!!!!!!!!!!!!!!!!!! سلطاااان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بسم الله الرحمن الرحيم
الاخوه و الاخوات في منتدانا الغالي . . . .
. . . السلام عليكم ورحمة الله وبركاته
اليوم جايبلكم قصيده للشاعر سلطان سليمان الكنهاب ، ، وهو شاعر يقول الشعر منذ عشرين عام تقريباً
لم ينشر له سوى القليل جداً من قصائده ، ، وهذه القصيده ألقاها على الأمير طلال الرشيد " رحمة الله عليه "
في مكتبه قبل وفاته بالرياض . . .

طـلال بن رشيد صـبـحـت بالخـيـر ** يامير يامسك الحروف و عطوره
من شفت وجهك شفت كل التباشير ** من ياصلك ياأمير تسهل أموره
ياسـيف يانـسل السـيوف البـواتـيـر ** سيوف المعالي والفخر والخطوره
أهل الزعامه كاسـرين الـطـوابـيـر ** رعب السباع الجايعات الجسوره
ضياغمٍ و ان صــار وردٍ وتصدير ** وردوا كما تارد نوادير صقوره
طيور السـعد ستر البني الغـنـاديـر ** تبقى بهم روس الطنايا فخوره
لياجت بهم من فوق صم الحوافيـر ** رقط الافاعي ماتغادر جحوره
لو ايحضر صـغيـرهـم لـه تـأثـيـر ** سبع الطوايف ترتهب من حضوره
الله خـلـقـهـــم للأمـو الـمـعـاسـيـر ** وقصرت شبار اللي طوال شبوره
أمـنـوريـن ٍ جـبـهـة الـعـز تنـويـر ** من أقصى حدود الشام لأقصى شروره
أمجاد صاغوها الأسود المغـاويـر ** في قلب تاريخ الشعوب محفوره
مهما حصل للكون هزه وتـغـيـيـر ** تبقى ليما أسرافيل ينفخ بصوره
فعل البشر موجود بس فعلهم غير ** فعلٍ يخلي إبليس يفقد شعوره
والله لا عـنـتــر ولا سـالـم الـزيـر ** ياصـــل نوادر فعلكم يخو نوره
هذي حـقـأيـق مـابـهـا كل تزويـر ** الحق يذكر والفعول مخبوره
المرجله تقطر على الناس تقطـير ** وأنتم شربتوا سيلها مع بحوره
غصبٍ خذيتوها ولا شرتو مشير ** والناس تلقط ماوقع من قشوره
شجرة صيارم ماوصل راسه الطير ** العز نبته والمهابه بذوره
مسوره في سور الأمجاد تسويـر ** يغوص في نهر العظايم جذوره
تمسح أساطيرٍ وتكتب أسـاطـيـر ** أسطورة ما صار مثله أسطوره
ومهما نعبر قاصـرات التـعـابـيـر ** الشعر ينضب والحروف معذوره
ويامير يانور الـبـروج الـمشاهير ** شهرة حكم ماهم مشاهير كوره
أنا زبـنـتـك يـازبـون الـمـنـاعـيـر ** والنفس من جور الزمان محشوره
يامير حـدتـنـي صـعـوب المقادير ** وقلبي خذا في عالم الهم دوره
لو هو حديد كسر الـصـدر تكسير ** ولو له سيورٍ كان صاحت سيوره
أنا دخيـلـك عن كـبـار الـمـعـاذير ** والعذر ماخلص لحي ضروره
لي حاجــــةٍ وقـفـت مالي تـدابـير ** في حلها يامير في كل صوره
لي به مرابيحٍ ولا بـــه مخـاسـيـر ** عليك ياللي صافح سهيل سوره
وعسـاك تـسـعـى دايـم بنية الخير ** وعسى ذنوبك بالحياة مغفوره



وأتمنى أن تكون القصيده قد حازت على إعجابكم



منقول من منتديات مجالس الويبار

تسلم تسلم ابن الضياغم

على جلبك لهذه الرائعه

لاهنت تحياتي لك

!!!!!!!!!!!!!!!!!! سلطاااان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
.................................................. .............
أنا من شفت العنوان وستفهامات قلت بس هذا ناويني بالقشر !! هههههه ( طبعاً امزح بس العنوان شدني حقيقه) weewush ckshdfc


ابن الضياغم


جزاك الله خير على نقل هذا القصيدة الرائعة بكل ماتحمله هذه الكلمة من معنى

جزلة وصح السان القائل وناقل

المرجله تقطر على الناس تقطـير ** وأنتم شربتوا سيلها مع بحوره
غصبٍ خذيتوها ولا شرتو مشير ** والناس تلقط ماوقع من قشوره
شجرة صيارم ماوصل راسه الطير ** العز نبته والمهابه بذوره
مسوره في سور الأمجاد تسويـر ** يغوص في نهر العظايم جذوره


الله الله ،، ياسلاااااااااام

ابيااااااااات ،، قوويه ورائعه ،، تدل على شاعرية فياضة


ياليت ،، فضلاً ليس امراً ماتبخل علينا مثل هالقصايد لاعدمنااااااك ،،

00000

ابن الضياغم

قصيده رااائعه

تسلم يمينك ..

يسلم هالذوووق يابن الضياغم



صح لسان شاعرها


و تسلم يمينم ع الاختيار الموفق

اشكرك يابن الضياغم على هذه القصيده الموجعه في ذكر ذالك الغايب الحاضر الاميرطلال العبدالعزيز السعود الرشيد
رحمة الله عليه وجعله مع الحورالعين في جنة النعيم.