ديوان الشاعر / سليمان بن جبيل

	شفت لي قمريةً ماهي بقمرية حماده=طيرتها العالم اللي ماتخاف الله فيها جابها المقسوم من دار الوناسه للقراده=ناس ترميها وتنتفها لناسً تشتريها اكثر المخلوق ماينزل صباعه عن زناده=ماعليه خلاف يرمي والضريبه ماعليها الركاده تحفظ الرجال يازين الركاده=تحفظ الرجال قبل يقول كلمه مايبيها العجم تبغى القياده والعرب تبغى القياده=والقضيه ودها رجال عاقل يحتويها مايجوز البيع والتمثيل في دور العباده=والرديه ماتوخر كل طيب لانسيها ياسليمان الجبيل الله يذكرك الشهاده=السفينه فاالبحر والموج اشوفه مقتفيها الشاعر العلم/ حسن عبيد السرحاني** ================================== الرد مرحبا ياعلم راسً ضامناً صحة وكاده=حكمة الراس الفطين وواضحه للي يبيها من حسن والمدح في مثله إلى اسرجنا جواده=والله ان تبطي بنات الخيل ماشرهت عليها شاعراً ما جا يدور للتمجد والاشاده=حاز طيب ووقفةً يحسب لها من يحتريها ياوسيع العرف وش دل الرضيع إلى مهاده=اول دروس الحياه وحكمةً لله فيها كل مخلوقن كفل له خالقه شربه وزاده=من بقت له باالحياه شواه وده يشتويها والقماري عارفه غابات عشاق الإباده=والمهبل ماتخلي ريشها يضفي عليها والرماه اللي على بالك بنادقها جداده=مثل قولك ماعليها والضريبه ماعليها والوفا باالناس عاده والردا باالناس عاده=والجنازه كفنت لكنّ ماصلي عليها والبنادم يحتقر فكره حجم عين الجراده=والجراده صورة المحصول داخل حاجبيها والهنوف اللي تقيس العشق بقلوب السياده=العنوسه بينت بااهدابها والكحل فيها خانها راع الشداد اللي مجلى عن شداده=والجميله تلفض انفاس الرجا من يحتميها من يقول، ان اختلاف الراي ماسبب فساده=والله انه هو سبب قتل العيال لوالديها الامور احيان ناتجها يجي عكس الاراده=خوذ كلمة شاعراً لاقال كلمه يحتميها يا حسن تبغا المفيد اللي قبل قفل الافاده=كلمةً بختم بها الموضوع واوقع عليها مايلبّس بنت عدنان السواره والقلاده=كود،، علماً تبطي الشيبان ترويه لذويها والقياده مالها الا الفيصلي راع القياده=والبيارق راية التوحيد لا يعلى عليها من لايعرف مغازي الشاعر حسن السرحاني يعتقد انه سهلاً وهو كاالسحابه تراها كالضباب خفيفه وهي تحمل مايروي الارض غيثاً ويهلك الشعوب غضباً ولذلك اطلت الرد اكتفائاً لجبروته الشعري الشاعر/سليمان الجبيل البلوي تقديري ومحبتي للجميع