلب مشلوع = ونواضري برموش عينه مغاريز
فواز ضاع بلاهب العين مدفوع = ويحرق ورى فواز عشرة فواويز
يابو طناء مافادني جمع وفزوع = باللي جعل عيني دموعه مناقيز
صارالخطاء من صاحبي دوم مرفوع = ونوافذي عن شوف جرحه مقازيز

فواز الغسلان

ردا على الراوي والشاعر/ فواز الغسلان البقعاوي

يامرحبا بأربع مكاتيب بإسبوع = وأطرب مادام السالفه نوع تعجيز
إعطيك من صافي نهر كل ينبوع = ولاني مدوّر له مع الربع تعويز
أبشر وأنا رتبت لك خوش مشروع = كأنك فهمت الحرفنه والبراويز
عذبات عسرات القوافي تجي طوع = هتلر لياركزت بالقاف تركيز
لاشك مشغلني من العام موضوع = إمجهز(ن) جيشه على القلب تجهيز
يابو فهد ماشفت له حل وسنوع = شفتك تعزز لي ولا شفت تعزيز
أنا بلى قلبي من البيض مربوع = يرسل على قلبي هموم (ن) مجاويز
لا لا تقول الصبر خيره ومنفوع = وباب الرجاء دونه قفول ومجاليز
والهَيِنّه صارت مثل حبة الكوع = لاتشكي أبكي لك وأفك المحاجيز
ولاتبدي أسرارك على كل مصقوع = ياكثر هرج مدورين المهاميز

أخوكم الشاعرالراوي/ مبارك طناء مبيريك التبيناوي

كفو كفو بالجميع

شاعرنا ورأوينا الكبير مقاماً القدير مبارك بن طناء
ابو طناء
مبارك عليك حلول هذا الشهر الفضيل شهر رمضان المعظم
شعراء كبار وفطاحلة شعر بارك الله فيك
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح السنتكم الجميع

يامرحـبـا بـأربـع مكاتـيـب بإسـبـوع --- وأطرب مـادام السالفـه نـوع تعجيـز
إعطيك مـن صافـي نهـر كـل ينبـوع --- ولانـي مـدوّر لـه مـع الربـع تعـويـز
أبشر وأنا رتبت لك خوش مشـروع --- كـأنـك فهـمـت الحرفـنـه والبـراويـز
عذبات عسرات القوافي تجي طـوع --- هـتـلـر لـيـاركـزت بـالـقـاف تـركـيــز
لاشك مشغلنـي مـن العـام موضـوع --- إمجهز(ن) جيشه على القلب تجهيز
-----------------------
ابوطنا الله يسعد كل اوقاتك يالجزل
اتوق لماتكتبه وقد يجد القارء ضالته بين احرفك المميزه والتي من خلالها
نشم رائحة ونتذوق طعم الشعر الحقيقي والمفرده الرائعه بلونها وثوبها القديم الاصيل
صح لسانك ولسان الراوي والشاعر المبدع فواز الغسلان صوت وصدى رائعين وماللبئر الاغطاه

كل التقدير يالتبيناوي

الراوي والشاعر الكبير مبارك طناء التبيناوي
صح السانك والسان ابن غسلان الف
تحياتي لك

الراوي والشاعر الكبير مبارك طناء التبيناوي
صح السانك والسان ابن غسلان الف
تحياتي لك

الأخ العزيز الشيخ/ منحاش

الأخ العزيز المراقب/ محمد الشميلي

الأخ العزيز المشرف العام/ أبوغازي

الأخ العزيز / راعي الكتلي

الأخ العزيز المراقب/ سليمان بن جبيل

الأخ العزيز الشاعر / الكاسر

الأخ العزيز الشاعر/ طخطيخ

السلام عليكم ورحمة الله وبركاته وبعد:ـ

أشكركم جزيل الشكر على كلماتكم العطره وتعليقاتكم المشرفه دمتم بخير وموده وتقبلوا فائق تحياتي وتقديري والسلام 0

أخوكم ومحبكم / مبارك طناء مبيريك التبيناوي

يامرحبا وياهلا يابو طنا

صح لسانك ولسان ابن غسلان

بكل تأكيل انت اكبر من قول صح لسانك لكن هذا عرف متعارف عليه

وكذلك بكل تأكيد بأن يعجز من اراد بك التعجيز, شاعر ومن بيت شعر

تقديري واحترامي لشخصك العزيز

هلا ومليون مرحبا يابو فهد

صباحك جميل أيها الشهم النبيل شاعرنا الجليل

أشكرك على كلماتك الساره ومرورك المشرف

ماعليك زود يالغالي دمت بخير وموده

تقبل فائق أحترامي وتحياتي والسلام

أخوك ومحبك / مبارك طناء التبيناوي