ديوان الشاعر / ناصر الصراع

بسم ألله ألرّحمن ألرّحيم
-----------------------

لو تقول: انّي اعزّك لو تقول !! 0

	لو تقول:انّي اِعزك لوتقول: = ما أطيعك وأرضى با انصاف ألحلول بعتني من بعد ماعذبتني = تفرح ألحآسد - ويسترّ ألعذول ! أشهد انّك ظآلم(ن) غربلتني = وآخسآره صرت في فهمك جهول ! مآدريت اِن ألبلا وسط ألحشا = وألبلا وسط ألحشا صعب(ن)يزول ما هقيت اِنك غشيم(ن)بالهوى = تلعب بعقلي و تحسب اٍني مهبول عدة أعوآم(ن) قضينا ليامتى = قلت لي : صبرك ولاتصبح ملول اِنتظرت ألوعد في صيف وشتا = وصآبني في وعدكم همّ وذهول ! في أمان ألله واِسترما مضى = وبالسلآمه هذا مانقدر نقول: !!

--------------------------

بسم ألله ألرّحمن ألرّحيم
------------------------

لو تعآشريني (يالعذيّه)تعآفيت!! 0

	أنا ألذي حليت بدياركم ضيف = شفت ألحلا وألحسن فيك اتضح لي لوتسعديني ياحياتي على ألكيف= في ودّكم قربت حبّي سمح لي شفت (ألمحيّا) بالحلا يوم أنا ألفيت= قلتي: لقلبي شفني أنظر لشكلي في نظرتي أقفى خيالك كما ألطيف = ليت ألمودّه للحسينه صفتّ لي ياحيف تركتيني معذّب ويآحيف = يا(غآليه) تغرين -تنوين قتلي ! اِذا بغيت ألنّوم جتني خطآريف = للفآتنه غنّيت قلت: قربت لي أنا عليل(ن) عقبها ماتشآفيت = دآم ألحبيبه -بالهوى- ماوفتّ لي يا (نور) غآب ألنّورمن بعدك أقفيت = متآعب ألتفكير زآدت وجت لي ! لو تعآشريني (يالعذيّه) تعآفيت = وأقول: أنا -وألله -(أميّ) دعتّ لي

------------------------

بسم ألله ألرّحمن ألرّحيم
------------------------

تكفين خآويني على (لذّة ألكيف) !!0

	تكفين خآويني على لذّة ألكيف =أعطيني ودّك رآسليني بردّك يهيم قلبي با(ألهوى) للموآليف= أحفظ ودآدك يا(ألعذيّه)وسدّك ألله على حسن (ألنبا)وألسوآليف= يا زين مزّحك يا(ألحبيبه)وجدّك مودّتي يا(ألتّرف) ماهي تصآنيف = با(أ لعآطفه) و(ألشّوق)ودّي اِمدّك أكتب (رساله) مااِحتوتها ألمظآريف = وأقول:(قلبي بالصرآحه يودّك) يا (نآيفه) بالزين وحسن ألتوآصيف = تزهين يا(زهره) بقدّك وخدّك اِذا بغيت (ألنّوم) جتني خطآريف = وين ألّذي قلتى:وكيف كان ردّك ؟!

----------------------------------

بسم ألله ألرّحمن ألرّحيم
----------------------
منذ سنوآت في بدآية (رآلي حايل) قلت: هذه
ألأبيات -- وكانت لها فرحة بالبدآيه -وألجوّ(ريف وربيع)
وفعآليات (ألضيآفه -وألتكريم )تعمّ أرجآءألأمكنة -لكن
ألصّورة - ربما تبدّلت - - - !!
------------------------------------------------------

من يلوم ألقلب في ودّ ألعنود - =؟!! -

	من يلوم ألقلب في ودّ ألعنود = حبّها بالحيل في قلبي لجا ( حايل) ألحلوه تحلّت بالورود = غآدة(ن)مربآه بين(سلمى)و(اجا) يبتهجّ من زآرها وأقبل يرود = مايملّ ألسّهر لو ليله سجا أقبلت يمّ أرضها جملة وفود = تحتضن من زآرها ولها اِلتجى وألتّحدّي با(ألفيآفي) و(ألنّفود) = ألكثير أللّي تأهّب واِرتجى ديرتي أرض ألكرآمه أرض جود = في سمآها سآطع(ن) بدرألدّجى صيتها بالجود له ذكر وخلود = ثآبت(ن) ماقيل:أحد(ن)به هجا من قديم ألعهد من عهد ألجدود = مزبن ألمضيوم لاجا له نجا -

-------------------------

بسم ألله ألرّحمن ألرّحيم
------------------------

هيه ياللّي سآلك(ن) درب ألصحآري - -!!

	هيه يالليّ سآلك(ن) درب ألصحآري = كيف طريق(ألجوف) و(حايل)مآسلكته؟! كنت اظنّك غآفل (ن) وثريك دآري = انّك لقلبي قرين (ن) له ملكته !! صآرت ألصحرا عذيّه هي مزآري = وألحلا باطرآف (حايل) كدّ عشقنه كيف تطري يا(ألغضي) عندك طوآري= تجهل احسآس(ن) ترقّبنا لوقته ؟! و ألله انّي لودكم أصبر ودآري = ولو طلبت أللّي زها بالسّوق سقته ياحلا حلو ألذّهب وزين(ألخزآري) = با(ألنحر) و (ألعنق) ليآ منّك شبكّته !! بغرفة(ن) يطربّ لها من جآه سآري= ولغير (بيتك) مآلفيت ولآطرقته -

----------------------------------------------------

بسم ألله ألرّحمن ألرّحيم
--------------------------
عن ألأمطآر ألتي هطلت على(ألرياض)

خلآل أليومين ألمآضين - كتبت هذه ألأبيات

وقدمتها في (ألخيمة ألشعبية) في(ألجنآدرية)
-----------------------------------------------

أتشوّق للحيا بشعري أبوح - -!!

	أتشوّق للحيا بشعري أبوح = حين شفت ألغيم أقبل عن كثب لآح برق(ن) على ألقبله يلوح = سآقه ألمولى شمآل(ن) واِقترب وآعسى نوّه على ديآر(ن)يروح = يبتهج من خآيله هلّ وسكب ألنّفلّ وزهورها عطر(ن)يفوح = بالفلا محلا ألفيآفي له طرب ومن سكنّ زين ألمبآني وألصروح= لو يزور ألغرب أقفى واغترب ليا تنقّل رآغب(ن) قصده يسوح= ومن لذيذ ألزآد وألنعمه شرب مآلقى بلذ ألتودّد و ألمزوح = مثل حسن ألكيف(بديآر ألعرب)

---------------------------------

بسم ألله ألرّحمن ألرّحيم
-------------------------

غضّه غميضه شعوره هآج - -!!

	غضّه غميضه شعوره هآج = تبي ألمحبه وتحتآجه ألرفق بالفآتن ( ألمغنآج ) = مشآعره - حيل -وهآجه نحّوها عن مصدر ألازعاج = خلّوها بالشوق سجآجه لا تسببوا للغضي احرآج = ما للغضي بالعتب حآجه نجمه تعلّت على ألأبراج = ما تعرف أللّوم لجّآجه كيف ألغضي للهوى محتآج = وألموت بالعين وحجآجه ألمبسم كنّه بياض ألعآج = با لوجه ماخطّ مكيآجه للّي عطش منهل(ن)فجّآج = وتنوّر ألقلب بسرآجه للّي شكى رقية(ن)وعلاج = حظيظ منهو خذا علآجه يالله يا وآلي ألأفرآج = تعزّز شعوره ومنهآجه

----------------------------------

بسم ألله ألرّحمن ألرّحيم
-------------------------

كان ألناس سآبقاً ينعمون بالرّيف -وألمخآليف ويقضون فترآت طويله في ألبرّ

يتلذّذون في فرح -وأنس -وسوآلف -وتآلف -وكان (ألنّجر) بمثآبة( ألمنبه)

لمكآن ألاجتمآع -
------------------------------------------------------------------------------

يآحلا نور ألنّهآر ليا بدا - - -!!

	يآحلا نور ألنهار ليا بدا = أشرقت وضآحة(ن) شمس ألنهار بعدغيم(ن)ممطر(ن)ريح ألنّدى = فآح في روض(ن) زها كلّه خضآر جآوب ألقمري ليا منّه شدا = حآم في روض(ن) تنقّل واستدآر واسمع ألرّآعي ليآ منّه حدا = حآش زمل(ن)مع مغآتير(ن) بكآر أشعله (بالرِّمث) حدّد له ندا = بصوت نجّر(ن) يجلبّ لك ناس(ن)خيآر يا(ولد) ترى ألمعرفه له صدى= قلّط (ألدّله) على جآل (الوجآر) ماتضيع علومنا وألله سدى = نرحّب باللّي جولنا ضيوف(ن)وجآر ألكيآفه تستمر مآله مدى = يآحلآة ألكيف في ليل ونهآر !!

--------------------------------------------

بسم ألله ألرّحمن ألرّحيم

-------------------------

قآلت :كبير وقلت : بالقدر وألشآن !!

	قالت : كبير وقلت: بالقدر والشآن = مانا صغير(ن) أذهلتني صغآير ان كنتي ترضيني بود(ن) وعرفان = أسدلت أنا لودّك بقلبي ستآير و الاّ تركت اللي مضى بيننا كان = مانا الذي غرّر بعقول ألحرآير يرزقني أللّي فرض خمس الاركان = وما قدّر ألمولى على ألعبد صآير أنا الذي بالودّ والوجّد ولهآن = مانا الذي بالعزم والجهد خآير وان غرّتك دنيآك بفلآن وفلآن = ذآك ألذي يملك عقآر وعمآير تروح ألمظآهر وتختفي كل ألألوآن = غيرك ظهرت تغريه بالود حآير دللّت انا لودّي بصدق(ن) وبرهآن = يوم جيت أنا ألوآلد مسيّر وزآير-

-----------------------------------

بسم الله الرّحمن الرّحيم
-------------------------


اِهداء الى ابن ألأخت ألشاب ألخلوق (بدر عايد الحميان)
------------------------------------------------------------

يا ابو(أنس) شفت ألونس يسعد ألحال - !!

	يا بو(أنس) شفت ألونس يطرب ألبال = ترتاح روحي مع جميع ألرفاقه كم(ن) رفيق(ن) ماندوّر به أبدال = له حشمة(ن) تعزّزت بالصدآقه يازين ودّ(ن) بالغلا يطرب ألبال = مع الذي بينك وبينه علاقه ( هذا ولد عم(ن) وهذا ولد خال) = والاّ بعيد الناس سهل(ن) فراقه خلّك عزيز ألنفس للجود مدّهال = ترى ألوفا وألجود حلو(ن )مذاقه يا(بدر) حشْت القدر في زين الافعال = يا(الضيغمي) من ساس عزّ وعراقه يا(بدر) ما سآد من قيل: محتآل = اللّي سلك درب الرّدى باعتناقه ليا طاب عشيرك بالهوى زآن منزال = تعطّرت دنياك بعطر(ن) وبآقه تلذّذ بدنياك صرت خوش رجال = تحلى حياة ألحبّ يسري اِنسياقه

-------------------------------------------------------------------