قـرض الابـادات !!

طاب صباحكم / مساءكم
بكل خير وصحه وعافيه


قرض الابادات

الصمت سجن الصوت و القيد بلسان = رسالة ٍ ما يفهمه غير مرزوق
تنقل كلام ٍ ما يسولف للأعيان =خشية قليل العرف يودع له بنوق
وانا على شعري كما ضلع رمان = مايقبل الدمعه على طينة الموق
اقنص سمين الهرج ماني إبحلان =واستر جناب المفرده عن هل العوق
تبهر عريف الشعر ويصير بلشان =ويبحل عميد الشعر من فكة الطوق
الا على اللي مثل شرواك لا بان =يدرك حلوم الشعر من بعد ما يفوق
الشعر يا مرزوق ماهو ولد جان =وعبقر يشابه كذبة ابريل بالسوق
و العلم يا برزان يشبه لبرزان =لكن حلاة العلم تاتيه من فوق
يذكر على المرقاب بالقول عقبان = والذيب عدّي به مع الطير برفوق
وآمد شوفي للمراقيب شفقان = وترجع لي النظره ولا شفت مخلوق
دسمان ما دسّم شواربه دسمان =طيب الاسامي ما تطيّب له اوفوق
( النِّقْ ) لو تجمع على ( النِّقْ ) نيشان = إلا سميّ مشيّد البيت مفهوق
هتلر ضريبة وقت في قصر الالمان= والبنك من قرض الابادات مزنوق
مال الربا للسحت في كل الاديان = مصير مايجنى ولو زاد مسحوق
اصبح خطا الدستور للوقت برهان =وجه الحقيقه بالزمن صار مسروق
عكس الموشّر لا تسكّع بليهان =في نجد والدانه تصوّر له النوق
هذيك بنت فلان وأمه على فلان =وهذيك مشريّه بمليون مدقوق
مالوم جاشه لو تغنّى بالاوطان = وانا صدى صوتي بالاوطان مخنوق
نجمة رقيبه بالسما ضوّها زان = من عقب ماهي بالوطا تقل غرنوق
و اليوم طير الحلم غرّد بالاغصان= حظي بري ماعاد هي بيننا حقوق
شفنا و لا خفنا طورايف سنمان =مير البلاء بأمه اليا شافت بروق
واحيان ماتفهم على كل الأحيان= احيان ما هو كل مطرود ملحوق
مادمت انا المرسل و صدري رويضان =لي الشرف لاصار بالعجز مرزوق

ودمتم بكل ود

اخوكم : رويضان الشمري




.

بشاعرنا الكبير والقدير رويضان
الأيادي يالعزوة
صح السانك مدد بلا عدد
:bar :
خالص التحايا لسمو شخصك النبيل

الشاعر العزيز رويضان الشمري
صح السان حتى ترضى

تحياتي لك

صح لسانك شاعرنا القدير تحياتي واحترامي

رويضان الشمري

صح الله لسانك وسلم فكرك على هالقصيدة الرائعة والمليئة بالجزالة والرمزية والإبداع بارك الله فيك.


تقبل فائق وصادق تحياتي وتقديري العالي :ha :


:alm :

الله الله

هلا والف غلا عوداً حميداً يافارس الحرف وعنفوانه
صح لسانك وطاب فالك والله يالذيب جزل مبدع ومتمكن
نص فاخر وزاخر بالابادات والفلسفه النخبويه التخصصيه

رويضان الشمري

دمت كما تحب

رويضان الشمري
صح لسانك ملايين إبداع رائع جداً لاهنت يابعدي
تقبل فائق التحايا والتقدير،،،
:bnm ::bnm :

تسلم هالايادي والله يارويضان

قمه بالروعه والمعاني القيمه صح السانك

صصصصصصصصصصحححححححححححح
لسسسسسسسسسسسسسناك
مممممممممليوووووووووووووووووون
ابدعت واجد وكفيت وفيت لاهنت
ولا هان بوحك الراقي
تقبل مروري
لك تقديري
حفظك الله

اصبح خطا الدستور للوقـت برهـان
وجه الحقيقه بالزمن صـار مسـروق
عكـس الموشّـر لا تسكّـع بليهـان
في نجد والدانه تصـوّر لـه النـوق
هذيك بنت فلان وأمـه علـى فـلان
وهذيـك مشريّـه بمليـون مدقـوق
مالوم جاشـه لـو تغنّـى بالاوطـان
وانا صدى صوتي بالاوطان مخنـوق
نجمـة رقيبـه بالسمـا ضوّهـا زان
من عقب ماهي بالوطا تقـل غرنـوق



خطير
الله الله الله

رويضان اشبعتني شعر لله درك من شاعر

صح الله لسااانك مدى الحياااة والف نعم فيك وفي مرزوق الاسلمي

دمت بووووووووووووووووود