ديوان / الشاعر محمد سوعان الربيع

نســل الاكــــرام

	ســلام يانـســـل المنـاعــيـر الاكـرام = حـر ً و لٰـه .ما بيـن الاجـواد ســـيــره قٰـرمً. مكـانــه. يـوم انا اطـريـه قــدّام = يُــومِـن غـيــره. بالصـفوف الاخــيـره محـمد وانا اشــهـد بٰـالملازيـم مـقـدام = كالسـيف الاجـرد فالامـورر. العسٰيره فعله. ينـومس لابـتـه طــول. بـالايــام = عــون وســند للــي نخـــاه وتصــيـره جمـايـلـه مـاتـنحــصي عبــر. الارقـام = لقـيـتـهــا. مـع كـل قــوم وعـشــيـره بالطـيب والمعـروف لٰـه بصـمة ابهــام = غـيـثً عـلى بيــداه يـنـثـر,غــزيــره كـلـن يـقـول ونعــم من شــتى الأقــوام = ليـا جــات لــه مـــع ســايـر ســـيـره ليا سـولفوا بالطيب يطـري لي اشــمام = قـــرمً ,,,فـعـولــه ,بالاوادم, كــثـيـره عـلمـه جـذبـني يلأوم سـٰيّـرت. الاقــدام = وعـلـيـه ابـبدي غـايـتي والسـريـره مـن بــد كــل الناس جـيـتـه والازحـــام = ابـو دعيــج ,,وما تنـصـيـت غـيــره ومـن يـزبـن اللـي مثـل شـرواه ماايـلام = ولاخاب ,ظنـه يــوم يشـعـب بعـيره فـيــه اتـوســم خـيـر ,,,والخـيـر بـه دام = الشــاهــد الله ,,والخــلايـق خـبـيـره يامن سـعيت وقـمـت في وصل الارحام = للـي ابــديـره ,,والـقـرايـب ابــديـره لـي هـقــوةً بــك ,,ياســــند كـل منظــام = افــزع بجـاهــك يا نقــي الســريــره يابـو دعـيـج الحـظ ,,,يا مسنـدي . نــام = لاشك نـخـيـتـه واختلـف في مســيره عـيـٰا معـي.,, يـنـقـاد حـــــزات الاولام = ابـطـا ولا جـتـني رســايـل. بشــيـره طـاح ورمـاني في مطـامـيـن الاقــزام = ولا حــظـــى فــي خـيـّــرً نسـتـشـيره ما قـلـتهـالك زيــف مـن نســج الاوهــام = مـن واقـعً يـكـــوي فـوادي سـعـيـره وكــلً بـنـفــسه يا فـتــى الجــود عـــلاّم = والشــاهــد الله فــي خــفـايـا ضميـره أوجـزتهــا لـك وانـت يالـحُـــر فـهّــــام = وعـليـك دايــم ماتـطــوف الصـغـيره والله يـديمـك ثــم يـعــزك ,,بـالاســـلام = وعـمرك عـسى من كـل شـرً يجـيـره وتمـت وصـلى الله عـلى خـيـر الانـااام = اللــي ومـرنــا ,,,بـالـوفــا بالبـريــره

محـمد بـن ســوعـان الربيّـع
اليـوم الخميس :
الموافق 12 ربيع الاول 1439 هجريه

تســـاوت الجمّــه مع اللي لهـا اقـرون

	مـا عـاد فيهـا يا هـــل العـــرف تكفـون؟ = الـكــذب مـا بـيـن الاوادم مـبــاحــي وقـتً بـه اللــي يـفـهـــم العـــلـم مغـبـون = ينـقــالـه مجنـــون لــو كـان صـــاحـي مــن اللي يصير وصاربه شـابت اعيــون = وامـن القـهـر يــزداد نـزف الجــراحـي يـصيبــه ,, الاحـبـاط ,,والـناس ,,يـدرون = وتـضـيـق بـه ســـاحـاتـهــا والنــواحـي قـلّـــوا هـل المعــروف واللي اتعـرفـــون = وكــلً يـغــطً ابـنـومتــه والـمـراحــي مـالـه شــــبيـه ولا ظهــر لـه بعـــد لـون = لـغــزً يـحــيّــر يـا وجـيـــه ,,الـفــلاحـــي يحـتــار بــه عـقــلً ثـقـيـلً مـوزون = ولا عـاد يـفــرق جــدّهــــا , والمـزاحـي تسـاوت الجـمّــه مـع اللـي لهـا اقــرون = وضــيّـع صـهـيـل الخيـل كـثـر النـبـاحي اخـتلـطـت الاوراق والســـــرّ مـكـنـون = والـحـل اصـبـح فــي مـهــب الـريـاحـي مااادري ردا او خــوف بـالجوف مدفـون = او انـهــا الغـيــره ,, بعـيـدة . مـشـاحـي ســاد الحسـد ثـم قـص كـفً بهـا العــون = وكـلً بـهـرج الـزيــف عـلـق وشــاحــي واقـع مـريـر وهــز بـاركـانـه الكــون = والـظـلــم غــطــى مُـدنـهــا والضــواحـي وان مـا وعـيـنــا للـذي كــان وايــكـون = مـا ظـنـتـي نـحـظـى بـــ ذرّة نـجــاحـي حيـث التغـاظي بعـض الاحيـان ملعـون = ولـو حـاز مـن بـعـض الّرجـال امتــداحي وبيـن التســامح والحــذر فــرقً ولـــون = كـالـفــرق بـيــن الضـيـــق والانشــراحي والمـوت لااصبح قـاضي الحـق مسـجون = وماتـوا هـل الشــيمات واهـل الصـلاحي

محمـد بـن سـوعان الـربيّع

يا قدس لاتشكين ....

	ياقــدس لاتشـــكين جـرحـك والاوجــاع = مـا عــاد تنفــع دمـعتــك ,لـو بكـيتـي اخشـى مراحــك مايجي عـقـبــه ارجــاع = واخــاف مـن فـكـر الشـعـوب اخـتفـيتي ابكي عــلى اللي كــاد يرفــع لك اشـراع = فيصـل ولـولا مـوتـتـه مـــا انكـفــيـتـي لكـنهــا الاقـــدار قـفـن بــــه اســـراع = وعـقبـه اشـوفـك صـفحــةً وانـطـويـتـي والشـام جـرحـه غـايـــرً بـيـن الأضـلاع = ‎ولا عــاد تمسـح دمـعتــك لـو بـكـيتـي وبغــداد تبـكـي من قهــرهــا والاوضاع = ولا عـاد تـوحـي صـرختـك لـو نـخـيتـي ابكـي عــلى صـدام ثــم هــلــي ادمـاع = صــدام يـشــفـي عــلتــك لا انبـليتــي وصنعــا اســيـرة كُــل حــاقــد وطمّــاع = اضحـت مقـيـل اهـــل الدجـل والمـبيتـي والقاهــره قـلـب العــرب قلبهـا اللـتــاع = غـابـت عــن السـاحاـت يـوم انـغــزيتي واطرابلس ديــرة عُمـر شـعـبهــا ضاع = وكُــلً عـــلــى تـدمــيـرهـا مســـتمـيـتي عقب الربيـع اللـي لفـا وصيتــه انــذاع = هــذا جـــريــح وذاك شـــفـنـاه مـيتــي والقـدس ضاعـت بيـن تـاجــر وبـيــاع = وياحيـف يا نفـس العـرب مــااســتحـيتي هــانــوا كــرامـتنــا خـبيثيـن الاطبـــاع = مـن عـقــب مـا كـنتـي بـرفـعـه وصـيتي بيـن الثعــالـب والســحالـي والاضبــاع = ضـعـتي وكــلً قــال .... لـيتـي ,,ولـيتـي ابطــا صلاح الـديـن مـا جــاوب الــداع = وانـتــي بـنـــار الخــايـبيـن انـكــويتــي ومن عقبـه المختار قـد صــمّ الاســماع = واليـأس . حـطّـم هـقــوتــك وانـحنيـتـي

محـمد بن ســوعان الربـيّع

صدمات بقعا درس للمودماني

	لو كنت انا خسران مـليـون ديـنــار = اهـون ولاسـهم الخيانـه رمااني ولو كنت فاقد نور عيني والابصار = ارحم ولا ليل الخديعه غــزاني كشفت انا المستور صدفه والاسرار = فجـأه بلا تخطيط مسبق لفـاني جتني علومً تجعل الفكر يحتار = والظاهـر اني قــد خسرت الرهـاني عادت وتنفي لي خبر كل ما صار = وتقـول ذا تـزيـيـف اول وثانـي جتني تهل ادموعها مثل الانهار = تقـول : قـلبي عـن جـفــاك يعصاني ما ظنتي يابنت تنفعـك الاعذار = من يـوم ما سـيل الندامه غشــااني رمحك طعن قلبي وصابه بالاضرار= واللي حصل يابنـت منـك كفاني طعنة غدر شلت افوادي والافكار= والياس والاحـبـاط منهــا وطــاني الاولــه يابنت بحـتي بالاســرار = وصار الخبر مع كل قاصي وداني والثانيه خـنتي عهودك ابتكرار = والحـب مـابـيـن الاحــبه مصـاني واعطيتي الفرصه الى كل هذار = واهـل الفتــن ومدمـرين المبانـي روحي وانا باروح والرب ستار= وانسي وخـلي ما حصل للـزمانـي روحي وخلي في خفوقي لهب نار = لا وا خسـارة عنــوتي من مكاني وانا على ما فات نادم وابختار = درب الفراق : اللي مـن اول كـواني بصبر على جرح المشاعر والامرار= والله يعوضني وانسـى عســاني وتبقــا التجارب طول الايام تذكار = وصدمات بقعا درس للمودماني

محمـد بن سوعان الربيع

الثـــوب الازرق

	الثـوب الأزرق عـذّب القـلـب راعـيــه = من حين شفته والمــزاج امعـفـوسي وش فيك يـازيـن النبـا جـبـت .طـاريـه = ذكـرتــنـي واليـوم زادت اعمـوسـي مـن عـقـب مـاني داله وكـنت نـاسـيـه = هـيّضـتبي ذكـرى بنـفسي تحـوسـي جـددت جـرحً بـوسـط القلـب مخـفـيه = وبيحـت شٰٰــيً بــالـفـواد محـبـوسـي شـوق وحنـيـن لـشـي مـانيـب ناســيـه = جــدد معـاناتي وهـيّـض اهـجـوسـي قلـبي يـحـن ونــار الاشــواق تكــويــه = للــي خـذنـه مبعـــدات الـرمــوســي وانــا الـذي دونــه. اقصــارً خطـاويـه = وعــليــه شـــينـات الليـالي تـدوسـي مثـل الســجـين اللـي بــديـرة امعـاديـه = أســيـر حـرب مـقـيــدَ وامـحـروسـي يــتلــنـي . شـــوقً تـعــدا حـــراويــه = وكبـدً غشـاهـا مـن ظمـاهـا ايبــوسي ظـمـيـا. حـيـامً لاهــب القيـظ حــاديـه = بين الســراب وبين حمــر الطــعـوسي تبـي القٰـراح اللـي من الموت. يحـيـيـه = عــدً غٰــزيـر ولا وردنـا. الرســوسي يـامــا مشــينـا فـي طــوارف مشـاحيـه = ويامـا تـعـنـيـنـا ورحــنـا اعسـوسـي وقـتً تـعــدانٰــا وهـفـت ليــالـيـــه = ومنّــه تـعــلمـنــا ,العبـر والـدروسـي ذكـرتـنـي وقـــتً ,نـعــزه ونـغــلـيـه = يـوم الـنـوايـا صـافـيـــه. والنـفـوسـي عمـار يـا هــاك الـزمـان وطــواريٰـه = يٰـوم الشــيّـم ما تنشــرى. بـالفـلـوسي يــوم الـردي مــالــه فــريــقً يحـيـيـه = ايـضــا ولا تـاجـــد خـبـيـث. وبلـوسٰـي ســلوم العــرب نعـنا بـهـا والمشاريـه = ونبقى على عـرش المبادئ. اجـلوسي

محمد بن سـوعان الربيّع

احرص على الواجب .

	ان طاح حظك وان تردت عـزايمّـك = مــا ينـفـعــك تــاريـخ جَـــدّ وقـبـيـلـه يكـثـر مــن يلـومك وتكثر شـــتايمّـك = وكـــلً يجـنــب منــزلـك مــا يـجيـله الناس تـظهـر مع جــديـدك قــدايمّـك = وشــعـاد لو خــالــك فـعــوله نبـيـلـه ولا تاخـــذ الا بالنـهــايــه قســـايمّـك = طـيبـك وعيبـك والـفتـى مـن خـلـيلـه واليّـا افتخـرت بلابتـك خـاب لايمّـك = لكـن :عـليـك اتــزيــد حـجـم النفـيـله احرص على الواجب وخلّـه يلازمّك = واحرص على كل غـانمـه والجميـله اســـعالهـا ورب المخـالـيـق يكـرمّـك = وابـعـد عـن دروب الــردا والفشـيـله وابليس حــذرا لايـغــرك ويـوهمّــك = وكــم واحـدً خــــاواه ضـيّــع دليــله علـى التكــبــر والتـعــالـي يعـلـمّـــك = ويـهديك لـدروب الخطـا والــرذيـله ومن مغـفـرة رب المخاليـق يحـرمّك = وحتـى احترامك بيـن ربـعـك يـزيـله تعـوّذه ثــٰم ارجـمـــه قـبـل يـرجمــك = قـبـٰل ان تُـحســٰب بالنهـايـه عـميــلـه وليــا زبنـت ازبـن عـريـبً يحشمّـك = حـيـث السـنافي ينـعـرف مـن زميـلـه وخــوة ردي السـاس خــوّه اتحطـمّك = كالـعــوسجـه مـاقيــل عــنهـا ظـليـلـه هذا اختصٰٰار الهـرج والنصح يلـزمّـك = والنصـٰح بلـســم للكبــود الـغـليــلـه ان طاح حظـك وان تردت عـزايمّـك = مــا ينـفعـك,,, تــاريـخ جَـــدّ وقـبيـله

محمد بن سوعان الربيّع

صواديف الزمن

	صواديف الزمن دايم على ابنادم تـدق اطبـول = وعـلى مايقـســم الخـالـق تجـي للمرء مقسـومـه عسى الله ما يواخذنا عـلى سـوء العمل والقــول = ولابـه نفس مخلـوقـه عـن الاخطـاء معصومـه مقاســيمً بعـلــم اللي بسط بيداه عـرض وطــول = رضينا او جـزعــنا به عـلى الانسان مرســومه وترى رزق البشـر بيديـن ربً جـابـه ومكــفـول = وتـرى ما قـدره يُكـتب على الانسان فـي يـومه وتـرا الآجـال واحتـوف الليالي غـيبها مجهـول = مليك المـوت لـه كـاسً تـذوق النفـس مطعـومه عسى الله يقبل التـوبه عسى خيـر العمـل مقبول = عسى الاعمال بالغـفـران والجـنـات مخــتـومـه

محمـد بن سـوعان الربيّع

جــرح الايـام

	ياجــرح الايـام يـاطـعــنـات الارمـاحـي = ياغــدر الازمان والتعـزيــر واســيــوفـه خـف ابصـوابــك تـو ما طـابـت اجـراحي = انت المعـزب وانا مـن غـالـي اضـيـوفـه ماعـاد ينفـع نـديــم الجــرح الانـصــاحي = اللـي بنـازف خـفـوقـي خـظــــب اكـفـوفـه مافـادني فــزعـــات ربـعـي والاصـياحي = مادام طـيـٰر الامــل مـا عــانــق ارفُــوفــه واليــوم اعِـاني واجــاوب كـــل نــوّاحـي = نـوح الحـمام الــذي مــارافــق اولــوفــه ياشـين الاحـلام لــ قـفـت مـثـل الارياحـي = تـسـل الارواح مـعــهــا لاقـفــت اطيـوفــه تفـتــر الايـام. بيـــن افــراح واتــراحي = وتـرى الحقـايـق لشوف الناس مكـفـوفـه جـرحـي عـميقً بـوســط القلـب ما راحي = وكـم واحــدً مثـلي فــلا حـقـق اشــفـوفـه يـاجــرح الايــام ياطــعــنـات الارمـاحي = ياغــدر الازمـان وانـت الـهـم واســـيوفـه

محمد بن سوعان الربيّع

أقبـل وصـاتـي

أقبـــل وصــــاتـــي

	اللي يبيعـك بـاردا الاثمـان ،، بـيعـه = خـلـه. . يــولـي لا تـحـرابـه. الخـيـر واحٰـذر يـغـرك في كـلامً . يذيـعــه = بالـهــرج . حــذرا لا يـخـدرك تخـديـر صداقـة الانـذال تـرحـٰل سـريـعـه = وعلى حسب نــوع المصالـح لها ســـير قشـٰرا وغبــرا والنهـايــه. شـــنيـعــه = وادنـاة هـبـه تشـلـع اللاش وايطــيـر الــكذب. عــاده. والــمنــافـق طـبـيعـه = والكذب يحسب من صفات المحاقـير مـالك ومال. اهــل النفـوس الــوضيعه = ابعـد ولا يـمنعـك. طـول المشاويــر ازبـن على اللي ســن ديــن. الشـريـعـه = الواحد اللي يرزق الـداب والطـير يغنيك. عٰـن كـل البشر. لــو تطـيعــه = يرزقـك وايـهـون عـليـك المعاسـيـر وخـل الـدويــني لاتجــي صوب ريـعـه = اللي عـلى درب الردا واصل السير تلـقـا. البـدايـل فـالـفـجـوج الوسـيعـه = الناس واجـد لـكــن اطباعـهم غـيـر تلقـى الأمـين . اللي. اخلاقـه رفـيعـه = ولـيا لـفـيـتـه مـا يجـي منه تقصـير واقبــل وصــاتي لا لفتــك الفجـيـعـه = واحـرص عـلـيها في خـتام التعـابير تــرا الذي مـابـه لـ ربـعـه نـفـيـعـه = هــذا ابـد للنـاس ما يـفـعـل الـخـيـر اللي يبيعـك بـاردا الاثمـان ، بـيعـه = خـلـه.يــولـي كـل ما فيــه تـــزويـر

محمد بن سوعان الربيّع

راس السنه واعيــاد الميـــلاد

راس السنه واعياد الميــلاد

	بـدعـــه اكـيـده راس الاعـوام تنـعــاد = راس الظـلال الضــال والانحـطــاطـي يحـيـيونهـا بالليـل عـاريــن الاجـسـاد = فــي غـابـــة اللــذات والانـبســاطـي قـرب المساجد شــمع الاشباح وقّــاد = وقسـيسـهــم مـا حــرم الاخـــتـلاطــي الجهـل فـي روس الشـياطـيـن يـزداد = ويـن القــيٌــّم يـانـاس والانـضـبـاطـي ديـن الفـضيـلـه والقـيّـم ديـن الاجـداد = ديـن العـفـــاف اللـي ردع كـل واطــي ديـن الرســول اللـي تـنامى بالافــواد = ديـن الطـهـاره وسـط الاعماق ساطـي ذا ديـنـنا حّــرم عـلى النـاس الافسـاد = ولا حـــط للـي يـعــتـنـقـه اشـــتراطـي ضد الجهل والشرك واصحاب الالحـاد = اللــي يعــبـّـون الكـنـايــس اهــيـاطـي راس الســنه عيـد النصارا والاضـداد = للـي ســـعـوا للشـر فـي كـل شــاطــي ومن يحتفـل في مهـزلـة هـاك الاوغـاد = اشـرك بديـنـه واعـــلــن الارتـبـاطـي هــذي نـصيحــه للـمســلميـن الاجــواد = من قلب من بعض الاموراسـتشـاطي وتمـت وصـل الله عـلى ســيـد الاســياد = نبـيــنا اللـي بالـفـضـايـــل محــاطــي

محـمد بن ســوعان الربيّـع