حايل العز والنخوه ولمع السيوف

كبتن الطائره در بي شوي ابي اشوف=ديرتي من قريّب طير حدر الغمام
رح لجال النفود وعود لخشم ( نُوف )=بين ( سلمى ) و ( اجا )در فوق ذيك الحزام
انت خلك على المقود ودعها تطوف=وكان ما ودك تشاهد توسّد ونام
شغل ( البايلوت اوتو )وثنّ الكفوف=طائره صنع ( يو اس اي ) تطيع الكلام
ابي امتّع نظر عيني ويستر جوف=وابي اوزّع على ضلعان حايل سلام
وابي ما تلحق(ن) لاغبت عنها حسوف=وابي ابرّد لواهيب الهوى والغرام
وش يضرّك ليا منك عملت معروف !=تلبية رغبة متيّم بها مستهام
اكسب اجر الذي جارت عليه الظروف=غربته لحظة(ن) ياخوك بالفين عام
بسرة القلب حايل نبض كل الحروف=اشهد ان الذي ولّع بها ما يلام
به على كل ديره ضمّه الكون نوف=من يلوم الذي في دانة الحسن هام
حايل العز والنخوه ولمع السيوف=حايل اغلى بلاد الكون شرق(ن) وشام
من زبن في حماها ما يلازمه خوف=حايل المرجله والطيب من عهد سام
لو تحاول توصّفها تعجز الوصوف=نايفه دايمن با الوصف مثل السنام

بسرة القلب حايـل نبـض كـل الحـروف
اشهـد ان الـذي ولّـع بهـا مـا يــلام

شاعرنا الكبير مقاماً الشاعر احمد الجريفاني
لام الله من لامك يابو الفراس
وطني ياوطني
صح السانك مدد بلا عدد
خالص التحايا لسمو شخصك النبيل

حـــايـــل الـــعـــز والــنــخــوه ولـــمـــع الــســيــوف
حـايـل اغـلـى بــلاد الـكــون شـــرق(ن) وشـــام

الغالي شامخ فوق هام الساحب الله يسعد الأبو الي خلفك يالجريفاني
انا وصفت الطيب مثل صندوق العطر لاتشم فيه غيرعبير العطورات الزاكيه
والعفن حشاك وحش النشاما
مثل درام الزباله تكرم ويكرمون النشاماويش تأجد بها

كل الرجال يتــــــــــــشابهو بالازايل// والفرق واضح كالنها وضلاما
رجل الوفا صندوق عنبر مع اليهل // ورحلاَ درام ويكرمون النشاما

صح لسانك مليييييييييييار ينطح ترليونننننننننننننات
شاعر عملاق في عالم الشعر ولابداع اللله لايضرك
سموتقديري لعقلك النير ياعبقري
ترى عاد لازم اجمش بالكتابه ههههههههههههههههه

صح كلك يابعد حيي احمد الجريفاني
ماشاء الله عليك الله لايضرك يسلم قلبك

ياسلام ياسلام

الحايلي العظيم ابو فراس

لقد ابدعت وربي بهذه الياقوته الفاخره
ولاغرابه فأنت منبع عذب وعاشق متيم
صح قلبك وسلم راسك وعسى عمرك طويل

دمت بعز وغلا

إبوفراس،، دام تألقك، الوفاء طبعك وحايل تستاهل كل ماقيل فيها، أبيات جميلة كجمال عروس الشمال، هناك توارد خواطر بين هذه القصيدة وقصيدتي( اهداء إلى مدينتي حايل ) لك تقديري.
أخوك/ مفوز التبيناوي.

كبتن الطائره در بي شـوي ابـي اشـوف
ديرتـي مـن قريّـب طيـر حـدر الغمـام
رح لجال النفود وعـود لخشـم ( نُـوف )
بين ( سلمى ) و ( اجا )در فوق ذيك الحزام

الجريفاني
استدار راسي يابعد حيي ماهو من الطيارة الا من قصيدتك باذخة الجمال لله درك ودر عروبتك يااصيل
صح السانك ملاييين لالا مليارات لالالا تيرليونات يابعد حيي

به على كـل ديـره ضمّـه الكـون نـوف
من يلوم الـذي فـي دانـة الحسـن هـام
حايـل العـز والنخـوه ولمـع السيـوف
حايل اغلى بلاد الكـون شـرق(ن) وشـام
من زبن في حماهـا مـا يلازمـه خـوف
حايل المرجله والطيـب مـن عهـد سـام
لـو تحـاول توصّفهـا تعجـز الوصـوف
نايفه دايمـن بـا الوصـف مثـل السنـام


الله الله

ابو فراس

قصيدة تفوق الوصف ياغالي

لك كل الود

صح الله فكرك يالجريفاني

واسعد الله ايامك

يابعد حي هالخشم ابرد كبدك يابو فراس ماورا ماتغربت ربي يعوضك ويسعدك

رمز من رموز الأوفياء لحايل تسلم وتبقى شامخ بشموخ الرعيله واساهيم سلمى

بس ياحيي ازعج لنا رضيماة بالدي اتش ال ..نتحلواهن