راع المصلحه والغايه

هذه ابيات للشاعر العلم حسن عبيد الميهوبي البلوي
وتمت مجاراتها مني من ضمن شعار قامو بمجاراتها وكنت
بفضل الله صاحب المجاراه الصائبه من غير قصور بزملائي الشعار

اسمع ياراعي المصلحه والغايه=لاتـقـعــد الـدنــيــا ولاتـقـومـهــا
‏الــي حصـلـي فالـزمـان كفـايـه=مايبيـن بالازمـات غيـر اعظمـهـا
‏وانــا مـاقـول إلا عـلـى مخبـايـه=وإذ تــــردت نــــاس مـاألـومـهــا
‏والي مايمشي في لزومه رايه=لا يبلـش المخلـوق فـي لازمهـا
‏والي وسمها الوقت سر إخفايه=بكره تبي تشهد على ميسمها
‏ولـيـا رفـعـت لصاحـبـي يمنـايـها=لــي تبـيـض وجـهــي اقـدمـهـا
وليـا فهـم راعـي الـوفـا معنـايـه=عسـى قليـل الـعـرف مايفهـمـا

العلم حسن عبيد
-------------------------------------------------------------

يسعدكم ويسعد (ثقل الشمال) الشاعر حسن السرحاني
وهذه مجاراه متواضعه لبو زياد
ومجاراتي بعيده عن الهدف لآن الهدف مايخصني

فز الخفوق وجيـت مـن قصيايـه=اسـرج مهـار القافـيـه والجمـهـا
ماجت لمضمـار السبـاق كمايـه=ولاجت تحدى جت على لازمهـا
شافـت بمضمـار الجزيـلـه رايــه=فــي كــف راعـيـهـا ومتزعـمـهـا
بنـدق وميـدان وهــدف ورمـايـه=في راية الجزله حسن راسمهـا
امـا الهـدف ماكـان هـو مغـزايـه=مـغـزايـه المـزيـونـه ومبسـمـهـا
لي في غزل بنـات فكـري غايـه=بظـهـور اصايلـهـا نــرد ادسمـهـا
اســري لـهـا لابـرهـزت قمـرايـه=واكحـل بظلماهـا نـظـر ضالمـهـا
وأرد علـى جـم الـروى برشـايـه=وان جت عطاشا الورد مانحرمها
ولمـاقـفـي مـانـخـا رديـــاً بـايــه=جبـاد لقمـة جـدتـه مــن فمـهـا
شاعر ولي روس الرجـوم رفايـه=ولادخل بسالفتي قبل مافهمها
مـع طيـبـاً عـنـده فـهـم ودرايــه=يـفـرق فـرايـد فـكـرتـه خاتـمـهـا
هو سيفي الهيلع وهو شلفايـه=وبندق ينومسني ملي محزمها

الشاعر سليمان ابن جبيل البلوي
تحياتي
-------------------------------------------------------

هذا هو رد الشاعر حسن عبيد بعد مجاراتنا لها
ردي على الشاعر سليمان الجبيل

سويت لي معـنى ورمز حمايـة =عن سيد الاسـره وعن خادمهـا
ماني مسـوي لـزمـان دعــايـة =لو يعطي العالم ولو يحـرمـهــا
لكن ابو يوسـف عـرف بلوايــه =صاحي ولا يشـره علـى نايمهـا
عاين وشاف النجمـه السـرايـه =واعرض عن اللوحه وعن راسمها
اليا قريــت الشــعــر ياقـرايــه =تنبي بيوت الشعر عن ناظمـهـا

تقديري للجميع

ماشالله تبارك الله

اشهد بالله انكم الدواهي يالمواهيب

اسلم يالعضيد وسلم على حسن عبيد كثير السلام

عين الله ترعاكم ودمتم على هذا الجمال واكثر

الشاعر سليمان بن جبيل
صح السنكم كلكم عمالقة شعر بارك الله فيكم
تحياتي لحضرة جنابك

شاعرنا القدير سليمان بن جبيل
ابو يوسف
عوداً حميد يالنشمي لأخوانك واخواتك وبيتك الثاني شبكة نشامى شمر
صح السنتكم يالشعراء الجميع
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صحت القلوب
صح بوحك يابو يوسف
جواهرك دائمآ متميزة
تقييمي لروعة حرفك
ودي

[quote=الجرح;421879]ماشالله تبارك الله

اشهد بالله انكم الدواهي يالمواهيب

اسلم يالعضيد وسلم على حسن عبيد كثير السلام

[size=4][color=black]عين الله ترعاكم ودمتم على هذا الجمال واكثر[/

هلا بخوي الجرح هلاوغلا هلا بهاالطله

الله لايهينك يابو عبدالعزيز ولاعليكم زود

والسلام يوصل بعون الله ولكن انت عليك مطالبات واجد

يالقاطع ههههههههههههههه الله يسعدك ويسعد ايامك

تقديري لك ياغالي

اقتباس المشاركة الأصلية كتبت بواسطة الكاسر الشاعر سليمان بن جبيل صح السنكم كلكم عمالقة شعر بارك الله فيكم تحياتي لحضرة جنابك

هلا ومرحبا اخوي الكاسر

صح بدنك وزان عملك ولاهان راسك ياغالي

الف تحيه لجنابك وعذوبة منطقك ولاهنت

اقتباس المشاركة الأصلية كتبت بواسطة المشرف العام شاعرنا القدير سليمان بن جبيل ابو يوسف عوداً حميد يالنشمي لأخوانك واخواتك وبيتك الثاني شبكة نشامى شمر صح السنتكم يالشعراء الجميع .. .. . . خالص التحايا لسمو شخصك النبيل ??¯?ـ?ابو غازي?ـ?¯??

ابوغازي هلابك يابوغازي

يشهدالله انكم بالبال ولو ماكنت ضمن المتواجدين يابوغازي

وانا لايمكن ابتعد عن اخواني واخواتي وبيتي الثاني

اللي ماجمعني الا بأطيب الناس والشهاده لله

الف شكر لك ابوغازي على مرورك المعطر والمشوق

والف صح بدنك ياغالي

اقتباس المشاركة الأصلية كتبت بواسطة قمرا سماه صحت القلوب صح بوحك يابو يوسف جواهرك دائمآ متميزة تقييمي لروعة حرفك ودي

الاخت القديره قمرا الشعر

ياهلا بك شاعرتنا بل اختنا وصحت ابدانك يالنشميه

والجواهر تمتلكين اجملها واجزلها يابنت الرجال


كل التقديرلك اختي العزيزه

الشاعر سليمان بن جبيل
صح السنكم كلكم عمالقة شعر يالنشمي
تحياتي لك