00000تعززوا للعود وان هزه الشوق00000

تعززوا للعود وان هزه الشوق

الله من شي ٍلقيناه بالسوق=بدولة قطر ياليت ماجيت سوقه
غروٍ بصدري حط له قطعة فتوق=والقلب قطّع في يدينه عروقه
يمشي وهو ثوبه على الساق مشقوق=وياليت في ثوبه كثيرٍ شقوقه
وثوبه على جسمه وسيعٍ وبه ضوق=وتحت الحزام شوي, يبين ضوقه
إن قلت زملوقٍ فهو شكل زملوق= وان قلت لا. شمسٍ بدت في شروقه
بنظرة عيون بدون هرجٍ ومنطوق=كنه يقود القلب, وانا تقل اسوقه
ياهيه هاك القلب مهدا ومسيوق = وخذلك هدية, دونك الروح فوقه
سبحان ربي, يوم سواك مخلوق=وأعطاك شيءٍ, مابعد شيء فوقه
يعني عسل شهدٍ مصفّى ومغْلوق= ياحظ من يفتح غلقْه ويذوقه
وتعززوا للعود و ان هزه الشوق=يبي يطير ويربطنّه ا سبوقه
مضى ثلاث ايّام ماغمّض الموق=عيني لذيذ النوم عيت تذوقه

سطم فهد الخليل ابو فهد


يا النشامي
من اراد ان يرد , يجاري , يعلق ,يؤيد
المجال مسموح والصدر مفتوح

فضلاً اذهب للرد رقم (19) وشكرا

الله الله

وش هالتمهيفه ياأبو فهد والله ماتنلام القلب مايتوب

على قولة الوضيحي :

القلب عن طرد الهواء مايتوبي=لو تاب يلقـاء مـن يرده بعمياه

صح لسانك وطاب فالك والقلب مادامه ينبض مثل الطير دوم يرفرف

شاعر جزل وشعرك جزل سلم قلبك وسلمت على هالجميله لاهنت

ونا اقووووول ابوفهد دايم حجاجه وجهة الشرق !!!! اثاري عقب التعلله وقهوة الضحى مشاوير ...

لايمك عمى ...سلمت وسلم بوحك العذب

الله لايقطع هل العرف والذوق = اللي جمال الحسن دايم يشوقه
يابو فهد ماكل مطرود ملحوق = ولا دايمن تمطر لواعج بروقه

الشاعر / أبـو فـهـد
تسلم وصح لسانك ملايين يالغالي ابداع فوق الجمال لاهنت يامبدع.
تقبل خالص تحياتي،،،

يعطيك العافية على هالرائعة

ودي

القلب خضر يا ابو فهد :)

صح قلبك

ودمت مبدع

أخي/ ابوفهد،، صح لسانك، الظاهر انك انضميت لاهل القلوب الخضر(من الشيبان)،، أمثالـ... هم يعرفون أنفسهم! الله يعين عليكم، بديتوا تشكلون قوةٌ في فريق النشامى تصعب معارضتها. لك تقديري.
أخوك/ مفوز التبيناوي.

الشاعر القدير ابوفهد
صح لسانك
وسلم بنانك
وروحتك يم قطر هذي تبي له جلسه هههههه
واسمح لي بهالبيتين اما مجاراة شاعر بحجم ابو فهد صعبه

الله يعين القلب وان ماحصل ذوق=واطلق عنان القلب لا لاتعوقه
ودولة قطر عن غيرها تفرق فروق=وتو اتضح لي من جنابك فروقه
اعط الخفوق الحق لاتسلب حقوق=ترى خفوقك يبلشك في حقوقه

دمت كما تحب يالغالي

اقتباس المشاركة الأصلية كتبت بواسطة مفوز التبيناوي أخي/ ابوفهد،، صح لسانك، الظاهر انك انضميت لاهل القلوب الخضر(من الشيبان)،، أمثالـ... هم يعرفون أنفسهم! الله يعين عليكم، بديتوا تشكلون قوةٌ في فريق النشامى تصعب معارضتها. لك تقديري. أخوك/ مفوز التبيناوي.

اخو مفوز الغالي يعني ويش تقصد انا ومشعل ماحنا شيبان بعض الجماعه
والشاهد ابو فيد
ههههههههههههههههههههههههههههههههههههههههه
الله يسعدك يالعزوه

يمشي وهو ثوبه على الساق مشقوق
ويــالــيـــت فـــــــي ثــــوبــــه كــثـــيـــرٍ شــقـــوقـــه

الله عليك يابا فهد هههههههههههههههه
هالبيت يسو كل قصيدنا يالعزوه يكفون عليه هالشباب الي مثلي
صح الله قلبك وعقلك وفكرك كل ذوق وحلا واحلا من الحلا
لك كل الغلا والتقدير
ابي الضحك بهالبيتين يالعزوه

لو مامشا بالسوق والثوب مشقوق= مابه حلا ثوباً قليله شـقوقه
ناساً تخيط الثوب لاصار مفتــــوق= وناس الحلا ثيابه تكثر فتوقه

شاعرنا القدير سطم الفهد الخليل
ابو فهد
سلم بنانك وصح السانك ولام الله من لامك يالخال
خالص التحايا لسمو شخصك النبيل