مافرق الله واحـدٍ مشيه تقول وخيته

السلام عليكم يالنشاما

كيف حالكم

المعذره على هذا الغياب اللغير مقصود

ابيات من وقف علها تشفع


//

على بساطك يـ الـقـريـحـه شتتي كل الظلام=واحيي قلوبٍ من عنا وقت الليالي ميته
جيت أتهجى حرف شعري واشعل المعنى كلام=بدايعٍ فيها جزيل القاف بانت جيّته !
سما سما ياحرف غازي عاليٍ فوق الغمام= تمطر سحايب غيمتك ديمٍ نشا وسميته
جيت بشموخ الشاهق الي مايروم الا السنام=فيه العلو فاض بـ شعورٍ خطته قافيته
عليك ياقـسـم الكلام الي كـتـبـتـه قـبـل عام =ماهمني مـنـهـو كـتـب والا نثر ماهيته
الي طلبني للشعر جيته اسوق إله السلام= يلقى قباله شاعرآ ساق البديع إحميته
يلقى بدايع قسمها دايم على وضع التمام=وضـعٍ يروق لـ واحـدٍ صفى نوايا نيته
والي يبي هرجٍ يجافي من مجافيه احتدام=عليه باللي فعلها يمحي سوايا سيته
أقـولـهـا يـوم انـهـا وضـعٍ تمادى للملام=مافرق الله واحـدٍ مـشـيـه تقول وخيته
رجالٍ اسمه والمسمى من قديمٍ له مقام ؟= القول قوله بالخفى والصدق عند مريّته
ماكلهم صدّام لو بانوا على العالم صِدام=الفعل سكّت واحدٍ جمّع شتى سريته
اشباه مثله بالمجالس كِبرها قِـل احترام=من وين ماحرك يمينه خمته جاهيته
ماقلتها قـاصـد معاني باغيٍ مـنـهـا مرام=لو زاد حِـدت واحـدٍ هـمـه بلى نفسيّته
مواضعٍ جتني تباري من سحايبها كلام=تخط حرفٍ مصدره عينٍ شعت لي ضيته

وسلامتكم

تقبلوا تحياتي / غازي بن عالي

الشاعر غازي بن عالي
صح السانك الف
تقبل مروري

حضور راقي صح بوحك ولسانك

الشاعر غازي بن عالي
صح لسانك وعلاء شانك يالنشمي
‘‘‘‘إإإإحترامي‘‘‘‘

شاعرنا القدير غازي بن عالي
الحمد لله على سلامة العوده
خالي لأخوانك وأخواتك وبيتك الثاني شبكة نشامى شمر
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

الشاعر غازي ابن عالي
منور يالنشمي وصح كلك ولسانك
تقديري لك

عمي غازي صح لسانك ياحيي

أأأأأأأأأأأأأأأأأأأأأأأأأأأأأأأي يامرحبا يامراحب في حضرتكم صحوو لسانكم كثيرا

الشاعر غازي بن عالي
مرحبا ترحيب السيل
صح السانك
ودي لك يسبق ردي

الشاعر الرائع والمبدع
غازي بن عالي
الف الف صح لسانك على هالقصيده
الاكثرمن رائعه صراحه قصيده من الوزن
الثقيل ياغازي تحياتي لك ايها الهرم الشعري
والعملاق المتالق