الشاعر الكويتي عبد الله الفرج يمدح حاكم نجد عبد الله الرشيد

الشاعر الكويتي ( عبد الله الفرج )
قال قصيدة مدح رائعة المعاني في حاكم نجد السابق
الامير / محمد بن عبدالله العلي الرشيد .​


والقصيدة تبين مدى قوة ( دولة ابن رشيد ) واتساعها وتأثيرها على الناس .
واتصال الحركة الثقافية بها والتي يمثلها الشعراء.​


أرسل الشاعر عبدالله الفرج القصيده مع احد المراسيل
من الكويت الى حائل .
وعندما وصلت القصيدة للأمير ابن رشيد
نالت على إعجابه وأكرمة ...​


يقول الفرج مادحاً ابن رشيد وقبيلة شمر : ​

ماحلا النظّـم المسطّـر كالعقـود=والسلام اللي كمـا الـدر النضيـد
كيـف لا ومضمّنـه مدح ٍ يكـود=مايجيبـه شاعر ٍ لـو هـو لبيـد
مدح شيخ ٍ مـودع الدنيـا سهـود=سـارت الركبـان بأذكـاره تشيـد
حيثه إنسان الدهر عيـن الوجـود=النضار الجوهر المحـض الفريـد
بدر تم شمس فضـل بحـر جـود=وافـرٍ بالفيـض طامـي بالمديـد
ماخفى من طالعـه نجـم السعـود=ولد عبـدالله محمـد ابـن رشيـد
شمّري تتـــــــلاه قـومٍ كالأسـود=بآسهم عند اللقـاء بأس ٍ شديـد
سل بني عتبه وسل عنه آل سعود =وآل خليفة قاطبـه وآل بوسعيـد
وإنشـد العربـان قطّـان العـدود=يخبرونـك عنـه بالعلـم الأكيـد
عن ربيع الضيف عن ريف الوجود=عن ذرى الملهوف عن ملجأ الطريد
عن كريـمٍ مـودع الدنيـا مهـود=مـع سهـودٍ مايكـوده مايـريـد
في حمّلـه مثـل جنّـات الخلـود=ينعش السكـان بالعيـش الرغيـد
مودعه حيث الأمان مـن السهـود=كالحرم مـازال مفتـوح الوصيد
مأمن الخايف الى جالـه يـذود=لايـذٍٍٍ بعزومـه الـلـي ماتبـيـد
وفيه سناعيـس يبيـدون الحشـود=حسبهـم يامـا يضـدّون الضديـد
يرهبونـك كالضـواري والفهـود=الطنايـا ماعليهـم مـن مـزيـد
قاطبينٍ حول مـن يوفـي العهـود=مـن يخافـه كـل جبـارٍ عنيـد
إحـذر العربـان هـو وادي زرود=للرها للشـام لأمصـار الصعيـد
باس مرهوب الشبا ماض الحـدود=حيثـه المقـرون بالحـظ السعيـد
كم غزى قومٍ وهم اهـل الجـرود=مايـردوّن السنـد لأهـل السنيـد
وإرتماهم في بحـورٍ مـن جنـود=حشوهـا منهـم صناديـدٍ وِصيـد
يوم قالو ماعـن لقاهـم صـدود=أودعهم عندهـا الحـب الحصيـد
يحلـف الـحـلاّف بالله الــودود=غب كونه مانجـى منهـم شريـد
وصـدّر الرايـات حمـرٍ والبنـود=من دماء ماصانهـم كثـر العبيـد
يستهّـل بعـارضٍ مالـه حـدود=ممطرٍ بالموت يـرذي مـن بعيـد
تشتعـل نيـران حربـه بالوقـود=كالحشر تاتيك فـي يـومٍ الوعيـد
مالها غير البنـادق مـن رعـود=أو بروقٍ غيـر منصـاف الحديـد
ذا فعل سم العـدا غيـظ الحسـود=يشهـد الله والإلـه اكبـر شهيـد
ماذكـر شـرواه مغـوارٍ يسـود=نافـلٍ بالصيـت والذكـر الحميـد
شـاد مجـده مايشيـده بالوجـود=من يحّلـه للعـلا قصـرٍ مشيـد
مستحيـل ان ذاك مايحظـاه كـود=واحـدٍ مثلـه ومثلـه هـو فقيـد
دون عب الشمري حـرب الرقـود=وإرتكى بالصعب مـن دهـرٍ نكيـد
والعطى بالمال مـن كنـز النقـود=والسخى بالجذ مـن حبـل الوريـد
ولو منـال العـز سهـلٍ مايكـود=شفته من الناس في سـود البليـد
وإستوى فيه الماسود هو والأسود=مير حاشا مايصيـر العبـد سيـد
حـق يامبـدي النفايـل بالشهـود=كل جـريٍ عنـد جريـك مايزيـد
ياعريـب الخـال يازاكـي الجـود=ياحليف العـز والـراي السديـد
اشتكي لك مـن تباريـح النكـود=والخطوب اللـي تشيّـب بالوليـد
هن دعنّي عنـك ثـاوي بالقعـود=وإحرمنّـي لا أوافــي بالنشـيـد
لو عزانن عوقهن وأسـر القيـود=ما نحنّي عـن نـدى عليـاك بيـد
كان قدت النفس لـك قـودٍ يعـود=واعتريك بحـال جـودك كالبريـد
من على كالنوق مبـروم العضـود=صيعـريٍ مايمّـل مـن الفـديـد
مير هذا اللي جرى لـي بالـودود=والتمـانـي لاتثـيـب ولا تفـيـد
والسلام وأخص به نفسك وأجـود=عقب هذا عـم بـه كـل آل رشيد
ثم صل الله علـى خيـر الوجـود=مالعى ورقٍ علـى روس الجريـد​

المصدر : ديوان الشاعر المرحوم / عبدالله الفرج ​

شاعرنا الكبير مقاماً القدير سطم بن فهد الخليل
خالي ابو فهد
تسلم يمينك على نقلها لنا لاعدمناك
رحم الله الشاعر الكويتي ( عبد الله الفرج ) وجميع أموت المسلمين أمين
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

نقل رائع تشكر عليه استاذي الشاعر الفاضل سطم فهد الخليل
تقديري لحضرة جنابك

رحم الله الشاعر الكبير عبد الله الفرج
ابو فهد تسلم يمناك يالنشمي
ودي لك يسبق ردي