حسمها راعي العوجا

حسمها راعي العـــوجــا

رائعه من روائع الشاعر القدير محمد المزعل العنزي اهــداء منه لمنتدى نشامى شمر
وابو عبد الرحمن من كبار الشعراء على الساحه وهو غـني عن التعريف ,,,,,,,,,,,,

على درب الوفا نمشي ونطلب ربنا التوفيق = يوفـق كل من يسعى يريد الخير لبلاده
تحت حكم الزعيم اللي ذرانا وقت نشف الريق = ملك حزم وملك عزم وملك قانون وسياده
رفيع الجاه لاناداه من مثلي بوقت الضيق = كريم الذات بالشدات له فزعات معتاده
عريب الساس معدن ماس فيه الباس شبه اطويق = رسخ بالارض طول وعرض ملاذ لكل مرتاده
ملك شامخ شموخ اجبال بالافعال له توثيق = توثقها امم عاشت تحت ظله وباسناده
سندها سيدي سلمان طوّق ضدها تطويق = بحزم وعزم متواصل بأفضل جيش واقياده
حسمها راعي العوجا بعد بحث وبعد تـدقيـق = وامشاور مجلس الشورى مع الاركان والقاده
وعبد ربه ولد هادي تبشر عقب ضغط وضيق = تبشر بالفرج وارسى عماد البيت واوتاده
فزع له راعي العوجا فزعة ملك مع التطبيق = وتياسير الولي جتله سديد الراي منقاده
ملكنا لاوعـد يافي ووعـده عاجل التحقيق = يطبق كل مايامـر مـع التنفـيذ وزياده
ملك يملك ولا شعبه حـمى شـعـبـه من التفريق = جـعـلهــم اسـرةٍ وحـده بمجهوده وبامداده
ولاننسى ولـي الـعـهـد غــرّق شانئه تغريق = بـذل جـهـده ومـجهوده لعـز الشعب واسعاده
نذر نفسه لاجل داره ومشواره ابد ماعيق = بفضل الله وتوفيقه تحقق غـايـة امراده
شبل سلمان نعم انسان واكب ثورة التسويق = بصولاته وجولاته صعيب الدرب ماكاده
تبنى نهضة ابلاده بمنهج يوسف الصديق = وعمّرها وطورها وخيّب ظن حساده
ولاننسى الوزير اللي اشادتنا عليه اتليق = مثل جده دحر ضده بحكمة فن وارياده
حفظ امن البلد كله جنوب وغربه وتشريق = عسى الله يحفظه ربي من اهل الشر وانكاده
سليل المجد حامي نجد من التمييز والتمزيق = حفظها حفظه لعينه نهج منهاج اجداده
وختم القول صلى الله على من رافق الصدّيق = على طيبه ومن طيبه تمكن واعلن اجهاده
نشر دينه بشرع الله وارسى الدين بالتصديق = فتح مكه وحصنها وسامح واعتق اضداده

الشاعر/ محمد مزعل العنزي

شاعرنا القدير محمد سوعان الربيع
ابو فهد
صح السانك , ولسان الشاعر/ محمد مزعل العنزي مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح بوح الشاعر ومنطوقه

الشاعر محمد بن سوعان الربيع
صح لسانك ولسان شاعرها الف

‘‘‘‘إإإإحترامي‘‘‘‘

الشاعر محمد سوعان الربيع
صح السانك ولسان الشاعر/ محمد مزعل العنزي
تقديري لحضرة جنابك

صح السان الشاعر/ محمد مزعل العنزي الف
تسلم يمينك عمي ابن سوعان

المشرف العام


هلا والله ومسهلا بالمديـــــر
اشكرك على حسن المتابعه وطيب الاطراء
وجمال التصميم وما عليك زود يابو غازي
وشاعرنا الاخ محمد المزعل ابو عبد الرحمن يستاهل
وانه ثروه الى المنتدى .....
تقبل خالص مودتي وتقديري ,,,,,,,, لاهنت استاذي .

ســـــــــــراب الكحيله


هلا والله ومسهلا بالكحيله
اشكرك على حسن المتابعه وطيب الاطراء
تقبلي خالص مودتي وتقديري ,,,,,,,, لاهنتي .

راعي الكتلى


هلا والله ومسهلا بالاخ والصديق راعي الكتلى
اشكرك على حسن المتابعه وطيب الاطراء
وما عليك زود يالغالي
تقبل خالص مودتي وتقديري ,,,,,,,, لاهنت .

مفصل شماغ

هلا والله ومسهلا هلابك نورت
اشكرك على حسن المتابعه وطيب الاطراء
وما عليك زود يالغالي
تقبل خالص مودتي وتقديري ,,,,,,,, لاهنت .