10-07-2012 | #1 |
عــــميد الشــــعراء
|
ابيات من الارشيف القديم
بسم الله الرحمن الرحيم
هذه قصيده للاخ فريج بن عبدالله التريباني ابو فيصل ((يقول ابوفيصل)) في 20\10\1431هـ
ودي بحائل مار مافي يدي شي = الجيب فاضـــي والزمالة رديّه وخرميط مايطلع بعيدٍعن الحي = واسم السفربالحيل صـعبٍ عليّه ولادار نسكنها الى جيت في طي =ولاني لحالي يتبعن لـــي سريّه للمعلوميه خرميط موتره سبرمان خربان يطفي عن كل اشاره ( وهذا مردي عليه)
يفريج قافك حرّك الهاجس الحـــــي = بانت هجوسٍ مسمــلاتٍ خفيّه ((مع تحيات الشيبان)) ((فريج التريباني )) ((و مشعل التريباني))اشوف صدري ضاق واقول وشفي = ودي بشــــــيٍ مــــاتطــوله يديّه شمّة هواء حائل وشوفة جبل طــــــي = اغلاعلـــي من شوفة الفيصليّه لو مانذوق الابها بارد المــــــــــــي = ياحلو مسكانه وطــــــرقوع ميّه عيني بصيره مار مال الدهربــــــي = واللي تريد النفس صعبٍ شويّه ياصرت ماتقدرعلى شــــــــي ياخي=الصـــــــبريامشكاي ما فيه زيّه الصبرمفتاح الفرج يابعدحـــــــــــي = الله وعـــد باالصبرصحبة نبيه واكثر هلا الاموال ماكـــــــــولهم ني= لاتغبط اللــــــي ياكلون الرديه مسكانهم با الاخره ياولد ســـــــــــي = لازم يحاسب كل راعـي مطيه ماكل مالن فيه بستان واحـــــلـــــي = بعضه وبال وعلــــــتن باطنيه |
|
10-07-2012 | #2 |
|
رد: ابيات من الارشيف القديم
هالله هالله
ياســــــــــــــــلام يالتريباني كلام كاسبائك الذهب القديم الفرق واضح بين مطلق وعباس ,,,,,,,,,,, كاسين ذا يملا وذاك النصيفه فرق الثريا عن الثرا مابين الماضي والحاضر عمله نادره يازين الاسناد والازين الرد سجلوا اعجابي للشيبان عسى الله يعطيهم الصحه والعافيه والله لايغربلهم ويوفقهم ويستر عليهم تقبلوا فائق واجمل امنياتي ومودتي ابو فهد |
|
10-07-2012 | #3 |
|
رد: ابيات من الارشيف القديم
لله درك يا عميد الشعراء
ابيات من ذهب من فكر ذهب اسمح لي اخي الكبير ان اختار هذا البيت شمّة هواء حائل وشوفة جبل طــــــي = اغلا علـــي من شوفة الفيصليّه تقبل مروري وتحيتي لك |
اخوكم ابو محمد
|
10-07-2012 | #4 |
|
رد: ابيات من الارشيف القديم
عندما تكون الجبٌله في الانسان نقيه ونفسه صافيه وعلاقتها بالله وبالقدر قويه لايؤثر فيها مشقة الحياه
فيرى الحياة الدنيا على حقيقتها، وانها دار شقاء وفانيه ، وكل مافيها من زخرف الى زوال . والصبر والاحتساب ثوابه عظيم نسأل الله لكم التوفيق دنيا وآخره جزاله صادقه ونابعه من القلب ،، صح لسان ابو فيصل وصح لسانك على الرد الوافي |
تفاعلك مع الآخرين يجبرهم على التفاعل معك والعكس بالعكس |
10-07-2012 | #5 |
عــــميد الشــــعراء
|
رد: ابيات من الارشيف القديم
محمد بن سوعان
طلال الاحيوات عبدالعزيز البليهد شكرالكما جميعا على المرور والاطرى الله لايهينكما |
|
10-07-2012 | #6 |
|
رد: ابيات من الارشيف القديم
الله الله
يقول الشاعر المعروف حافظ ابراهيم رحمه الله: ان في القرآن آيـــة :::::::::: هي طب للقلـوب ان بعد العسر يسراً :::::::::: قال علام الغيوب صح لسانك ولسان صاحبك وحلاة الدنيا في مرارتها اعاننا الله واياكم وجميع المسلمين تدري شيخنا الفاضل رغم ماتحتويه القصيدتان من ألم ألا أنهما لاتخلوان من روح الفكاهة للشعر الواقعي حضووووووووووور |
|
10-07-2012 | #8 |
سبحانك اللهم وبحمدك
|
رد: ابيات من الارشيف القديم
الشاعر الرائع / مشعل التريباني أبو عبدالرحمن
صح لسانك مليارات يابعدي وصح لسان الشاعر / فريج عبدالله التريباني وبيض الله وجيهكم ابيات جميلة جداً نسأل الله أن يوفق الجميع لكل خير دنيا وآخرة وقديمك جديد يا أبو عبدالرحمن. دمت بخير يابعدي،،، |
|
10-07-2012 | #9 |
ابــــو فهد
|
رد: ابيات من الارشيف القديم
صح لسانك يابو عبد الرحمن وصح لسان ابو فيصل والتعليق في الأبيات التاليه يامشعل العسام كويتني كي= وحطيت فيني كيةٍ فوق كيي
وذكرتني في قول منصور سعديْ=الشاعر اللي له بيوتٍ قويه اللي يقول امر مرٍ وانا حي=امر مرٍ مر والنفس حيه ياجاني العاني وانا مامعي شي=ليته قبل ذلك تجيني المنيّه منصور ابن سعدي الرمالي الشمر
يقول امر مرٍ مر في دنيتلي= وامر مر مرني في حياتي ياجاني العاني وانا مامعي شي= ودي تجيني قبل باتي وفاتي |
|
10-07-2012 | #10 |
عــــميد الشــــعراء
|
رد: ابيات من الارشيف القديم
مطلق البخيتان
بهلول الزميلي ابو كادي سطم فهد الخليل شكرالكما جميعا على المرور الله لايهينكم وشكر خاص للاخ ابو فهد على الابيات الرائعه مجارات للقصيدتين شكرا جزيلا يابو فهد |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام