ديوان الشاعر / نجم الشعر

ماني بخيل اشعار / نجم حرب

	لابد للشعار همسات واشعور=همس المشاعر ونسةٍ للحيارى الشعر فن وذوق والحان وابحور=والوزن ساسه عن يمين ويسارى وجزالة المعنى كما الدر منثور=والبوصله موضوعٍ يحدد مسارى والقافيه تعني قوانين واسطور=عمارةٍ بادوارها والجدارى ومن بعد ذا التوصيف انا ابقطف ازهور=اخترتها لاجل الجميع اختيارى ماني بخيل اشعار وماني بمجبور=عندي على جزل القصيد اقتدارى شاعر نجم وخلفي اذواق جمهور=بمافيهم شعار اصغار وكبارى راع الوفاء والطيب حرٍ على الطور=والا ردي العرف مثل الحبارى مشكور ياجمهورنا حيل مشكور=انا افتخر فيكم جميل افتخارى

نجم حرب
نايف عبدالله السليمي

الحر مثلي / نجم حرب

	مالي شغل بالناس عزي براسي=فيني طنخ يقدح به الفكر بالراس عقلي معي تفصيل ثوبي مقاسي=احكم وحكِّم حاكم العقل بقياس اثبت كما تثبت اجبالٍ رواسي=ماهمني خبلٍ تقل حجم مرواس اخف اعقول اعقول اهل التكاسي=لاخف عقل الآدمي قيل تكاس ياللي تقول اني من الناس قاسي=كنك وكيل آدم على ليِّن وقاس ماابيك اتشبهني على غير ناسي=الحر مثلي حر له ماكر وناس انا سليل المجد والطيب ساسي=لاصار بعض الناس ماهو على ساس وماقل دل ومالنا بالهلاسي=يفداك ياراسي من الناس هلاس

نجم حرب
نايف عبدالله السليمي

دن الهجوس / نجم حرب

	دن الهجوس وخافي السد باحي=مما حصلي صرت لا اسمع ولا اشوف اسباب من تلبس لزينه وشاحي=زين وحلا والقد يزهاه سرجوف الزين فيها من جميع النواحي=حلون نباها تجذب القلب واتلوف هي السبب في ضيقتي وانشراحي=من لامني عساه بالعمر مقصوف ياهل الهوى يامبعدين الشواحي=اكيد فيكم مثلي اليوم ملهوف هذي اسوات الحب راعيه طاحي=يامل قلبٍ تلته بالهوى نوف اكيد راع الحب ماهو ابصاحي=اشوف عقلي من هوى الزين مخفوف متى مدير الحظ يعلن نجاحي=دام اني صرت بداعج العين مكلوف

نجم حرب
نايف عبدالله السليمي

من فضلكم / نجم حرب

	من فضلكم تحملوني اشويه=موضوع هام وصاحب العقل يسمع انا اعتقد مبداه بالجاهليه=تاريخ يكتب والمفاهيم تطبع لاشك انا ماكل شيٍ خويه=اهم شي افوز انا بشي واطلع نرجع على الموضوع وبحث القضيه=وش رايكم في قول كل شي ينفع وسلامة الجميع من كل سيه=الكل يضرب يطرح الكل يجمع واللي وده يلعب معي سامريه=اللي يلعب واللي للاغاز يرمع هذا المثل ياحروفنا الابجديه=مايطمن العالي ولا اظن يرفع

نجم حرب
نايف عبدالله السليمي

موجهة الى الشيخ / علي بن ابراهيم السليمي

يامسندي / نجم حرب

	ركز معي يالقاف واسمع كلامي=اسمع كلامي زبن باحضرة القاف ابمدح المطنوخ مدحه لزامي=لاني على مدح المطانيخ ميلاف علي بن ابراهيم حرٍ اقطامي=والحر دايم موقعه راس مشراف سلام الله عليك عد الغمامي=واعداد منهو بالحرم للولي طاف نفداك ياعلي رفيع المقامي=انت الذي لك بالمواجيب ميقاف تعطي عطى من لايخاف انعدامي=الله عطاك الخير من جوده اضعاف هداج تيماء يرتكي للظوامي=مايوم قالوا منهو من القوم غراف يامسندي عندك اركابي احيامي=عشرين يوم وعودن لي نكاف يبرد ظماهن منك بس اهتمامي=في حالتي والخير في وجهك ايشاف وهذي اعلومي مع مزبد احترامي=نؤمن بان الامر بالنون والكاف

نجم حرب / نايف عبدالله السليمي

الى الاخ / عيد عواد السليمي

ياعيد سو الكيف / نجم حرب

	الطيب ساس وكل طيب يحبه=والا الردي ماله بهذا نصيبي الطيب مثل البحر صعبٍ مطبه=ومن عادة السباح ماهو يهيبي ترى مريض القلب معروف طبه=انت العياده يالوفي والطبيبي من خالفك بالطيب روِّح وكبه=الله على كل الخلايق رقيبي ياعيد سو الكيف لشرواي صبه=لانك كريم وبالمواقف صعيبي ياعيد قلبي صادقٍ بالمحبه=الحب ماهو بس حب الحبيبي راع الوفاء شرواك لازم نحبه=لان الوفي من كل خيرٍ قريبي

نجم حرب
نايف عبدالله السليمي

نحن قومٌ / نجم حرب

	وليست المظاهر كل شيءٍ=وانما الدواخل اذا صلحت وليس لنا على الناس حكمٌ=كل نفسٍ تجزى بما عملت فياليت شعري ان كان صادقاً=يأتي بالمعاني اذا اكتملت نحن قومٌ والاسلام ديننا=جحافل التوحيد اذا قالت فعلت نؤمن بأن الله قائلاً=مخاطباً للشمس فلما افَلَت فهاهي بالفصيحة لغتُنا=للمعاني وللثقافة شملت فهنيئاً لمن بر بلغتنا=وتباً لاقواماً بها جهلت

نجم حرب
نايف عبدالله السليمي

الى ابو علي تركي بن علي الحنيني

الاسم تركي / نجم حرب

	ماهي غريبه فزعتك يالحنيني=قول وفعل والطيب والعز يقفاه لانك سليل المجد ذرب اليميني=تحلها بالطيب والعرف والجاه الاسم تركي والفعايل تبيني=ابوك علي تفعل الطيب يمناه لان الختيلي كلهم طيبيني=حيٍ نباهم باول الوقت واتلاه وكل القبايل بالطنخ فايزيني=راع الوفاء والطيب ياحي ملفاه يابو علي قدمت شيٍ ثميني=نرفع لك البيضاء على كل منحاه لاصار بالازمات يسار ويميني=انت الذي في حزت الضيق ننصاه تجيبها بالطيب عسرٍ وليني=عريف وكنك قايد الفوج والله

نجم حرب
نايف عبدالله السليمي
https://youtu.be/wrxWr8c6xnU

حنا عرب / نجم الشعر

	حنا عرب وامثالنا نعتمدها=وعندي عليها بعض الاحيان تعقيب ماني خبير امثال بس اجتهدها=حنا بشر من طبعنا نخطي وانصيب احيان ننسى امور كنا بصددها=الا الوفاء والطيب وفعل المواجيب واحيان فيه امور غايب سندها=والا على ماقيل تحتاج ترتيب منها قولت مافات مات انتقدها=ماكل شيٍ فات غدى به الذيب وماكل منهو راح روح بيدها =وماكل غايب يكسب الفود ويجيب وماكل بيرٍ تسقي اللي وردها=وهداج تيماء غير بكل المشاريب تمت ابياتي كامله في عددها=عنوانها الامثال وانتم هل الطيب

نجم الشعر
نايف بن عبدالله الشويب

اهداء الى سيدي صاحب السمو الملكي الامير فيصل بن مشعل بن عبدالعزيز امير منطقة القصيم

امن الوطن / نجم الشعر

	ياسيدي فيصل بن مشعل حنا تحت الطلب=وانت الذي لاصعبة الامور تازنها وزن امن الوطن ياسيدي حقٍ على مثلي وجب=حنا لها وارواحنا تفدى العقيده والوطن دون الوطن ياسيدي ماعلينا من اطلق شنب=باذن الله المعبود روس الاعداء نطحنها طحن يقول الله المعتلي تبت يداء أبي لهب=ونبينا يقول ملعونٍ من ايقظ الفتن المسؤليه صح لاهل المناصب واهل الرتب=لاكنها ماتعفي المواطن اينما سكن هذا الوطن باعبوننا نحميه من بين الهدب=وتحيتي لاهل العقول الصاحيه واهل الفطن ولي كلمةٍ مضمونها تحمل اساليب الادب=لابطالنا بحدودنا وكذلك لرجال الامن

نجم الشعر/ نايف بن عبدالله الشويب

https://youtu.be/EPGk59aW0k8