مساجلة / بقلمي

[اهداء الى الشاعر/ فهيد بن رابح الميموني المطيري ابو رامي

يابو رامي بالخير والعافيه دمت=سموكم ياعل يبقى نجاحه
انا ادري انك صادقٍ لاتكلمت=اشم انا فيكم عبير الصراحه
انت الذي بالطيب والخير ساهمت=شاعر وشيخ وتتصف بالسماحه
لك ماقفٍ كلٍ يهابه اليا قمت=جبل طميه ماتهزه ارياحه
يافهيد بن رابح عن الرداء شمت=الطيب ساسك شاربٍ من قراحه
مدحي زهاكم والمعاني تغانمت=في مدحكم صدري يزود انشراحه
انت الذي من جود جودك تكرمت=وزوداً على جودك بعقلك رجاحه

نايف عبدالله السليمي

الرد على قصيدة الشاعر نايف عبدالله السليمي أبو فهد 👇🏻

باالخير اباء فهدٍ اهلين و اسلمت=يسلم سموك بالشعر واندراجه
انا ادري انك صادقن لو ماسلمت=للصدق في صدرك اركون اومساحه
ولا عليكم زود منكم تعلمت =ياورثين الطيب ماهو امناحه
اشدتلي بالطيب يالقرم والزمت=فكري اوهاجوسي ايحرم امراحه
الين عليك ايرد مايلزم الصمت=ان الوفاء نايف لبستو اوشاحه
مدحتنا يوم انت للمرجله رمت =حرا رفعه اعن الطمانه اجناحه
شاعر وانا لك يابيض الوجه بصمت=سياسين بالشعر سده مباحه
هذا مردي تو توي تلهمت=ان البحر تجيد فيه السباحه

الشاعر / أبو رامي فهيد الميموني

صحت السنكم وسلمتوا الجميع حفظكم الله ,,,

صح بوحكم والسنتكم

الشاعر نايف عبدالله السليمي
صح السانك ولسان ابو رامي
تقديري لحضرة جنابك

صح السنتكم يالشعراء
وبيض الله وجيهكم
تقديري لكم جميعاً

اخوي نايف صح السنتكم كلكم شعراء كبار

اقتباس المشاركة الأصلية كتبت بواسطة بهلول الزميلي صحت السنكم وسلمتوا الجميع حفظكم الله ,,,

صح بدنك ولاهنت /

تحياتي لك :

اقتباس المشاركة الأصلية كتبت بواسطة سراب الكحيلة صح بوحكم والسنتكم

صح بدنك ولاهنتي /

تحياتي لك :

اقتباس المشاركة الأصلية كتبت بواسطة ابو جدايل الشاعر نايف عبدالله السليمي صح السانك ولسان ابو رامي تقديري لحضرة جنابك

صح بدنك ولاهنت /

تحياتي لك :

اقتباس المشاركة الأصلية كتبت بواسطة دندش صح السنتكم يالشعراء وبيض الله وجيهكم تقديري لكم جميعاً

صح بدنك ولاهنت /

تحياتي لك :