ديوان / الشاعر معدي نشمي العتيبي

الــذود بـالكنـــه

	إلا ياظلام الليـل إلـي بـا السهـر ميعـاد = مضلي ثمـان سنيـن ماخلفـت ميعـادي أصارع ظلامـك والحشـا كـن آبـه وقـاد = وفـرق مــزون الـهـم والـنـاس رقــادي على صاحبن في نظرته حربتيـن حـداد = تعـدت ستـار القلـب وتصيـب الاكبـادي حبيباً تسيد فوق قلـب الصويـب وسـاد = ونـار الهـوى يازيـن بـا الــروح وقــادي سباني غرامك والمشاعـر عليـك اتقـاد = كمـا الـذود بالكنـه علـى المـي ينـقـادي أمنـي عيونـي بالنظـر والنظـر مـا فــاد = وحالي ذبحها اليأس من طول الابعادي مصيبه اذا غيري تهنا بشرب وزاد = بعد ماقضيت العمر طرقي ونشادي يجيني خبر فرقاك والبس بعده احداد = وروحي تفارق فرحت العمر وأعيادي لكني أبصبر لو نوم العيون آسهاد = وبرفع كفوفي يالله الصبر وإمدادي ترى العمر مره لو خسرناه ماينعاد = حذاري حبيبي يخلفك بعض الاوغادي وألك عهد أفاخر وآتحسب وزيـد أعنـاد = فخوراً بحبك واقـتـل أمــال حـسـادي وإلا ياظلام الليل إلي بـا السهـر ميعـاد = مضالي ثمـان سنيـن ماخلفـت ميعـادي

ابو عــداي فخـر العـَــــٌرب

	تحضر ياهجوس الشعر والمعنى بكـل أحكـام = آبتكلـم عــن أحــداثً جــرت ماهـيـب عـاديـه هوى برج التجارة واليهـودي عابـد الأصنـام = وقـف ذعـراً لمـا شافـت عيونـه مـن فدائـيـه وطلع بوش اللئيم ووجه التهمه على الأسلام = يـؤكــد للـيـهـود أن الـعــرب دايـــم عـدائـيـه يـذم الديـن وجـه الكلـب مايـدري عـن القيـام = وخلفـه أمـتـه نــادت نـبـي حــرب الصليبـيـه نسو كم مات في غزه وبالضفـه دمـوع أيتـام = ونسو ستين عـام وقدسنـا بـا الـدرج منسيـه وشـن الحـرب للفغـان وعـذره حاكمـن ظـلام = سكتنـالـه وقلـنـا يــا جمـاعـه صـفـوا الـنـيـه وعقب هـذا يجـي ويقـول لازم ينتحـي صـدام = وبـغـداد الـعـروبـه لازم يـثــور بـهــا الـهـيـه وش الموصل معا تكريت دمرها بظـرف أيـام = وقتـلانـا نعـددهـا ألـوفـن مـــن ورى الـمـيـه وبعدهـا يشنـق الصنديـد ذاك محطـم الارقــام = أبـو عـداي فخـر الـعُـرب وجــذوره عراقـيـه أمر بعـدام تـاج العُـرب وحنـا لابسيـن أحـرام = حجيـج ولاهقيـت العُـرب ترضـى الأنهزاميـه كذا دايم يموت البطل شامخ والرجال أحشـام = بـيـد لحـاسـة الـبـتـرول عـــدوان وكـراهـيـه رحـمـك الله ياشـيـخً نهـايـة عـــزك الاعـــدام = شجـاع وسـجـل التـاريـخ مـوتـات البطولـيـه وحنا قلوبنا شتى حسافـه كيـف رحنـا أقسـام = نطـالـب بالتـوحـد واختلفـنـا عـنـد عـضـويـه عسى الله ينصر الاسلام والأمه بوجهـن عـام = هـو القـادر وحـنـا مخلصـيـن ألــه الربوبـيـه ختمت القاف با التهليل والتسليم خيـر اختـام = مـرارت وقتـنـا الـواقـع لــو الاحــلام مرثـيـه الـى صـرح الطنايـا والقبايـل كــلبـوهـا أكــرام = يثبتهـا المـراقـب أو بـيـوت الشـعـر مطـويـه

ليلـة الغفـــله

	يالـلـي تـحـاول تقـنـع القـلـب غلـطـان = وكانك (مأمل بـي) تـرى الفـرق شاسـع لاصـار مابـك طـب أنـا عنـدي لـسـان = وإلـيـا حكـيـت الـنـاس تــرخ المسـامـع والـفــرق يــادايــخ مـايـحـتـاج عــنــوان = مـثــل الـقـمـر بالـلـيـل يـاهـيـه سـاطــع وش جاب صنعاء ياعرب مثل لبنان = والله فـــرق بـالـنـاس حـتــى الـطـبـايـع شف عقـل أبو هنـود يشبـه للألمـان = وأجــواء صـلالــه مـثــل عـــج الـرفـايـع والـحــق مـايـزعــل طـويـلـيـن الايــمــان = وحبيبتـي روعــه ,, وســت الـروايـع جمـالـهـا يـحـتـار بـــه فـكــر الانـســان = كــــل الــعــذارى تــــروح مـنـهــا مــزايــع تلعـب علـى الزينـات فـي كــل مـيـدان = شـعــراً حـريــر وجــســم لاهــــز طــايــع متشيـخـه بالغـصـب واعطـيـك بـرهـان = فـــي لـيـلـة الغـفـلـه محـاكـيـك ضـايــع واختـامـهـا لعيـونـهـا طـــول الازمــــان = صـابـر وأنــا المطـنـوخ لوقـيـل صـايـع

غـزال الرعـابيب

	يـاخـوك سـالـم دوك مـنـي مكاتـيـب = جرح الحشـا عنـدي عرفنـا اعلاجـه يابـن الكريـم اللـي يقـوم المواجيـب = شيخن على الجزلات يضحك احجاجه عـلاك بالـلـي لاحـضـر قــدم الطـيـب = انـا اشهـد أنـه صــار للطـيـب تـاجـه وآترك صديق اللاش عار المشاعيب = اللـي همومـه كيـف تضـوي انعاجـه وبعـد الغضي سبـب لحالـي متاعيـب = أشكـي عليك القلـب زاد أنزعـاجـه واللي نهـب عقلـي غـزال الرعابيـب = لا شفتهـا عقـلـي يـزيـد أرتجـاجـه من عقبهـا تـعـذب القـلـب تـعـذيـب = بنـت الرجال اللي تعاف السمـاجـه ان سولفـت جتنـي بإالذ الاسالـيـب = كنه زلاال الـمـي ماهب همـاجـه راحت سنين العمر مني مكاليب = وكل ماعذلت القلب زاد احتجاجه اصبر وكابد صاليات الملاهيب = واطلب الاه الكون عجل انفراجه ومادمـت جنبـك يكفـي الفكـر تأنـيـب = ريـــح ضـمـيـرك لا تـعـكـر مـزاجــه وعـز الله انـك وافين بـا المطالـيـب = وهـذا هـواء قلـبـي وســر احتيـاجـه

سلمــان ماغيره من اخواني الغير

	الله من قلباً كفخ كفخت الطير = طيــر الحـرار اللي يرف الجناحي عليك ياللي دونك طويق والنـير = والعاصمـة تلبس لشـوفك وشاحي كبـدي بعـدكم كـَن فيها سـواطــير = ومن عقب تاج الزين عفت المراحي ودموع عيني من سببكـم شخـاتير = مــا فــادهـا كثــر البكـاء والنياحي والروح كن يدق فيها المسامير = وحالــي كثر فيها العناء والجراحي عيفـتني يـازيــن طــرد الغنـادـير = وكرهتـني سـوق الذهب والطراحي من عينهـا أزريت لاقـف ولأسير = ومن رمشها تــرسل عليه رماحي وجدي عليها وجد راع المغاتيـر = من غبن ذوده كل ماقام طاحي سروبها الشجعان وأرسل مداويـر = وذبحو مداويــره وراحت مراحي وباقي أمل واحد وفي عمره صغيـر = ارجي عسى يكبر وبيداء ارتياحي ورجاي اشوفه رجل بين المناعير = لاكثرو العـدوان يصبح سلاحي سلمان ما غيره من اخوانـي الغير = هو نون عيني جــد ماهو مزاحي

الـقلـب مفــقـود

	ياسعود سافر أطرق العود ياسعود = واقفـيـت أنــا والبـعـد عـنـه أمتحـنـي لـيـت اللـيـالـي يارفـيـقـي لـنــا تـعــود = وتـخـبــر الـمـزيــون بـعــلــوم عــنـــي أبــو جـديـلاً فــوق الامـتـان مـفـرود = غـرون ليـا شفتـه بحلـمـي شغلـنـي يرسل سهام المـوت بعيونـه السـود = ورماح رمشـه بـا الضميـر أطعننـي عليـه أجـر الصـوت والقلـب مفقـود = بــيـــن الـحـنـايــا وبـجـمـالــه فــتــنــي والــعــز لـلــرجــال مـافــيــه مـنــشــود = لــو أن مـرســول الـغــلا ماوصـلـنـي

ويـافـؤادي خلـهـا تـرحـل

	لـيـه ياحـامـد تـحـاول تستـفـز آلـــك بـدويــه = ماعرفـت أن البـدو عاداتهـم هــي تحكمـهـا وقلـت يابـو زيـد راحـت مابـقـى فيـهـا بقـيـه = وسالت دموع المفارق وانت ياحامد سببهـا وكـان فـي بالـك تحاشـى ماتبادلهـا الخطيـه = بس ثارت وأنفجـر بركانهـا واحـرق حطبهـا عايشـه بيـن القبايـل وأهلهـا أهــل الحمـيـه = عاقـلـه لــو القصـايـد كلـهـا نـرسـل ورقـهـا وكان هاوي لرجـوع ارجـع ولاتبغـى وصيـه = وكانهـي قفـت تراهـا سفرتـاً محـدن عرفهـا والله أنـي قبـل حامـد سـاهـراً عيـنـي شقـيـه = ساهراً طول الليالي وسهر عيني من بعدها جيتها عاشق واحـب ومخلصـن فالحـب نيـه = ورفعـت صـوت المعانـد تحسبنـي ماجتنبـهـا والسبب نفس السبب والمشكله حل القضيه = ويـش ردي للفـؤاد اللـي يقـول انـي عشقهـا ويـافـؤادي خلـهـا تـرحـل ولــك حـقـاً علـيـه = ماتغـزل فـي عنـوداً لــو يجيـنـي خــط يـدهـا وشرحكـم يالـذيـب وافــي والبلـيـه عاطفـيـه = وعذركم بين المعاني واضحنً جاء في طلبها

قالوا صملـت وقلـت لعيــونـه الســـود

	البارحـه كنـي عـلـى الكـبـد ملـهـود = ياحيـف لـو تــدرون منـهـو سببـهـا جتني وانا غافـل بـلا سابـق عهـود = والمشكـلـه روحــي تـزايــد نـكـدهـا كني سجين(ن) دونه الباب مسـدود = شايـب وطــاح بمشكـلـه ماقصـدهـا ولا كمـا مــن قسـمـو قـدمـه الــذود = ذوده يقـسـم غـصـب ويـــا لحـقـهـا واقفوا عليها وصار بالحق مجحود = غـريــب دار وفـزعـتــه مـاوجـدهــا ومـن دونهـا دقـو مـع الملـح بـارود = وحـالـه وحـيـد ولا نفعـهـا جهـدهـا والمعضلـه زلـت حكيـمـن ومنـقـود = والـنـاس دايــم تنـقـد الـلـي نـقـدهـا والكلمة اللي جات من غير مجهـود = مـن عقبهـا حـال الهـواوي هجـدهـا قالـوا تغـار وقلـت غـيـره بـهـا زود = غـيـرت كريـمـن رفقـتـه ماجحـدهـا وقالوا أكيـد وقلـت ماحتـاج لشهـود = وقالـوا ماتـدري قلـت منهـو نشدهـا قالـوا تركـد قلـت مـن حبهـا أركــود = وقلبـي حيـاظ المـوت لجلـه وردهـا قالوا صملـت وقلـت لعيونـه السـود = وهـبـت روحــي للعـيـون وهـدبـهـا العمر كله من فدى لين الـعـود = نور النجـوم ان غـاب عنهـا قمرهـا ملـح الطفولـه والغـلا حيـل موجـود = وانا اشهدن القلب شاش وحشمها لازيـن جـوزا فـي زمنهـا ولا نجـود = ولا هقـوتـي تلـقـون عذرن شبـهـا زبـن الدخيلـه خالهـا حامـي الـقـود = يسبق علـى نفـس المعـادي بأجلهـا حـراً ولــد حــراً ومــن لابــة فـهـود = اعـــداه لاشافوه يرغي جمـلـهـا بنت الرجال اللي ذكر عنهم الجود = تشهـد لهـم أرض الجزيـرة واهلـهـا حمايت التالي ومن غابت أوسود = قـبـيـلـةً يـكـفـيـك عـنـهــا كـرمـهــا وانــا تعـبـت وعلـتـي حــظ مـقـرود = اهــب يـــا حـظــاً وقـــف ماجلـبـهـا لـو الـقـدر جـابـه ورزقــت بمـولـود = تلـقـى ولـدهـا نــادراً بـيــن أهـلـهـا تلقـاه شبـلاً حـر واجـداده أووســود = شبل الأسود الموحشـه لمـن قربهـا

جــاثـــوم أبـو زيـــد الهـــلالـي

	ياغرو ياللي تحكم النـاس بالزيـن = أطلق سراح القلب وامسح صوابه حنا علـى درب الوفـاء لـك معنيـن = عهد الوفاء يابنت محد(ن) درابـه طالت سنين العمر والقلب نصفين = متـى تجيـه الـيـوم تنـهـي عـذابـه عطني جوابن منك ياداعـج العيـن = ولا. رسالة شـوق واقـراء خطابـه باتت بقلبي مـن رماحـك طواعيـن = وجاثـوم أبـو زيـد الهلالـي غدابـه آبـا أسألـك سـؤال يازيـن هالحيـن = وابنتـظـر حـتـى يصلـنـي جـوابـه فــي حبـكـم جـهـال ولا. مجـانـيـن = ولا. مضـيـع بـيـن حــب وسـرابــه

اشـــم بنـحـرهـا عـطــر مــاورده قــــزاز

	سلامي على اللي عن جميع البشر منحـاز = لفتـنـي رسـالـه مـنـه والنـفـس مـسـروره رساله بها حروف(ن) قريبـه مـن الالغـاز = وانـا أقـول حـل اللغـز بالـقـاف وسـطـوره تلـمـح يـاابـو مـزيــد وابـشــرك مايـعـتـاز = ولغزك وصل برسالـة(ن) منـك محصـوره تعـال اكشـف المخفـي بقلبـك بغيـر الـبـاز = وإذا صبت مافي القلـب تكفـخ لـك طيـوره ذكــرت أن خـلـي ساحبـلـه مـيـت بـــرواز = سحـب دم قلبـي وأصـبـح الـيـوم دكـتـوره وقلبي بحفظ وصـون بيديـن نـاس اعـزاز = ولاقـد خلـق قلبـاً مـع النـاس ألـه صــوره ولـكـن خـلـي بـيـن جيـلـه عـلــي أجـتــاز = تـعـدى عـلـي ونـظـرت الـشـوق مغـمـوره وانـا مـا دريـت انـي لـدرب الـهـوا معـتـاز = ولاكـنـت اظــن الـحـب تغرقـنـي ابـحــوره وحرام أنـي منـول لشـوف الغظـي محتـاز = واذا جيـت صدفـه قطـت عـلـوم مجـهـوره تجاهـر بحكيـاً فيـه مـن نــوع فــن طــراز = عنيـده وشيخـة زيـن وأن قـلـت مـغـروره غرور الجمال اللي ماشفتـه بـأرض الكـاز = ولابــه عـيـونـاً شـافـتـه غـيــر مـقـهـوره جمـالاً طبيعـي مـا نشـر بشـاشـة التلـفـاز = ولا خطـو الكتـاب الـه بالصـحـف صــوره وصـارت تبادلنـي بحـكـي الغـلـى بأنـجـاز = وجتنـي بشوق وقـصـة الـحـب محـظـوره وطحـت بهواهـا وصـار قلبـي لهـا مركـاز = وصرت أحسب أيام الزمن واسهر شهوره واذا شفتـهـا كــن الجـسـد صـاربـه هــزاز = وروحـي تراهـا فـي غـلا الزيـن مسحـوره اشـــم بنـحـرهـا عـطــر مــــاورده قــــزاز = ولافـاح فـي روضـن لبـس غالـي أزهـوره وذكاهـا ذكـى دكتـور حاصـل علـى ممتـاز = تخصص بقسم المـخ واعصـاب مكسـوره وتـرى الحـر ياسالـم مايشبـه لطيـر البـاز = وانـا عـارف انــك مـاخـذن بالـزمـن دوره