27-11-2012 | #1 |
|
حتا العريفي لو نضرها تجيبه
فعلاً رهيبه بنت ابوها رهيبه=اشقت خفوقي ياملا دوم ملتاع
في هيبته يخضع لها كل هيبه=وفي طيبته يطمع بها كل طماع ماقلتلك ياقلب لاتلتقي به =مالك وماله لكن القلب ماطاع قلت انطحه والقلب ادرى بنصيبه=لوي ضعيف وخافقي بين الأصباع احيان اقول انساه وش حاجتي به=غيرالعنا والضيم ماشفت ذعذاع واحيان اقول الله وش هالمصيبه=لولا الشموخ وعزتي طحت بالقاع ابعد ولكن دوم مني قريبه=طيف المحبه بين الأحباب لواع دايم ذليل الحب يدفع ضريبه=دوم يتسكع بالمحبه تسكاع البارحه ونيت حزت مغيبه=قفا الضلام وبان للصبح شعشاع ونة حبيباً راد شوفة حبيبه=اللي لها بالقلب مشتا ومرباع تسمع خفوقي بالضماير قنيبه=يقنب مثل سرحان بالليل لاجاع اللي يشوفه ينفتن به قصيبه=يحذف عقاله من الوله تقل مصراع حتى العريفي لو نضرها تجيبه=عاف المحاضر واتجه للتشياع اما الصليبي يكتوي في صليبه=ياخذبها ونات لاهب ذعذاع ولا التويمي ونته مي غريبه=مانام ليله واكثر الناس هجاع الحب ناره بالحنايا لهيبه=واليوم مالي غير تصنيت الأسماع كيف اتصبر والصبر طال غيبه=وانا ضعيف وخافقي بين الأصباع |
|
28-11-2012 | #2 |
الإدارة
|
رد: حتا العريفي لو نضرها تجيبه
اتمنى ابداء رأيكم بخصوص القصيدة
ابو طارق ليتك تركتها بالقسم اللي انا نقلتها له استاذي |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
30-11-2012 | #3 |
داعي خير(ابوخالد)
|
رد: حتا العريفي لو نضرها تجيبه
الشاعر عيد التويمي شاعر متمكن وهو غني عن شهادتي
والقصيدة جزلة والملاحظة على البيت اللي ذكر فيه العريفي. مادري هل تم مناقشة الشاعر من قبلكم او لا حبيت اسجل حضوري |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام