ديوان الشاعر / ضاري الزوبعي

ما كسبت بغيبتك غير الجروح

	ما كسبت بغيبتك غير الجروح=وما قدرت انسى طيوفك ذي معي ارجعي لي ما بقى بالروح رووح=اكسري قيد٠المفارق وارجعي ي عذاري شلون٠انساك واروح=وصوتك الي ما يفارق مسمعي علميني في غيابك كيف انوح=وأكتبي في لوح جدارنك نعي صاحبك مشتاق ي الوجه السموح=يا تعالي..تئبشيني او تعي لا تلوميني ترى طبعي مزوح=اركبي في جو عشقي واقلعي صاحبي والشوق عيا لا يبوح=طاري الفرقى تزعزع مضجعي لو يقولوا صاحبك أصبح لحوح=قربت يا صاح ساعة مصرعي ما بقا لي بعدها ادنى طموح=و ما بقا بي دونها بعقلي وعي الغياب بكفه القاسي يلووح=وشمس هجره في عيوني تسطعي يا غلاي و صاحبك كله جروح=كيف اعيش وروح روحي مو معي

°كل الطنايا عندهم ضاربه كوع°

	الجادل الي وصفها وصف دلوع=كل الدروب الممحله تحتريها بنت الذي في هيبته يدحم جموع=الطيب جده والفخر نسل ابيها كل الطنايا عندهم ضاربه كوع=مجلاس عز وقهوتن نحتسيها التوت كنه من شفايه مصنوع=والورد كنه ينزرع في يديها لون الزهر بخدودها صار مطبوع=ولحظه غروب الشمس في مقلتيها اليوم دونه ينحسب عندي اسبوع=تطري علي طيوفها..وأشتكيها ي غاليه عين السهر تنزف دموع=شوفي سبايب غيبتك واحسبيها طعم السهر في غيبتك شعر وشموع=واصارع امواج الهوى وامتطيها القلب كنه من عراويه منزوع=كل العذارى بعدكم مايبيها تدري وش الي خافقي منه موجوع=اسأل غلاتك..حسبي الله عليها

°°عذرى تقول البعد ماهو بكيفي

	ليل الموادع في غيابه كفيفي=من عقب ما كانت لياليه قمرى جرح الغلا لو كان جرحه طفيفي=يبقى معاك لتالي العمر ذكرى ما عاد يطري له صواديف طيفي=هذا الاكيد ومابقى شي يطرى درع المفارق مامضى فيه سيفي=وحان الرحيل ونية الشوق( مسرى) الشوق بيت وجرح الايام ضيفي=واركيت له دلة غلا فوق جمرى عذرى تقول البعد ماهو بكيفي=وانا اقول البعد باسباب عذرى كان الفراق يحل بأجواء صيفي=ودي انام ويشتي الجو بكرى

ماني جميلك بينهم يا بثينه

	ما بين ضيق اليوم وافراحنا امس=اغلب مشاريه الطفوله سجينه لا غيم يغسلها ولا تنفعه شمس=اجواء تخنق والقرايا حزينه تشكي مفارق اهلها وتصفق الخمس=مات الغلا بصدورنا يا بثــينه واسمع ضجيج الذاكره ينطق بهمس=بذنـي يردد مامضى تذكرينــــه ودار الطنايا جوها صايرن عمس=والشهم شاف وما تندى جبينه لا جفت عروق الغلا ينــبـته لمس=مار البلا ما عاد تنفع يدينه تجنـبـيني ماتت اشواقي الامس= ماني جميــلك بينهم يا بثينه

ذكرى صباحه يوم اصحى لحالي°مره تجي صورة ومره يجي صوت

	سنتين واسلى عن صباح الغوالي=وانام لين الظهر ..واحزاني بيوت ذكرى صباحه يوم اصحى لحالي=مره تجي صوره ومره يجي صوت ما هي بضيقه صدرنا يا الشمالي=لو هي بلحية ضيق خليتها تفوت ‫لو كان حظ صويحبك بالعلالي=تلقى مواعيد اللقى وسط بيروت ما كل من حط العمامه ملالي=ضعنا وشفنا ..حدرها..شيخ هلفوت ابعدت عن زحمة شتات الغوالي=وسهجت دنيا تضحك لكل سربوت مرات اسري بالربيع بحلالي=والقى فضى نفسي عن مقابل بشوت

بعض البشر

	الرزق بيد اللي إذا قلت يالله=يفرج أيام الشقى والتعاسة للضيق في وجه المطاليق مشقاه =تفرح به وجيه الردى والخساسة بعض البشر ذنبه على الغير قساه =يكبر علينا لا نصيناه رأسه تتعب عن علوم الرجاجيل يمناه=وعلى الردى تلقاه كله حماسه بقاموسنا يا كم صاحب شطبناه=من بعد ما بين لنا الوقت ساسة اللي يسوق علوم الردى لا ترجاه =ثوب المكارم والفخر مو مقاسة يعطيك من نصحه واذا جيت تنخاه=يبان عند االطايلات انتكاسه وأخوك لو كل المخاليق تهجاه=أياك تسمح للردي بمساسه يبقى عضيدك لا جفى الكل تلقاه =ويبقى الردي في ضيقته واحتباسة المال مايشري سعاده ولا جاه =والطيب ما يؤخذ.بعلم ودراسة خلن على اللي يشرح البال طرياة =وخلك على حفلة أغاني وناسة

°الذيب يقنب لا طرت له ذيبه°

	الديـك ينـبح والكلاب تغاغـي=على هـواهم غيروا تركيـبـه ماني على ذم الخلايق باغـي=اغراض شعري غيرت ترتـيبه هدر الجمل لو هو تهيجن راغـي=والذيب يقنب لا طرت له ذيبـه ايه اعتبر بند الصداقه لاغـي=ولا تعتبر بعض السذاجه طيـبه ان ما جبرتــك للـمعاني صاغـي=وش لي بشعري اكتــبه واجيــبه اما حضور ينوصف لك طاغي=و لا غيــابن يستــمد الهيـبه

أنـا

لو الكرم مخصوص بس للطائي

	كـذا بالمختـصر غوغـائي=اجـدد افكـاري ولا اسـايرها لا ما اعتـبرتك شي من اشيائـي=او فرصتـن حاولـت ما اخسـرها انتـي صديقة من إلـد اعـدائي=و انتـي عبارة ينـجـهل مصدرها شعري بكيـفي اكتـبه تلقـائـي= ادحـرج ابـياتـي ولا اكـسرها لو الـكرم مخـصوص بـس للطـائي=كان الشجـاعه #_شمـرك تحكرها دامـك فشلـتي في جـهود اغرائـي=بعض السـوالف طـيـبـنا يستـرها بعض البـشر في طيـنـته برمائـي=لا تمتحني بسالفه خابرها

مفاهيم معكوسه

	اغلب مفاهيم البشر معكوسه‬=يلي جهلت بخافيات اسراري بعض الاوادم ما نعرف ‫طقوسه‬=للطيب لبس و من لباسه ‫عاري ما كل لعبة واضحة مدروسه=لليل دربن تجهله انواري يلي رقيت العالية و طعوسه‬=بعض المواقف ما يجيله طاري ما هي عبارة تزعجن ملموسه=لكن وجهك للقباحه ‫شاري‬ مثلك بخين بمعرفة لموسه=وما هي غريبه تزعجك ‫اطواري‬ من صارت افهام العرب معكوسه=الديك صار بمرتبة ‫سنجاري‬

يا عزتي لو حاول الدمع يفضحك

	صالح عشان الوقت يبدا يصالحك=وحدد مصيرك في صلاة استخارة واذا تعبت بحسبتك في مرابحك=اتعب شويه في حساب الخسارة ممكن تعاني وما تحقق مطامحك=لكن تكسب بالتجارب شطاره تدري وش اللي بالمعاليق يذبحك=الصحبه اللي منتهاها حقاره صالحك غامض دام تجهل مصالحك=وجاره ما دام انك نويت التجارة وعرفك مع اللي ما يفكر يناصحك=مثل الشجاعة لا نقصها جسارة لازم تحدد بين الاجواد مطرحك=ليا دقت طبول الفخر والنعارة مرحوم يلي ما نسينا ملامحك=صدر المجالس تحتويه المرارة يذكرك طيب الغانمين وتسامحك=وتنعاك عين الطايلات بحرارة كان المسا بشروق شمسك يصابحك=والصبح حدد في جبينك نهارة فخر المراجل في يمينن تصافحك=والكل يلمس في ذراك افتخارة نظراتك ابعد من سفيهن يجرحك=والشيب يلقى في شبيهك وقارة يا عزتي لو حاول الدمع يفضحك=هقواتي أبلغ من كلام استعارة لا تستهين بغلطتك دام تذبحك=مآرب خسر سدة من اسباب فارة سامح عشان الوقت يقبل يسامحك=ولخص حياتك كلها في عبارة وأذا نويت تحقق أدنى مطامحك=باشر حياتك في صلاة استخارة