15-08-2006
|
#1 | |
|
ديرة دمشق
الصبح قبل الشمس تطلع بلحظات=قبل يفج النور قبل الشروقي
بآخر رحيل الليل بفراق عتمات=بأقبال نور ٍ في شعاعه يفوقي سارت بي الخطوه على طول بسكات=و كتمت سري في حنايا خفوقي مابيه يدري في بعيد المسافات=هراج سو ٍ للمشاكل يشوقي خذتبي الخطوه مع الخط سجات=سجه و سجه سجة ٍ به فروقي سجه بها وادعت دار القرابات=دار القرابه و من يجوني بعروقي أربع طعش سته بدار البطولات=و خمسة عشر سته بدار البروقي دار المعزه و الطرب و الملذات=دار الحيا دار الحيا و الحقوقي ديرة دمشق اللي عليها سجالات=ديرة دمشق اللي بها كل ذوقي جيته مع اللي في نهار المهمات=اللي يعز بخوته ما يعوقي أبو شهد عز الخوي فيه فزعات=عز الرفيق و عز منهو محروقي جيته بعد ممشى مع الخط ساعات=وصلتها قبل العصر لايفوقي في وسط برزه ما حصلي معاناة=سكنتها ووالله ما بات موقي ما بتت ليلي رايق ٍ فيه دبكات=في نادي الساهر سمعنا الدقوقي و تاج الملك جيته بعد خمس فرات=جوه عذاب ٍ للهواوي يلوقي و جيت العلالي بالليالي الأخيرات=جيته و جوه للعلو الشعوقي فيه السعاده و الطرب و الملذات=و فيه البنات مهيضات الخفوقي و فيه البنات اللي هواهن بليرات=لامن عطيته صرت أغلى معشوقي بنت ٍ لها بالفن لعبه و نظرات=لعبه لها بالفن لعبه سروقي تجلس بجنبك و السبب زود رشات=في كل رشه نسبة ٍ له تذوقي بس الحقيقه جلسته تكتب أبيات=أجمل حروف الشعر و أحلى الطروقي نظراتها سهم ٍ يصيبك بطعنات=سهم ٍ من الموت الحمر للحلوقي نظرة رشا فيها من الموت مزات=و شمس ٍ غنجها يذبح اللي بعروقي شمس ٍ و شمس و شمس حتى التنهات=محلا كلامه و الحروف بنطوقي يا لعنبوها في عيونه حكايات=يا لعنيوها كيف شكله مخلوقي هرجه و رب البيت فيه المسرات=( أفيك ) أنا منها دماري محقوقي ( أفيك ) أنا بدي ألف قلت هيهات=قالت بصدري قلت لونه يسوقي قالت تحطه قلت يا للمعاناة=مقدر زعلها بس نفسي لفوقي نفسي عزيزه ما أذله بلحظات=الله خلقها بالمعزه غروقي فتنه و أنا فيها كتبت العبارات=فتنه عساها ما تصيب مخلوقي الله أكبر كيف فيها مجالات=كوكب لحاله يا عذابي و شوقي يا بو شهد يا عزوتي فيك هقوات=يا عزوتي فيك الهقاوي تلوقي يا عزوتي جيتك من الضيق بأبيات=جيتك من الهم الذي صار فوقي كيف الوسيله و الوسايل صعيبات=ظروف حالي يا عضيدي تفوقي لا لا تخلي نازح البعد بشتات=لا لا تخلي من تولع يضوقي هذي معاناتي بها ضيق و آهات=شكيتها لك حلها لا تعوقي |
|
|
|
15-08-2006
|
#2 | ||||||||||||||||||||||||
|
زاهي حمود
كم قبضت منهم على هذه الابيات:b000: قصدي الدعايه اللي سويت لهم :6: وهذا الاغراء للربع لاتستأثم بهم مع الخطوط رايحين جايين صح لسانك لاهنت تقبل تحياتي |
||||||||||||||||||||||||
|
|
|
16-08-2006
|
#4 | |
|
صح لسانك اخوي زاهي حمود ولاهنت
اطيب التحايا |
|
مجتمع يرفض الطب ! و يسيء الظن في الطبيبات !! وحين تلد النساء ، يبحث عن " طبيبه " !! مجتمع متناقض  !
|
|
17-08-2006
|
#6 | |
|
الإدارة
|
ذكرتن لكابرس >>> ابو مقرن >>> وابو مشاري
الله يذكرهم بالخير هم والحاضرين ، يقول شايلن السيت الخلفي ومودعوه مجلس مراتسي شي يما ياصلون القمشلي ههههههه ابو حمود صح لساااااااااااانك الف |
|
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
