ديوان الشاعر / نجم الشعر

اذكريني / بقلمي

	اذكريني حب يحكيه الغرام=احتويني لملميني من شتات اذكريني عشق يحكيه انسجام=احتويني يابعد كل البنات اذكريني شوق ماهو بالكلام=احتويني ياغلاء قبل الفوات اذكريني دلع مع زود ابتسام=احتويني ياحسينة الصفات اذكريني ياحياتي يامرام=احتويني من كل الاتجاهات اذكريني بالزياره والسلام=احتويني وخلي حضنك لي مبات اذكريني في جلوسك والقيام=احتويني وحققي لي امنيات اذكريني باليقضه والا المنام =احتويني قرب ماهي مسافات اذكريني بالليالي والايام=احتويني يامنى قبل الممات

نايف الشويب السليمي

قالت تحب / بقلمي

	قالت تحب وقلت اي والله احب=توي شباب وفيك بالحيل مغروم قالت تمام وقلت خطفتي القلب=بعيونك اللي كنها ارماح واسهوم قالت صحيح وقلت ماطبعي الكذب=الصدق عندي داخل القلب مرسوم قالت طلبتك قلت ياحي مطلب=تدللي مطلبك انا فيه ملزوم قالت اقرب وقلت اي والله اقرب=تفضلي وعطيني علوم وعلوم قالت اجلس والشاي انا وانت نشرب=ساعة زمان وبعدها شوي ونقوم قالت موافق قلت شوفي لي الدرب=دامك سألتيني انا ضيفك اليوم بس الرجاء يابنت لايصير مقلب=ترى عندي يابنت عادات واسلوم

نايف الشويب السليمي

جتني رسايلهن / بقلمي

	قالوا كبرت وقلت ياناس توي=العز ساسي والطنخ في سموي والشعر نبضي والهوى كل جوي=شعر الغزل والحب يحكيني احساس البيض لاسمعن قصيدي وشعري=غنن على الاوتار معناي حصري الكل منهن تنثر الورد نثري=والكل منهن قالت الفكر منحاس جتني رسايلهن على الواتس والخاص=وانا شربت اردودهن حب بقلاص وقلبي كنه في ساعة اليد رقَّاص=اثر الهوى والحب قتَّال ياناس ياناس ياللي بالهوى تعذلوني=ياليتكم عن عذلكم تتركوني حلفت مانسى ساحرات العيوني=احبهن والحب للقلب نوماس لاشفت بنت تدعج الكحل بالعين=راحت علومي كلها يسار ويمين اتيه ومادري ياعرب جيت من وين=ودقت نواقيس الخطر كل الاجراس اذوب لاقالن هلا يالسليمي=يالشاعر الموهوب ياذا الفهيمي عظيم وحبك يابو فهد عظيمي =انت الذي بالذات للحب واختامها يالبيض مع السلامه=اعداد مارش المطر من غمامه واكيد نايف شدكم في كلامه=وسلام للجميع ماهب نسناس

نايف الشويب السليمي

قالت وش فيك / بقلمي

	قالت وش فيك وقلت يابنت مدري=بس الوكاد انك سبايب اجروحي قالت عشقت وقلت يابنت مدري=بس الوكاد انك مزامير بوحي قالت تنوح وقلت يابنت مدري=بس الوكاد انك تناهيد نوحي قالت كبرت وقلت يابنت مدري=بس الوكاد انك مفاهيم شوحي قالت مزحت وقلت يابنت مدري=بس الوكاد انك فهمتي امزوحي قالت نجحت وقلت يابنت مدري=بس الوكاد انك شهادة نجوحي قالت ربحت وقلت يابنت مدري=بس الوكاد انك وثايق اربوحي قالت كسبت وقلت يابنت مدري=بس الوكاد انك ركايز اطموحي قالت اشرح لي قلت يابنت مدري=بس الوكاد انك شريحة اشروحي قالت تشم وقلت يابنت مدري=بس الوكاد اشمك عطرٍ يفوحي قالت اسمح لي قلت يابنت مدري=بس الوكاد اني لشخصك سموحي قالت تمام وقلت يابنت مدري=بس الوكاد انك حياتي وروحي

نايف الشويب السليمي

خذني معك / بقلمي

	اي والله اني لاتكلمت صادق=الحب يحكيني وصدق المشاعر اعوذ بالرحمن ماني منافق=كل الذي في داخل القلب ظاهر الا الاسرار وعالم السر خالق=للعبد اسرار ورب الارباب ساتر اسمي على اسم النايفات الشواهق=انا الوضوح وفيني الحب عامر الناس تعرفني بكل المناطق=املك جزيل القاف واحساس شاعر وشعر الغزل لاشك للفكر ساحق=سيطر علي الحب والقلب طاهر الحب مثل الباب والقلب طارق=احب بنتٍ في حلاها تفاخر في خدها كن أصدق البرق بارق=والشعر من فوق المناكب تناثر الزين فيها ياهل الحب خارق=لاشفتها كنك تشوف الجواهر زين الطبيعه ماتحط السواحق =تجذب شقي القلب حاضر بحاضر وصفتها والبيض فيهن فوارق=الزين زينٍ والمناظر مناظر وصدقت ياللي لكلمة الحق ناطق=الزين مع شمر وحمر النواظر وبعض الحروب بغبة الزين غارق=انا اشهد انك صادق الوصف شاطر ياهيه ياللي مني القلب سارق=خذني معك لاجيت رايح مسافر لاتحرق الفوآد بنار المفارق=خلك معي لوكان بجبر الخواطر

نايف الشويب السليمي

عالم خيال / بقلمي

	عالم خيال وكل مافيه خافي=الا الحروف وبعض الاحيان صوره وتبقى الحقيقه دونها قلب جافي=حتى القمر لو طل يكذب بنوره عالم خيال وماهو بالفعل وافي=على الدجل والكذب يزرع بذوره فيه السباع الضاريه كالخرافي=حتى البطل لوقام ماشيف دوره عالم خيال وكل مافيه هافي=حتى فهيم القوم ماله مشوره ربيعها مثل السنين العجافي=يلعب بعقول الناس العاب كوره عالم خيال يمر والنور طافي=حتى الذي في جوف قبره يزوره وتبقى الحقيقه ماتشوف العوافي=حتى عنيد القوم ماكف جوره عالم خيال وفيه خط انعطافي=يبني على غير الحقيقه اجسوره وآخر كلامي كشف سر الخوافي=النت اجتث المجتمع من اجذوره

نايف الشويب السليمي

مري علي / بقلمي

	لاتسألي عن حالي اليوم يابنت=الحال ماهي في غيابك تسرّك غبتي وانا عن حرّك اليوم ماغبت=ياعزتي للقلب من جور حرّك لامر طيفك في حلا النوم مانمت=بس اتقلب والانامل تفرَّك اشوف كن الاربعاء صايرن سبت=وكن الثوابت في خيالي تحرّك حبك غدى بالقلب وانا تعذبت=متى ركابك عند بابي اتبرّك وانسى هموم البعد والضيق والكبت=دامي سماء حبك وبحرك وبرّك لازانت الايام في شوفتك زنت=اكيد حالي في حضورك تبرَّك ولاشانت الايام في غيبتك شنت=الهم والهوجاس فيني تشرَّك في غيبتك يابنت والله ماطبت=لوقالوا اني طبت لا لايغرّك دام انتي كل الزين وانا تعشَُمت=ماقول كفي عني خيرك وشرك يابنت دامي في غرامك تحطَّمت=مري علي الحين والا نمرّك

نايف الشويب السليمي

ضاع الامل / بقلمي

	سلام ياسبع السنين العجافي=سلام وانا ماصدقت بسلامي اول سنه الجو بالحيل صافي=مع الحبيبه عشت جو الغرامي وثاني سنه الوقت فيه اختلافي=احيان شين واحيان فيه انسجامي وثالث سنه ابديت كل الخوافي=والعين ماذاقت لذيذ المنامي ورابع سنه حسيت بعقلي اختفافي=احيان ماعرف من يسولف امامي وخامس سنه مشيت درب انعطافي=ضاع الامل وضاع منهج نظامي وسادس سنه عفت المحبه اعيافي=القلب عن طرد الغنادير صامي وسابع سنه صبري على البعد كافي=دام الهوى مافيه غير الآلامي

نايف الشويب السليمي

الامر ومافيه / بقلمي

	ياهاجسي اقرب وخلك بوضع الوقوف=ولاقلت لك سق معناي من القصايد سقه اشوف شوارد الافكار جتني وقوف=واحس قلبي همه بين الضلوع اطرقه اشوف شيٍ والفهيمين مثلي تشوف=والكل منا موضوعه بالملف ارفقه لان المهمَّه تلوف اقلوب العقِّيل لوف=كم عاقلٍ كن في كبده مليون احرقه والا بليد العقل ماكنه الا الخروف=يذوق مر الذوايق كنه ذاق امرقه الامر ومافيه ياللي للحقيقه شغوف=طب المجالس ودور فيها رجلٍ ثقه اذا لقيته في نجد حقك علي اولوف=وعيبٍ على الرجل قوله ماهو بيصدقه ابيك يالعاقل بس مره تجي لقوف=بس الرجاء لايصير عندك زود احمقه هيا معي للمجالس بس انشوف ونحوف=نلقى بها ثرثرة شباب ولعب ورقه احيان تلقى كبير السن مثل الهروف=من كثر مابه على لعب البلوت اشفقه تبى الحقيقه مالك غير الطنايا حسوف=الشمري من زود الكرم يسيل اعرقه والسالفه مثل ماتطوف الدله تطوف=الضيف يدله مايحس ان الوقت اسرقه سلم لي على شمر مدلهين الضيوف=كان الكرم له عشاشيقٍ شمر تعشقه

نايف عبدالله السليمي

منتوقه/ بقلمي

	ياذا الزمن حيرتني من تحديك=ماللعقل في ضيمك اليوم حيله ماجيتني ياذا الزمن في تهانيك=وانا انتظرها منك في كل ليله الحظ نايم في طريقك مخاويك=يعمل على ضدي بكل الوسيله انت وحظي الله على الضيم يجزيك=اودعت في جوفي سوات المليله لاجيت ارقد حسيت بقلبي دواكيك=والروح من بين الضماير عليله اسباب من حطت بقلبي شرابيك=اموت وحيا بين نسع الجديله ومبيسمٍ من صافي الريق يشفيك=منتوقةٍ فيها الوصايف جميله من حبها شفت العناء والمهاليك=حبيتها من قلب سنينٍ طويله اثر الهوى ناسه سوات المماليك=الوقت قاسي والمكاسب قليله ليت الليالي تحتفيني بتبريك=ياالله يالمعبود همي تزيله

نايف عبدالله السليمي