قصيدة القحطاني فى قبيلة شمر

قصيدة القحطاني في مدح قبيلة شمر


من يم نجدوشرق مكه وطيبه__
لين الديار اللي جنوب القريات.

جيت بخفوقي شوق ماينحكي به__
اكبر من حروف الشعر والكتابات.

شوق(ن) ماهوشوق الحبيب لحبيبه__
شوق (الطنايا للكرم والجمالات).

ولو قالوا ان الدار ماهي قريبه__
بقول : يعني ماتهون المسافات.

ماهم بربعي بالليالي الصعيبه__
أجل وربي ماحسبت المشقات.

(شمر) ليا صك الصليب بصليبه__
أهجد ياجن وأنس لاهل الطويلات.

يرضخ لهم هاالطيب حشمه وهيبه__
ويرفع لهم بالعز بيرق ورايات.

ومن مرهم طرقي بياخذ ضريبه__
فنجال(اشدا من خضاب الخوندات).

والموقدة تشهد براس الرقيبه__
ومن طيبهم ما ينزلون الطمانات.

وهذا القلم من كثر مااسمع نحيبه
قمت احبسه بيدي واهديه بسكات

وكن القلم من طنيته قال جيبه
ينقش على وجهي بشمر حكايات

(والشمري) من طيب راسه وطيبه__
به ميزة(ن) عدة حدود المروات.

لاثارت الفزعات ، لاتنتخي به__!
لانه يثور من(الطنا) دون فزعات.

الله خلقهم للمصيبه مصيبه__
وللنار نار٠٠ وللمعالي ريادات.

وللموت موت ٠٠وللهيبه لهيبه__
وللطيب طيب٠٠وللمراجل سيادات.

شمر وذيب الغيم تسمع قنيبه
شمر ويمطر من طناهم شرارات

شمر تعنز لك جبال مهيبه
شمر وتصهل خسل شعرك بطولات

يعني اليا من صرت بأرض مريبه
قل (شمري) تصبح جبالٍ منيفات

لكن : بهم حاجه ، ولاهي غريبه__
يمكن يخون بها الشعر والعبارات.

اليا بطشوا: خلوا المضارب عطيبه__
واليا عطوا: ما مدوا الا الجزيلات.

ما ارفع مكانتهم بشعر(ن) اجيبه__
هم يرفعون حروف شعري مقامات.

واخر ما اقول بالشعر وانتهي به__
بحطها بقوسين واربع علامات !!!!.

(الشمري ! عيبه ! وعيبه ! وعيبه !
اليا ارتكي للحمل شال الثقيلات )

الشاعر : محمد أبن ساقان القحطاني

ســـلـــطــ أمـ ـــان


صح لسانك ولسان الشاعر ......

ماأروع مانقلتي ...... أشكركِ جداً على روعتكِ

فأنتِ تُدهشيني دوماً..


دام تألقكِ ومن تميز الى روعه ...


‘‘‘‘إإإإحترامي‘‘‘‘

اسعدني مروركـ,, كالعاده تميزا دوما

بروعه حضورك .. تحيتي لسموك

تحية خااااصة لكِ أختي أم سلطان...
وصح لسانك ولساان شاعرها....،
وصح بنانك على النقل الجذاااب والإنتقاء الأفضل من ممتاز..،
أهنئك بذوقك الرفيع....

ام سلطان


يعطيك العافيه على نقلكـ هذه القصيدهـ




تقـبـلي مروري ....

أم سلطان


صح السانك والسان الشاعر


نقله رائعه تسلم يمينك ..