النوادر/اهداء للشهم عبيد الفريدسي الرشيدي --ابونايف

هذه القصيده اهداء ورد ثنى لرجل شهم وكريم وحميد سجايا
لما قام به تجاه احد ابنا عمومتي بعدة مواقف تنم عن طيب هذا الرجل
الا وهو عبيد الفريدسي الرشيدي *ابو نايف
فوجب تقديره ولطيبه في ابن عمي

انا البارحه عيني على الناشي المردوم=اعشق المزون اللي بها البارق الساري
في البرق صيفه من نوادر قروم القوم=اليا حل بكبار المجالس لهم طاري
تودي الرجال علوم قوم وتجيب علوم=وتذم الذميم وتمدح الطيب وتماري
وانا ماتهيّض هاجسي هفوة المذموم=ولا أعرّض كنوز الجزيلات للذاري
ولا ارمي اشبكة الحر لمصافقات الحوم=طيور الشبه مايخدعن صفوة افكاري
احده على العيطا يما يرقب المزموم=وورّد معاطيشه على صفوة الجاري
واليا أرعد براسي كنه المزنه ام غيوم=ردوماً تذارف من عطا المعطي الباري
كنزته وعفيته ليوماً مثل هاليوم=وإلى ذاع ذكر الطيّب اسرفت بأشعاري
مثل مادعيته واستجاب لمقام قروم=سرى مع طنايا عبس وافين الاشباري
سرى مع مقابيس الوغا مرخصين السوم=على سوق بياع العمر واشر ياشاري
وعلى سيرة اهل الطيب في ماقف الملزوم=يشوم الرشيدي للوفا سر وجهاري
ابا اذكر عبيد وكل حر بسماه يحوم=ولكن ابو نايف ورى حروة الحاري
يحارب بدرب الطيب كنه يحارب قوم=كما من وقف من دون ابن عمه يثاري
ووقف لي بماقف وادري انه بحر ويزوم=على غبته سفن الدول خطها جاري
سلامي وعلم الطيب له بالرجال ختوم=على ضو بصمات المواقف له اذكاري
وانا داري انك يالرشيدي ذهاب الكوم=واهل مرحبا بالضيف والرازق الباري
وسلامي على محمد ونايف وكل قروم=مقابيس عبرود المشوك اليا ثاري
شهادة قضاعي له ب طيبه وبدر رسوم=على صفحة اصحاب الرسل وأقر ياقاري

لكم انتم ايها الاحباب مع التقدير

وانت كذالك لا تأتي الا بالدرر والنوادر

والف مليارنعم بالمادح والممدوح

يستاهل ابو نايف المدح والثناء رايته فوق الاشهاد و له بياض الوجه على وقفتة الرائعة

اهنئك يابو يوسف على جمال هذه الروح

دمت بحفظ ربي

شاعرنا القدير سليمان بن جبيل
ابو يوسف
والف نعم بالمادح والممدوح يستاهل راعي الطيب
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

ااااي الطيبون يستاهلون كل خير
صحو لسانك 1000 ياعم سليمان

والله والنعم بالاجودي بني عبس بهم رجال كفو عزالله ظليمتهم شينه
والف نعم بك اخوي الشاعر سليمان الجبيل
صح لسانك الف
تحياتي لك

والنعم بالمادح والممدوح

ابويوسف صح لسانك مدد بلا عدد

لاهنت

سليمان بن جبيل
صح لسانك يابو يوسف مبدع لايختلف عليك اثنين
سجل اعجابي بكل ما تجود به قريحتك

وانت لك الشكر والتقدير أيها الشاعر/ الكبير وصح لسانك ونعم المادح والممدوح لاهنت /
تحياتي لك :

الشاعر سليمان الجبيل
صح السانك الف
ودي لك يسبق ردي

الاخ الشاعر عمر سليمان بن جبيل
من حصل شي ستاهله الف نعم بالمادح والممدوح يابعد حيي
صح السانك الف
تقديري وودي لك