ديوان الشاعر / نجم الشعر

اعربت / بقلم نجم حرب

	ماني خبير اعراب لوكنت بارع=الحكم له راعيه وللشرع قاضي اعربت انا الايام فعل مضارع=ومافات منها ياصبح الوجه ماضي ايامنا مابين نازل وطالع=والكل منا في حكم الاقدار راضي دستورنا القرآن والدين شارع=واكثر كلام الناس ياناس فاضي الجاهل اللي للحقيقه يصارع=خلك مع الايام ناشط رياضي اطرق ابواب الخير وبالخير سارع=وماكل اخيالٍ وسطه البرق ناضي الفرق بين التي وبين التقاطع=ماكنه الا السود والا البياضي

نجم حرب نايف عبدالله السليمي

اهداء الى الشاعر/ سعيد بن دعيج السبيعي

ماهو غريب / بقلم نجم حرب

	كان الوفاء والطيب له ناس تشريه=انا شريته من قوي العزايم ماهو غريب الطيب من راس راعيه=تلقاه في كل المواجيب قايم وانت الذي ياسعيد بالمدح نعنيه=خذيت يابن دعيج كل القسايم قسايم المعروف والطيب حاويه=تاصل وتفعل والمواقف عظايم والحر مثلك بيناتٍ مواريه=تلقاه من فوق الشواهيق حايم والذيب ذيب ينومسك بس طاريه=ماهو رفيقٍ للفشل والهزايم لبيه يابن دعيج مليون لبيه=يحفظك رب الكون ياخوي دايم

نجم حرب / نايف عبدالله السليمي

الى النجم الساطع الشاعر/ سعيد بن دعيج السبيعي

فلا غرابة / بقلم نجم حرب

	ياذا النجومُ هل رأيتِ نَجماً=من بينكٍ واضحُ السُّطوعي بنورهِ تسري السواري=فلا مثلهِ يالنجومُ نوعي ياهل تُرى ماهو نجمُنا=تحروا اسمهُ ياجمع الربوعي سعيد بن دعيج وجه السعد=حرٍ ولد حرٍ يروم الطلوعي فلا غرابةَ ان قلتُ شاعراً=تغنَّت باشعاره الجموعي الطيب والكرمُ منبعهُ=سفيان الثوري ساسهُ والفروعي ابا عبدالله تحيةً=معطرةً بالوردِ والشمُوعي

نجم حرب /
نايف عبدالله السليمي

يالعاقل / بقلم نجم حرب

	يالعاقل هم الناس ماذا يقولون=قالوا كثيرٍ والسوالف طويله الناس كل الناس بالناس يحكون=وكلٍ يحدد كلمته مع زميله احدٍ يقول الحق وابليس ملعون=يازن كلامه ماحصل منه ميله واحدٍ هو راس ابليس آذان وقرون=وفرعون عمه والخميني عميله الله امر ناسه من ناسه يعوذون=حتى النبي رب الخلايق دخيله تلقى الوفي وراه ناسٍ يحسدون=اما الغبطه والا النفوس الغليله وتلقى الردي وراه ناسٍ يهرجون=تفضفض مجالسهم ومامن حصيله هذي اطباع الناس والناس يدرون=ماعاد للعاقل على الناس حيله ويالعاقل المذكور سلام مليون=اجلس معي والكل عقله دليله

نجم حرب

سقت الركايب / بقلم نجم حرب

	الناس من كثر المهاييط ملت=وانا من شوف اهل المهاييط مليت لو محكمة ضد الهياط استقلت=كان استقلوا ربعنا واستقليت ياشجرةٍ فيها العقول استظلت=في ظلها ياهل العقول استظليت لوكان جيوش الوقت حيل استحلت=انا بجيوش الصبر حيل استحليت ياكم ناسٍ للكبد غثة وعلت=وياكم انا لكبودهم حيل عليت سقت الركايب لين بالعشب فلت=وانا انبسطت وللحجاجين فليت ركايب العدوان قفت وولت=وانا على عرش المعزه توليت

نجم حرب

ابيات رثاء بالشيخ /
حجاب بن نحيت رحمه الله

ابيات رثاء بالشيخ/ حجاب بن نحيت رحمه الله

	يوم الاحد الكل حزنان ياحجاب=يوم اعلنوا وسط الجرايد وفاتك فارقتنا ياحجاب والكل منصاب=عسى جنان الخلد مبدا حياتك على اليقين وملة الدين كساب=اقبلت على الخير والشر فاتك على المعزه عشت من بين الاقراب=كل العلوم الطيبه من صفاتك يامى على النوماس فكيت الانشاب=بالجاه والمعروف ومن حسن ذاتك نومستنا ياحجاب من بين الاجناب=تاريخ مجدك يحكي امؤلفاتك واليوم نعزي حرب في نجمها غاب=عسى الرحمه ياحجاب ترافق رفاتك

الشاعر/
نايف عبدالله السليمي

السلام عليكم زملائي الكرام /
اطلالة شعرية وطنية جديدة بعد انقطاع عن المنتدى

2030 / نجم حرب

	العام هذا خير امطار وارزاق=المملكه من خير ربي سعيده كلٍ يقول اليوم انا خاطري راق=والامن سايد والحكومه رشيده مطلوب منا الجهد ساقٍ على ساق=خلف الذي فيه العزايم شديده 2030 آمال وآفاق=رؤية محمد والهقاوي بعيده نبني عليها اقصور واجسور وانفاق=2030 رؤيه اكيده رؤيه + تخطيط وترتيب الاوراق=تضمن لنا كل الحياة الرغيده طموحكم ياسيدي للملاء فاق=وشموخكم طوع اقلوبٍ عنيده اليوم كلمة حق من وسط الاعماق=الله يبقيكم للوطن والعقيده

نجم حرب
نايف عبدالله السليمي

عسى الجميع بخير / نجم حرب

	قالوا امورك قلت زينه اموري=دام الرضى والستر غاية سروري وغير الرضى والستر ماهو ضروري=ياغير تاج الراس ماله بديلي ياجاهلين التاج من شان تدرون=هيا معي اشوف وانتم تشوفون ناسٍ على بيض السراير ينامون=ياالله تشافي كل مسلم عليلي مااحدٍ يكون بخير من غير صحه=عزاه ياللي كل شيٍ يشحه قضى حياته كلها بالمصحه=ياالله لطفك يالعزيز الجليلي واجب علينا ياعرب نشكر الله=مادام مافينا من الشر عله اشوف هذا سيد الامر كله=عسى الجميع بخير وعمرٍ طويلي

نجم حرب
نايف عبدالله السليمي

باعي طويل / نجم حرب

	ياهيه انا ياهيه ياهيه ياهيه=باعي طويل وللمراجل يطولي انا الذي فعل النواميس حاويه=الطيب ساسي ماشين فيه طولي ماهمني خبلٍ رديه مساعيه=ماله على فعل النواميس حولي عزاه ياللي قاسي البغض حاديه=والعنجهيه في ضميره تجولي يمشي عوج والدرب بالحيل مغديه=على الوحل يمشي طمان ونزولي عز الله ان الطيب ماهو حواليه=مادام افعوله ماتواكب افعولي الحر حر ولايريدك اتوصيه=والا ردي العرف دايم كسولي وياهيه ياللي طيبنا حيل كاويه=لو تدعي بالطيب ماانته ابحولي

نجم حرب
نايف عبدالله السليمي

البارحة / نجم حرب

	البارحه من شدة البرد بردان=والمشكله مافيه احدٍ يدفي عن ايمني وعن ايسري بس جدران=من بينها جلست كفي بكفي امضيت كل الليل بردان سهران=طار الكرى والهم في امتخفي قمت اتوجد وابدع الشعر قيفان=كود الهموم اللي بقلبي تخفي اثر الهوى راعيه بالحيل بلشان=يقضي حياته كلها مستخفي ياليت منهو ماشكى الحب يافلان=مرتاح مالفه هوى الزين لفي ياطير دام الله معطيك جنحان=بلغ لطيف الروح ياقف بصفي

نجم حرب
نايف عبدالله السليمي