الفصول الاربعه

19-05-2017

مدري ابتلاء المؤمنين بالصبر او كانت عقاب= بحلت في وضع الزمن ماينعرف صدق الكذوب
كبوه باسوء منقلب اعيش صحوتها عذاب= ليته سالني قبلها تتوب والا ما تتوب
رغم الهدايه والتقى كني عمل ماله ثواب=ضاعت حساني بسيئه طاهر ولو كلي ذنوب
بين الفصول الاربعه واقف ذهول وارتياب=يومي من ايام السنه ضايع ولاهو بمحسوب
الشمس اقفت بالقمر ساده سكون واكتئاب=لابه نهار ولا مسى ابطى على حد الغروب
زحمة ضجيج الاسئله بالصدر ماتلقا جواب= كل المشاعر مرهقه الى متى هذا الهروب
ابني شراع من الخيال وابحر على موج السراب= اراهن. اوهام الحياه. من فينا غالب ومغلوب
فيني الم كثر الندم تعبت غيبه واغتراب=فيني مسافر ماوصل. تايه على جال الدروب
وذكرى يراودها الجفا تئبا وينويها اغتصاب= لاهم فيها استنجدت تصبح بسمك يادئوب
عقب البطى جيتك خطى دلني وين الصواب= وين الصحيح ابي استريح الله يابي من عيوب
خذ مابقى جيتك لقى مطعون بكفوف الغياب=خذني اماني ضايعه بقلبن على البعد مغصوب
خذني رموز بلا حلول والا دعاء مايستجاب=عقده وفك حلولها. اما ذرى والا هبوب

شعر/محمد مرغل البلعاسي