بس العرب تستر همومه بالملابس والهدوم

بس العرب تستر همومه بالملابس والهدوم ..

كتم الهواجس يافهد يضغط على القلب الكتوم=وهذا الذي يصدر على روح الجـريـح اعـدامها
وآفة طريق اهل الفخر والمرجله ضعف العزوم=وكـثر الامـاني تـغـرق الـسـابـح بمـوج احلامـها
وزمل الـمحامل لو تزود اثقـالـها تقوى تقوم=وبعض العرب لاسارت الـنـاقـه يعوق خـطامـها
ولو تكشف صدور البشر تلـقـى المغثـه والهموم=وسط القلوب اللي سرت تطرد سراب اوهامها
لو كان لهموم العرب مكتب لتسديد الرسوم=ضاع الورق بالطبع والتغليف قبل اتمامها
بس العرب تستـر غثـاها بالـملابس والهدوم=وتـرمـي مـغـثـــة لـيـلـهـا بكـتـوف حـلـم ايـامـها
ومايرتضي درب الـمهونه والردى غـير الرخوم=اللي يـهاب المرجله لا شاف زود اسوامـها
ومايدرك الطولات من يكره لواهيب السموم=ومن هاب نيران الـظـمـا ماطاق فرض صيامها
واللي زبن عند القسى ذبـاحـة الوضحا الردوم=يلقى الذي يقبس على الشدات سلك ألـغـامها
مثل المرضف وابن هندي وابن ناحل والفغوم=والا فـهـد شـيـخ الـزمـيـل اللي يـضـف ايتامها
وامثالهم بين الشيوخ اللي عن الـذله تشوم=نقـوة شيـوخٍ بالـشـدايد ماتطـيـح عـظـامها
اللي سمـعـنـا طـيـب اهـلـهـم في قديمات العلوم=وتدرا ملامة واحـدن وسط المجـالس لامها
وش عاد لو جور الليالي بالعرب هان القروم=وقـدم على الروس الشوامخ بالعرب خـدامها
اللي يـبي يلـعـب مدافـع مايـبـي قـلـب الهجـوم=ومافـاد عـرش الـمـلك حـافـظـهـا ولا صـدامها
والـحـمـد لـلـي عـزنـا بالـديـن والـقلب الرحوم=وطيب توارث من خوال عـيـالـنـا واعـمـامها
حتى كـروت المرجـله لـو شـالـهـا طـيـرن يحوم=تلقى بنا اللي حازها قبله وشال ارقامها
في ديرة اهل المرجله والطيب وكبار الحلوم=اصغرهم اللي يدرك امـجاد الفخر لارامها
بجبال أجأ وخشوم سلمى ماكر الطير الصروم=ترسخ تواريخ الندى الهاطل رسوخ اهرامها
امجادها قبل الجـيـوش وقـبـل تطويع الخـصـوم=من عهد حـاتـم قـبـل كـسـراها وقبل اروامها
تجمع مفاخر نسل وايل والشهامه بالبقوم=وفزعة عتيبه والشجاعه للعرب في يامها
واسم الـعـروبـه ما يـعـزك بالخصوص وبالعموم=مافاد يثرب واهل يثرب قبل عز اسلامها
لو طال درب الكذب والتزوير لايمكن يدوم=او طهبلت بعض العرب للناس عبر اعلامها
لو تجلبه للسوق ماتلقى الزبون اللي يسوم=مـالـه قـبــول فـي عـقــول الـعــاقـلـه وافـــهـامـها
ولايـنـفـع الـسـهـران مـقـعـاده تحـت نور النجوم=او لـيـلة(ن) بشباط راحت لذته مانامها
كيف اقتلب سير الزمان وصورة الرجل الظلوم=اصبح هو المظلوم عند اللي تصوغ افلامها
اقـدامـنـا بـالـقـاع لـكـن روسـنــا فــوق الـغـيـوم=وارواحنا ماتشـتـكـي ثـقـل الـدهـر لـو ضامها
تشابهت قـاعـة سـفـرنـا وسط صـالات الـقدوم=مـثــل اشـتـبـاه الـعــام هـذا مـع قــديــم اعــوامـها
نمشي تحـت حـر الـقــوايـل بـالـفــيــافـي والحـزوم=وهذي مـقـاديـر تـسـيـر الـنـاس تحـت احـكامـها
ترميك مكتوف الايادي داخل الموج اللطوم=وتعطيك بأمواجه قـسـيـمـه لاجل ربـط حزامـها

الشاعر العملاق ابن غسلان

سلم بنانك وصح السانك


تقديري لجنابك

صح الله السان الشاعر الكبير عملاق وصرح من صروح شمر

تقبل مرورى واحترامي

كبير يابعد حيي يابو فهد

لاهنت على هالمعلقه طال عمرك

صح السانك الف

شاعرنا الرائع فواز الغسلان

صح السانك يالعزوة


تحياتي لك

صح لسانك شاعرنا
قصيده جميله والاجمل انها منك
تسلم يمينك ,

فواز الغسلان

صح السانك يابعدي وسلم بنانك

معلقه لها شعلله يالشاعر لاهنت

صح السان ااااااااااااااااااااالف

ابن غسلان

نص من النصوص العملاقه وثقيلة الوزن
نص فاخر جداً ومن العيار العالي والغالي

لاغرابه شاعر ملم ومتمكن ومدرك

لله درك ياأبا فهد

تقديري لشخصك النبيل

ولو تكشف صدور البشر تلقى المغثه والهموم
وسط القلوب اللي سرت تطرد سراب اوهامها
لو كان لهموم العرب مكتب لتسديد الرسوم
ضاع الورق بالطبع والتغليف قبل اتمامها
بس العرب تستر غثاها بالملابس والهدوم
وترمي مغثة ليلها بكتوف حلم ايامها
ومايرتضي درب المهونه والردى غير الرخوم
اللي يهاب المرجله لا شاف زود اسوامها
صح لسانك شاعرنا

الله يجزيك كل الخير اخوي على القصيده الأكثر من رائعه